အခန်း (၅)
ခေတ်ပေါ် ရူပဗေဒသိပ္ပံနှင့် ဗုဒ္ဓဟောကိန်း
ဤသနိ်္တသုခဆိုသည့် နိဗ္ဗန်သို့ရောက်ရာ၊ ရရာလမ်းစဉ် အကျင့်နည်းလမ်းမှာ
မြတ်စွာဘုရား ဟောကြားတော်မူလခဲ့သော အရိယာသစ္စာလေးပါးတို့အနက် နောက်ဆုံး
ဖြစ်သည့် မဂ္ဂသစ္စာပင်ဖြစ်ပါသည်။ ဤမဂ္ဂသစ္စာ ကိုဒုက္ခနိရောဓ ဂါမိနိပဋိပဒါ၊
ဒုက္ခအပေါင်း ချုပ်ငြိမ်းရာ နိဗ္ဗာန်သို့ရောက်ကြောင်း အကျင့်မဂ္ဂင်ရှစ်ပါး လမ်းစဉ်ဟုခေါ်
ကြသည်။ သမ္မာဒိဋ္ဌိ အစသမ္မာ သမာဓ်ိအဆုံး သီလခန်း၊ သမာခန်း ပညာခန်းဟူ၍
မြန်မာပြည်ထေရ၀ါဒ ဗုဒ္ဓဘာသာအရ သုံးပိုင်းပိုင်းခြားပြီးဖြစ်သည်။
ဝင်တို့၏ ပန်းတိုင်ဖြစ်သည့် ဒုက္ခခပ်သိမ်း ကင်းငြိမ်းရာ နိဗ္ဗာန်သို့ရဖို့ရာက်ဖို့အတွက်
ပထမအရးကြီးသည့်အချက်ကား ဗဒ္ဓ ဟောကြားတော်မူခဲ့သော သဗ္ဗေသင်္ခါရာ အနိစ္စာ
သဗ္ဗေသင်္ခါရာဒုက္ခာ သဗ္ဗေဓမ္မာအနတ္တာ ပြုပြင်ဖန်းတီးခြင်းမကင်းသည့် သင်္ခါရတရားတို့ အမြဲမရှိ ဆင်းရဲ၏။ အစိုးမရ။ အနှစ်သာရကောင်အထည် ငါ သူတစ်ပါးမည်မည်ရရ
ဘာမှမရှိဟု ဆိုသော လက္ခဏာရေးသုံးပါး၊ ခါးပိုက်ဆောင် တရားကြီးကို ကောင်းစွာ
နားလည်သဘောပေါက် နားလည်ဖို့ပင်ဖြစ်သည်။ ဤသည်မှာ သမ္မာဒိဋ္ဌိ
အမြင်မှန်ယထာဘူတဥာဏ်သို့ ဦးတည်ခြင်းပင်ဖြစ်ပါသည် တနည်းအားဖြင့်ပြောရလျှင်
ဤ(၂၀)ရာစုလူသားများသည် ၄င်းတို့၏ ဘိုးဘွားဘီဘင်များထ ဤကိစ္စတွင်တပန်းသာ
နေသည်ဟုဆိုရပေမည်။ အဘယ်ကြောင့်ဆိုသော် ဤခေတ်တွင်တစ်ဟုန်ထိုး တိုးတက်
နေ သော သိပ္ပံပညာ၏ အထောက်အကုကို ရရှိခြင်းအားဖြင့် အနိစ္စဓမ္မ အစရှိသသည့်
အမြဲမရှိ ဖြစ်ကာပျက်ကာ ဓမ္မာတာတို့၏ လျှို့ဝှက်ချက်ကို လွယ်လွယ်ကူကူဖြင့် ပျိုး
ထောင်ရယူနိုင်၏။ အနိစ္စဆိုသည့် သဘာဝဓမ္မသည် သိပ္ပံပညာ၏ ပမာဏအခြေခံနည်း
ဥပဒေသတစ်ပါးဖြစ်ပါသည်။ ရူပဗေဓခေါ် ရုပ်သဘာဝနှင့် ရုပ်သဘာသဖြစ်ပေါ်ခြင်းအ
ကြောင်းကိုလေ့လာသော သိပ္ပံပညာအတက်ပညာအရ သိရသည့်မှာ ရုပ်ဝတ္ထုအားလုံး
သည်အက်တမ်ခေါ် အနုမြူလျှပ်စစ် ရောင်ခြည်မှုန်ကလေးများ၏ အဖွဲ့အစည်းမျှသာဖြစ်
၏။ ဤမြူမှုန်ရောင်ခြည်မှုန်ကလေးများသည် မသည့်အရာများဖြစ်သနည်းဆိုသော် အ
ချို့ကို နူရူထွန်ဟုခေါ်ပါသည်။ အချို့ကို ပရိုတွန်ဟုခေါ်ပါသည်။ သူတို့သည် အမြဲတမ်း
ရပ်တည်မနေပဲ အမျိုးမျိုးတစ်ခုတစ်ခု ရောနှောဖွဲ့စည်းကာ၊ တရစပ် မရပ်မနားဖြစ်ကာ
ပျက်ကာသာနေကြသည်။ သာမာန်အမြင်အားဖြင့် ခိုင်မာတောင့်တင်းနေသည်ဟုထင်
ရသော ရုပ်ဝတ္ထုဆိုသည်မှာ အမှန်အားဖြင့်ဤမြူမှုန်၊ လျှပ်စစ်ရောင်ခြည်မှုန်ကလေး
များ၏အပေါင်းအစည်း အစုအဝေးတို့သည်သာဖြစ်၍မရပ်မနားတရစပ်အသစ်ဖြစ်ပေါ်
လာလိုက်အဟောင်းပျောက်လိုက်စသည်ဖြင့်မျက်စိတစ်မှိတ်လျှပ်တစ်ပြက်လျှင
ကုဋေတစ်သိန်းလောက်ဖြစ်ကာ ကုဋေတစ်သိန်းပျက်ကာနေသည့် အလွန့်ပလွန်လျှင်မြန်
သော ဖြစ်ပျက်အစဉ်တို့ပင်ဖြစ်ပါသည်။ ဘိုင်အိုခော်ဂျီခေါ် သိပ္ပံပညာဇီဝဗေဒ(သတ္တဗေဒ)
၏အလိုမှာကိုယ်ခန္ဓာ၏အသားစိုင်အသားပွင့်တို့မှာကလာပ်စည်းများဖြင့်ပြီးလေ၏။
ကလာပ်စည်းမျုားကို မှန်ဘီးလူးဖြင့်ကြည့်သောအခါ ပျစ်ချွဲသောဝတ္ထုအတွင်း၌ အသက်ဇီဝ
(၀ါ)ဘ၀င်စိတ္တုပ္ပါဒ်၏ မူလဘူတဖြစ်ပေါ်မှုအစဉ်ကို တွေ့ရပါသည်။
ယင်းကလာပ်စည်းများမှာအာရုံကြောကလာပ်စည်း၊ ကြွက်သားကလာပ်စည်း၊
အသံကလာပ်စည်းအစရှိသဖြင့်(လူ၏ခန္ဓာကိုယ်အရပ်ရပ်၌) ၄င်းတို့၏ လုပ်ငန်း
အလျှောက် ကလာပ်စည်း အမျိုးမျိုး ရှိကြသော်လည်း စင်စစ်မှာ ထိုကလာပ်စည်းတို့
သည်အသက်(ဇီဝ)နှင့် ပြည့်စုံသော အခြေခံဌာနများ ဖြစ်မှုအရင်းခံအားဖြင့်တူညီကြလေ
သည်။လူတစ်ဦး၏ခန္ဓာကိုယ်တွင်ကလာပ်စည်းပေါင်းကုဋေတစ်သိန်းရှိသည်။(မော်ဒန်
ဘိုင်အိုလိုဂျီပရဖက်ဆာဟင်နရီမာရစ်နှင့် ဒေါက်တာဂျေဝှမ်းကင်းစ်၊ အောက်စဖီု့
ယူနီဘာစီတီ)နောက်ရူပဗေဒခေါ်သိပ္ပံပညာက နောက်ဆုံးတွေ့ရှိချက်တစ်ခုတွင်ဗုဒ္ဓ၏
နှစ်ပေါင်း၂၅၀၀ကျော်က ဟောကိန်းနှင့်တူနေပါသည်။ လူသား၏ကိုယ်ခန္ဓာသည်
မွေးသသည့်အချိန်မှစ၍သေဆုံးသည့်အချိန်အထိ ကံအမှု(၀ါ)ကာယကံ၊ ၀စီကံ၊
မနောကံ(ကိုယ်အမှုအရာ၊နှုတ်အမှုရာ၊ စိတ်အနမှုအရာ)တို့၏ဖြစ်ပျက်အစဉ်သာဖြစ်၍
သေဆုံးသည့်နောက်လည်းအဆိုပါကိုယ်အမှုအရာစသည့် ကံအမှုတို့၏အဟုန်အရှိန်
ကြောင့် အသစ်အသစ် ဆက်လက်ပေါ်သော ဓာတ်နာမ်ဓာတ်တို့၏ ဖြစ်ပျက်
အစဉ်သာတည်း။
ဗုဒ္ဓကတိတိကျကျဟောတော်မူခဲ့သည်မှာ အလွန်သေးငယ်သောရုပ်ဓာတ်မြူမှုန်
(၀ါ)အနုမြူကလေးများသည် စက္ကန့်တစ်စိတ်တွင် သန်းပေါင်း(၅၀၀၀၀)မျှ ဖြစ်ပြီးပျက်
နေကြောင်း ထိုရုပ်ဓာတ်မြူမှုန်အနုမြူကလေးပေါင်း(၄၇၈၃၆) သည်နွေအခါလှည်းလမ်း
မှလွင့်လာသောရထားမြူမှုန်ကလေးတစ်ခုနှင့်ညီမျှကြောင်းဤအနုမြူမှုန်ကလေးများဖြစ်ပျက်
အစဉ်သဘည် အလွန်မြန်၍ အလွန်အရှိန်ပြင်းသော လောကဓာတ် ရေဒီယန်ဓာတ်ရောင်ခြည်
စသည်တို့လို သဘာဝအလျောက်ဖြစ်ပေါ်သော ရေဒီယိုဓာတ်လှိုင်း၏စွမ်းအင်အားပင် ဖြစ်သည်။
လောကဓာတ်သပ္ပံပညာ၏ နောက်ဆုံးတွေ့ရှိချက်အရ၊ ရေးဒီယို သတ္တုတစ်ဂရမ်
သည် တစ်စက္ကန့်လျှင် ၁.၆၉၉၁၀၉ စင်တီမီတာ အမြန်နှုန်းဖြင့် အဲလီဖာမြူမှုန် ၃.၇၀x၁၀
ထုတ်လွှတ်၏။
ဤနေရာတွင် သိထားဖို့လိုသည်မှာ ရူပဆိုသည့် ပါဠိဝေါဟာရကို စကား
အစီအစဉ်အလိုက် အမည်အမျိုးပေးထားကြပါသည်။ နေရာတိုင်းတွင် အမည်တစ်မျိုးတည်း သုံး၍မရပါ။
ပရမဏုမြူဆိုသည့် ရှေးဗုဒ္ဓဝေါဟာရသည် ယခုခေတ် အက်တမ်ခေါ် အဏုမြူ
ပင် ဖြစ်ပါသည်။
ရှေးခေတ်အယူအဆအ၊ ရထရေနုမြူခေါ် နွေအခါ လှည်း၊ ရထား၊
မော်တော်ကား သွားရာလမ်းတလျောက် နေရာတွင် လွင့်နေသည့် အလွန်သေးငယ်သော
မြူမှုန်ကလေးတစ်ခုသည် တဇ္ဇာရီခေါ် မြူမှုန်ငယ် ၃၆ ခုနှင့် ညီမျှပါသည်။ တဇ္ဇာရီမြူမှုန်
တစ်ခုသည်။ အနုမြူ ၃၆ခုနှင့် ညီမျှပါသည်။ အနုမြူတစ်ခုသည် ပရမာနုမြူ ၃၆
လုံးနှင့် ညီမျှပါသည်။
ပရမာနုမြူကို ဗုဒ္ဓ၏ ရွှေဉာဏ်တော်ဖြင့် ခွဲစိတ်ကြည့်ရာ ဘာမျှ ဒြပ်သဏ္ဍာန်
မရှိ၊ ပထ၀ီ၊ အာပေါ၊ တေဇော၊ ၀ါယောဆိုသည့် စွမ်းအင်ခေါ် ဓာတ်ပရမတ်များသာ
ရှိပါသည်ဟု ဆိုပါသည်။
စွမ်းအင်သတ္တိဆိုသည်မှာ ပရမာဏုမြူတိုင်းမှာ ရှိသည့်(၁) မာမှု၊ နူးညံ့မှုဆိုသည့်
ပထ၀ီ မြေဓာတ်၊ (၂) ဖွဲ့စည်းမှု၊ ပူးကပ်မှုဆိုသည့် အာပေါဓာတ်(၃) ပူမှု၊ အေးမှု၊
လောင်ကျွမ်းမှု၊ ဆွေးမြေ့မှုဆိုသည့် တေဇောဓာတ်၊ (၄)တွန်းကန် ဖိနှိပ်ထောက်ကန်မှုဆို
သည့် ၀ါယောဓာတ်တို့ကို ဆိုလိုပါသည်။ ယင်းစွမ်းအင်လေးမျိုး မဟာဘုတ်တို့ကိုမှီ၍
(၁) အတင်းဆိုသည့် ၀ဏ္ဏဓာတ်(၂) အနံ့ဆိုသည့် ဂန္ဓာဓာတ်၊(၃) အရသာဆိုသည့်
ရသဓာတ်၊(၄) အဆီသြဇာ ဆိုသည့် သြဇာတွေလည်း ရှိပါသည်။
မဟာဘုတ်လေးပါးနှင့် တစ်ပေါင်းတည်း ခွဲစိတ်၍မရအောင် ပါရှိနေခြင်း
ကြောင့် အ၀ိနိမ္ဘောရရုပ်ရှစ်ခု(သို့မဟုတ်) အဌကလာပ်ရှစ်ခုဟု ခေါ်ရပြန်ပါသည်။
ဗုဒ္ဓရှင်တော်မြတ်ဘုရားသည် သိပ္ပံလောက ဓါတ်ရူပဓါတ်ဆရာကြီးတွေ မပေါ်မီ
နှစ်ပေါင်း(၂၅၀၀)ကျော်ကပင်လျှင် ပဋိသမ္ဘိဒါမဂ်ပါဠိတော်၌ အောက်ပါအတိုင်း ထုတ်ဖေါ်
ဟောကြားတော်မူခဲ့ပါပေ၏။
တဒ္ဓတြိယာမတ္တံ ပထ၀ီနာမ၊ အာပေါနာမ၊ အာဗန္ဒနကြိယာမတ္တံ တေဇောမနာမ
သီတ ကြိယာမတ္တံ၊ ဥဏှကြိယာမတ္တဉ္စ၊ ၀ါယောနာမ၀ိက္ခမ္ဘန ကြိယာမတ္တံ၊
နတေသု ဒဗ္ဗံဝါ၊ သဏ္ဍာနာဝါ၊ ၀ိဂ္ဂ၀ါ၊ ဥပလမ္ဘတိ။
ပထာနာမ၊ ပထ၀ီ မြေဓါတ်ဆိုသည်မှာ၊ တဒ္ဒကြိယာမတ္တံ၊ မာမှုသဘော
သက်သက်မျှသာ၊ အာပေါနာမ၊ အာပေါရေဓါတ်ဆိုသည်မှာ၊ အာဗနကြိယာမတ္တံ၊
ဖွဲ့စည်းမှု၊ ကပ်တွယ်မှုသဘောမျှသာ၊ တေဇောနာမ၊ တေဇောမီးဓါတ်ဆိုသည်မှာ သီလ
ကြိယာမတ္တံ၊ အေးမှုသဘောမျှသာ၊ ဥဏှကြိယာမတ္တံဉ္စ၊ ပူမှု့သဘောလည်းဖြစ်၏။
ဝါယောနာမ၊ ၀ါယောလေဓါတ်ဆိုသည်မှာ ၀ိက္ခမ္ဘနကြိယာမတ္တံ၊ တွန်းထုတ်ဖိနှိပ်
ထောက်ကန်သဘောမျှသာ၊ ဒဗ္ဗံဝါ၊ အထည်ကိုယ်ဒြပ်သော်လည်းကောာင်း၊ သဏ္ဍနာဝါ၊
အဆင်းသဏ္ဍာန်သောလည်းကောင်း၊ ၀ိဂ္ဂဟောဝါ၊ အကောင်သောလည်းကောင်း၊
နဥပလမ္ဘတိ၊ ဘာမျှမရအပ်ကုန်။
ယခုခေတ် အနောက်တိုင်း ရူပဗေဒသိပ္ပံဆရာကြီးတို့၏ ရုပ်ဓာတ်ခွဲပုံမှာ
အောက်ပါ အတိုင်းဖြစ်ပါသည်။
(၁) မော်လီကျူး(ခေါ်) တဇ္ဇရီတစ်လုံးကို ဓါတ်ခွဲလိုက်လျှင် အက်တမ်ခေါ်အဏုမြူတစ်လုံးရပါသည်။
(၂) အက်တမ်(ခေါ်) အဏုမြူတစ်လုံးကို ဓါတ်ခွဲလိုက်လျှင် (က) အီလက်ထရွန်
(ခ) နူထရွန် နှင့် (ဂ) ပရိုတွန်ခေါ် ပရမာအနုမြူသုံးလုံးကို ရပါသည်။ထိုပရမာဏုမြူတွေကို တစ်ဖန်ထပ်ပြီး ဓါတ်ခွဲလိုက်လျှင် စွမ်းအင်ခေါ်(energy) ကိုသာရပါသည်။ ဒြပ်သဏ္ဍာန်မရှိတော့ပါ။
ထို့ကြောင့် ဤသြကာသလောက ရုပ်ဝတ္ထုစကြာဝဠာကြီးတစ်ခုလုံးသည် အမျိုးမျိုး
စုပေါင်းရောစပ်ဖွဲ့စည်းနေသော အဏုမြူရောင်ခြည်များနှင့် အမျိုးမျိုးသော အဆင်းရူပါ
ဩရုံပုံသဏ္ဍာန် အရိပ်နမိတ်တို့၏ အစုအဝေး အစိုင်အခဲမျှသာဖြစ်ပါသည်။ ဤကဲ့သို့
အဏုမြူရောင်ခြည်များ အလွန့်အလွန့်လျင်မြန်သော် အရှိန်ဖြင့် ဖြစ်ကာပျက်ကာနေသည့်
အစဉ် စက်ယန္တယားကို ခုတ်မောင်းနေသည့် လောကနိယာမ သဘာဝ ဓါတ်အင်အား
ကြီး အကြောင်းကို မြတ်ဘုရားသာလျှင် အစုံအလင် ကုန်စင်အောင် သိရှိနိုင်ပါသည်။
မြတ်စွာဘုရားကလည်း (စိတ္တေန နိယတေလောကော) အယံလောကော၊ ဤလောက
ကြီးသည်။ စိတ္တေန၊ စိတ်ကြောင့်၊ နိယတေ၊ ခိုင်မြဲနေ၏ဟု ဟောတော်မူပါသည်။
ထို့ကြောင့် ဤစကြာဝဠာ လောကကြီးနှင့်တကွ သက်ရှိသက်မဲ့အားလုံးတို့သည်လည်း၊
သက်ရှိသတ္တ၀ါအားလုံးတို့၏ စိတ်ဓါတ်အင်အားအဟုန်ကြောင့် ဖြစ်ပေါ်နေသည်ဟု
သိရပါသည်။ ဗုဒ္ဓမြတ်စွာဟောတော်မူသော ပဋိစသမုပ္ပါဒ်ဒေသနာအရ အ၀ိဇ္ဇါဆိုသည့်
နာမ်တရားစိတ်ဓါတ်အားသည်၊ နာမရူပံ၊ ရုပ်နာမ်တို့ဖြစ်ပေါ်ခြင်း၏ အကြောင်းရင်း
ဖြစ်သည်ဟုဆိုပါသည်။ ဤရုပ်ဓါတ်နာမ်ဓါတ်ဖြစ်ပေါ်ခြင်း၏ အကြောင်းရင်း
ပဋိစ္စသမုပ္ပါဒ် ကြောင်းကျိုးဆက်သွယ်ရေးသဘောတရားကို လောကဓါတ်သိပ္ပံပညာက
နားမလည်သေးပါ။ သို့သော်လည်း ဗုဒ္ဓဟောတော်မူသော အနိစ္စ၊ ဒုက္ခ၊ အနတ္တဆိုသည့်
တိလက္ခဏာကြီး သုံးပါးတရားကိုကား အနည်းဆုံး ဗုဒ္ဓဘာသာဝင်များ နားလည်
သဘောပေါက်လွယ်အောင် သိပ္ပံပညာက သူ့နည်းနှင့်သူ အတော်ကလေး အထောက်
အကူပြုပါသည်။ ဤစကြာဝဠာကြီးနှင့် ပတ်သက်၍ သိပ္ပံပညာ၏အမြင်၊ သိပ္ပံပညာ၏
အယူအဆမှာ ဗုဒ္ဓ၏ အတွေးအခေါ်များကို လုံးလုံးဆိုသလို ယခုအခါ ထောက်ခံ
လာသည်ကို တွေ့ရပါသည်။ ဥပမာ၊ သိပ္ပံပညာက လက်ခံအတည်ပြုလာသည်ဆိုသည့်
ဤစကြ၀ဠာသင်္ခါရတလောကလုံးသည် မရပ်မနား တရစပ် ဖြစ်ကာပျက်ကာနေသည့်
အနိစ္စလက္ခဏာအစဉ်ကြီးပင်တည်း ဟူ၍လည်းကောင်း၊ ရုပ်သဘာဝဓါတ်တို့သည်
ခိုင်ခိုင်မာမာ တည်တံစွဲမြဲနိုင်သည့် အလည်အသွေးအနှစ်သာရ လုံးဝမရှိ၊ အနတ္တဓမ္မတို့သာ
တည်းဟု ဆိုသည်မှာ ဗုဒ္ဓ၏အခြေခံပဓာနတရားတို့တွင် ပါဝင်နေပါသည်။
ဤနေရာမှစ၍ ဗုဒ္ဓ၏ လောကုတ္တရာဉာဏ်သာ ကျက်စားရာဖြစ်တော့၏။ သိပ္ပံ
ပညာစခန်းသည် ဤနေရာ၌ ရပ်တော့၏။ သို့သောငြားလည်း ဗုဒ္ဓ၏တရားမှာ ဒိဋ္ဌိဓမ္မော၊
ပတ္တဓမ္မော ကိုယ်တိုင်ကိုယ်ကျ သိမြင်အပ်ရောက်အပ်သော တရားဖြစ်သောကြောင့်
သိပ္ပံပညာကလည်း အခါအားလျော်စွာ တစ်စတစ်စဆိုသလို ဗုဒ္ဓ၏အမှန်တရားကို
ဆက်လက် ရှာဖွေသောအားဖြင့် အမှန်အတိုင်းတွေ့ရှိလာမည်မှာ သေချာပါသည်။
လောလောဆယ်၌ပင်၊ သိပ္ပံပညာသည်၊ လူသားတို့ကို များစွာပင် အကျိုးပြုပေ၏။
လူသားတို့၏ တန်းခိုးအာနိသင် စွမ်းအားကို မြင့်မားစေ၏။ သိပ္ပံပညာ၏ ကျေးဇူး
ကြောင့် ဘယ်တုန်းကမျှ မတွေ့ဘူးမကြုံဘူးသော အာနိသင်အစွမ်းအားဖြင့် လူသားတို့
သည် ဘယ်တုန်းကမျှ မတွေ့ဘူးမကြုံဘူးသော အာနိသင်အစွမ်းအားဖြင့် လူသားတို့
သည် ဤလောကသဘာဝကြီးကို ထိန်းနိုင်၊ ကျောင်းနိုင်ပေ၏။ သို့သော်လည်း၊ သောက၊
ပရိဒေ၀၊ ဒုက္ခ၊ ဒေါမနဿ၊ ဥပါယာသဆိုသည့် ဘေးရန်အပေါင်း(၁၆၀၀၀)တို့ကိုကား
ဤလူ့ဘောင်ကြီးမှ ကင်းဝေးအောင် ဘာမျှမတတ်နိုင်သေးပါ။ ဤသည်ကိုသိမြင်တော်
မူသော မြတ်စွာဘုရားသည်၊ ပရိနိဗ္ဗာန် ပြုခါနီးတွင် အောက်ပါအတိုင်း သတ္တ၀ါတို့ကို
သတိပေးခဲ့ပါသည်။
ဟန္ဒဒါနိဘိက္ခဝေ၊ အာမန္တယာမိဝေါ၊
ဝယဓမ္မာသင်္ခါရာ အပ္ပမာဒေနသမ္မာဒေထ။
ဘိက္ခဝေ၊ ရဟန်းတို့၊ ဒါနိဣဒါနံ၊ နိဗ္ဗာန်စံယူခါနီး ယခုအခါ၌။ ဟန္ဒ၊ ငါတိုက်
တွန်း၏။ ဝေါ၊ သင်တို့ကို။ အာမန္တယာမိ၊ ငါဘုရား မိန့်မှာခဲ့၏။ သင်္ခါရာ၊ ကံစိတ်ဥတု
အဟာရတည်းဟူသော အကြောင်းတရားလေးပါးတို့ကို အမြဲမပြတ် ပြုပြင်စီရင်အပ်သော
ရုပ်နာမ်ဓမ္မသင်္ခါရတရားတို့သည်၊ ၀ယဓမ္မ၊ ဖြစ်လျှင် ပျက်ခြင်းဘောရှိကုန်၏။
အပ္ပမာဒေန၊ မမေ့မလျော့မပေါ့ဆသော သတိတရားနှင့်။ သမ္မာဒေထ၊ ပြည့်စုံကြကုန်လော့။
ဤသည်မှာ၊ ဗုဒ္ဓဘုရားရှင်၏ ပရိနိဗ္ဗာန်ပြုကာနီး နောက်ဆုံးမှာကြားသွားတော်မူ
ခြင်းဖြစ်ပါသည်။ ထို့ကြောင့် ဗုဒ္ဓဘာသာဝင်ဆိုလျှင် သံသရာဘေးဒုက္ခတို့မှ လွတ်မြောက်
ဖို့ရန် ကြိုးစားရမည်ဖြစ်ပါသည်။ မဟာသမုဒ္ဒရာရေသည် ဆားငံရည်တစ်မျိုးတည်း
ဖြစ်သကဲ့သို့ ဗုဒ္ဓသာသနာတော်သည်လည်း ၀ိမုတ္ထိရသဟုဆိုသည့် သံသရာဝဋ်ဒုက္ခမှ
လွတ်မြောက်သော အရသာတစ်မျိုးကိုသာ ထိပ်တန်းတင်ထားကြောင်း စုဠ၀ဂ္ဂ
ပါဠိတော်တွင် မြတ်စွာဘုရားဟောတော်မူထားပါသည်။
ဗုဒ္ဓဓမ္မသည် အဆိုးမြင်တရားလော။
ဒုက္ခအပေါင်း ဘေးအပေါင်းမှ လွတ်မြောက်စေနိုင်သည့် ဗုဒ္ဓတရားဓမ္မကို
နားမလည်မှုကြောင့် ဖြစ်ကောင်းဖြစ်ပါလိမ့်မည်။ အချို့သူများက အဆိုးမြင
တရားဟု ကင်ပွန်းတပ်ကြပါသည်။ ဗုဒ္ဓတရားသည် ယခုမျက်မှောက်ဘ၀၌ပင်လျှင် အထက်က
ပြောခဲ့သလို ဒုက္ခအပေါင်းမှ လွတ်မြောက်နိုင်သည့်၊ တရားတော်ဖြစ်ကြောင်း ထင်ရှား
ပါသည်။ ယခုခေတ် လောကဓါတ်သိပ္ပံ ထွန်းကားသည့် တိုင်းနိုင်ငံကြီးများ၌ လူတို့သည်
ဘယ်အရာမဆို၊ ဘယ်ကိစ္စမဆို ယေဘုယျအားဖြင့် ဓါတ်ခွဲခန်း၌ စမ်းသပ်ကြည့်ပြီးမှ
ယုံကြည်လက်ခံသင့်လျှင် ယုံကြည်လက်ခံကြပါသည်။ ဗုဒ္ဓတရားတော်သည်လည်း
ဓါတ်ခွဲခန်း၌ စမ်းသပ်နိုင်ပါသည်။ ဇာတိ ဇရာ၊ ဗျာဓိ မရဏအစရှိသည့် ပဋိသန္ဓေနေရခြင်း၊
ဆင်းရဲခြင်း၊ အိုခြင်းဆင်းရဲခြင်း၊ နာခြင်းဆင်းရဲခြင်း၊ သေခြင်းဆင်းရဲခြင်း အစရှိသည့် ဆင်းရဲဒုက္ခ
အပေါင်း၊ ဘေးအပေါင်းမှ လွတ်ကင်းရာ နိဗ္ဗာန်နှင့်လည်းကောင်း၊ ဘေးအပေါင်း၊
ရန်အပေါင်းတို့ကို ဖြစ်စေတတ်သည့် ကိလေသာအာသဝေါတို့ကို ကုန်ခန်းရာ
အရဟတ္တမဂ်၊ အရဟတ္တဖိုလ်တို့ကို၊ ဤမျက်မှောက်ဘ၀ မသေမီရယူနိုင်ခြင်းဖြင့် ထင်ရှားပါသည်။
အထက်နားတွင် ပြဆိုပြောဆိုခဲ့သည့်အတိုင်း ဗုဒ္ဓ၀ါမှာ လောက၏ အဆင်
အပြေမှု၊ ချို့တဲ့မှု၊ မတည်ငြိမ်မှုတို့ကိုသာ တစ်ဖက်သက် ချဲ့ထွင်ဟောကြားသော အနိစ္စဓမ္မ
စိတ်ပျက်စရာဝါဒဖြစ်သည်ဟု အချို့ကစွပ်စွဲခြင်းမှာ သတ္တ၀ါသင်္ခါရ ခေါ်သည့် ခန္ဓာငါးပါး
ရုပ်နာမ်တရားတို့အားလုံးသည် အမြဲမရှိ ဆင်းရဲဒုက္ခသာတည်းဟု ဟောချက်ထုတ်သော
ကြောင့် ဖြစ်ကောင်းဖြစ်ပါလိမ့်မည်။
ဤစကြာဝဠာတခွင်တွင် ဒုက္ခဆိုသည့် ဆင်းရဲတို့ကို အသိအမှတ်မပြုဘဲ
ထားပါက (၀ါ) ဆင်းရဲတွေမရှိဟု ဆိုပါကတည်း၊ ဖြစ်ကာပျက်ကာနေသည့်
ဘ၀သံသရာဝဋ် ဒုက္ခအစဉ်ကြီး မဟုတ်ဘူးဆိုပါက၊ ဘာသာရေးကိစ္စအားလုံးတို့သည်
အပိုသက်သက်သာဖြစ်မည်။ ဘာသာရေးတရားတွေ ရှိဖို့လိုမည်မထင်ပါ။ အမှန်မှာ
ဤဘာသာရေးတရားတို့သည်၊ လောကီဘုံသားတို့ကို ပတ်လည်ဝိုင်း ခြိမ်းခြောက်နေသည့်
ဒုက္ခအပေါင်း ဘေးအပေါင်းတို့မှ ကာကွယ်ပေးဘို့ဆိုပြီး သက်ဆိုင်ရာသက်ဆိုင်ရာ
ဘာသာဝင်တွေက လက်ခံယုံကြည်ကိုးကွယ်ထားခြင်းဖြစ်ပါလိမ့်မည်။ ထို့ကြောင့် ဤ
ရုပ်နာမ်ဓမ္မသင်္ခါရတို့ကို၊ အနိစ္စ၊ ဒုက္ခ၊ အနတ္တဟု ဟုတ်မှန်စွာသိမြင်ပါက၊ သတ္တ၀ါတို့၏
စိတ်သည် တဏှာရာဂမှ ဝေးကွာသွားကာ၊ ဒုက္ခဆင်းရဲများ ဖြစ်ပေါ်လာမည် မထင်ပါ။
ဗုဒ္ဓ၀ါဒသည် အဆိုးကိုသာ တစ်ဖက်သတ် ကြည့်တတ်သော ၀ါဒလည်း
မဟုတ်ကြောင်း၊ လောကဆိုသည့် သံသရာကို တကယ်ပဂတိ အဖြစ်မှန်အတိုင်း ဆင်ခြင်
သုံးသပ်ရကာ၊ သဘာဝဓမ္မအတိုင်း မြင်ခြင်းဟုဆိုရပါမည်။ စိတ်ကူးယဉ်လောက၌
မေ့လျော့ပျော်ပါးနေစေရန် မှောက်မှားသော နှစ်သိမ့်မှုကိုမပေး၊ အပြစ်အန္တရာယ်များကို
တွေးတောစိုးရိမ်သောက ရောက်စေရန် ခြောက်လှန့်နှိပ်စက်မှုလည်းမပြု၊ ပကတိ အစစ်
အမှန် ပတ်ဝန်းကျင်အခြေအနေကို အတိအကျ ယထာဘူတကျကျ ငြိမ်းချမ်းရေး
တည်ငြိမ်ရေး ချမ်းမြေ့ပျော်ရွှင်ခြင်းတို့ကို ရစေရန် လမ်းညွှန်ခြင်းသာဖြစ်ပါသည်။
ဆင်းရဲဒုက္ခဟု ဟောပြောခြင်းဖြင့်လောကတွင် ပျော်ရွှင်မှု၊ ချမ်းသာသုခမရှိဟု
ဗုဒ္ဓက မိန့်တော်မူခြင်းမဟုတ်ပါ။ ရဟန်းများနှင့် သာမန်လူများကိုပါ အင်္ဂုတ္တိုရ်
ပါဠိတော်၌(သုခါနီ) ချမ်းသာသုခ မျိုးစုံကို ဟောတော်မူထားပါသည်။ အိမ်ထောင်သား
မွေးမှုဘ၀၊ ချမ်းသာမှု၊ ရဟန်းဘ၀ချမ်းသာမှု၊ ကာမဂုဏ်စည်းစိမ်ချမ်းသာမှု၊ ဈာန်ချမ်းသာမှု
စိတ်ချမ်းသာမှု၊ ကိုယ်ချမ်းသာမှု စသည်တို့ဖြစ်ပါသည်။ သို့ရာတွင် ၎င်းတို့အားလုံးသည်
ဒုက္ခသစ္စာအမှန်တရားတွင် အကျုံးဝင်ကြသည်ဟု ဆိုထားပေသည်။
ဗုဒ္ဓ၀ါဒကို ဆင်းရဲအဆိုးမြင်ဝါဟု ပြန်ဆိုဖွင့်ဆိုကြသည်ကို လုံးလုံးမှားသည်ဟု
မဆိုနိုင်သကဲ့သို့၊ လုံးလုံးမှန်သည်ဟုလည်း မဆိုနိုင်ပါ။ ဗုဒ္ဓက ဒုက္ခအကြောင်း ဟောတော်
မူရာ၌ လူ့ဘ၀တွင် ချမ်းသာမှုလုံးဝမရှိဟု ဟောတော်မမူခဲ့ပါ။ မဟောသည့်အပြင်
ဗုဒ္ဓက လူ့ဘ၀ကိုဒုက္ခဟုဆိုရာ၌ ဆင်းရဲခြင်းအကြောင်းထက် မတည်မြဲခြင်းကိုရည်ညွှန်းသည်
ဟုဆိုရပါမည်။ လန်ဒန်မြို့ ပါဠိအသင်းကြီးမှ ပါဠိပါရဂူတစ်ဦးဖြစ်သော ကွယ်လွန်သူ
မစ္စက်(စ်)ဂိုင်း(စ်) ဒေးဗစ်(စ်)က ပဋိသန္ဓေနေရခြင်း ပပျောက်သွားရန်၊ အိုခြင်း၊ နာခြင်း၊
သေခြင်း စသည့်ဒုက္ခအပေါင်းတို့ ကင်းဝေးစေရန် ယခုအခါ သိပ္ပံနှင့် ဆေးပညာရှင်များက
အားတိုက်အင်တိုက် ကြိုးစားနေကြရာ ဗုဒ္ဓရည်ညွှန်းသော ဒုက္ခသည်၎င်းတို့ သိမြင်သော
ဆင်းရဲဒုက္ခမျိုးကို သိပ္ပံနှင့် ဆေးပညာရှင်တို့က လုံးဝနှိပ်ကွပ်တားဆီးရန် တတ်နိုင်မည်
မဟုတ်သော်လည်း အချိန်ရွေ့ဆိုင်းရန်လောက်တော့ တတ်နိုင်ကြမည် ဖြစ်ပါသည်။
တစ်ဖန် လန်ဒန်မြို့ဗုဒ္ဓဘာသာပါဠိအသင်းကြီး၏ ဥက္ကဋ္ဌဟောင်းနှင့် ဗုဒ္ဓကျမ်းပြု
ဆရာကြီးတစ်ဦးဖြစ်ခဲ့ဘူးသော ကွယ်လွန်သူ မစ္စတာခရစ္စမတ်ဟမ်းဖရေးက ယင်း၏
စာစောင်တစ်ခုတွင် အောက်ပါအတိုင်းလိုလိုပင် ဤကိစ္စနှင့် ပတ်သက်၍ မှတ်ချက်ချ
ထားပါသည်။ နားမလည်မှုကြောင့် အချို့လူများသည် ဗုဒ္ဓ၀ါဒကို စိတ်ပျက်ဝါဒဟု
စွပ်စွဲကြပါသည်။ ဤစွပ်စွဲချက်မှန်ပါက သီဟိုဠ်၊ မြန်မာပြည်၊ ယိုးဒယား၊ ကမ္ဘောဒီးယား
စသည့် နိုင်ငံတို့၌ ဗုဒ္ဓဘာသာဝင်လူမျိုးများသည် ကမ္ဘာပေါ်တွင် အပျော်ရွှင်အချမ်းမြေ့ဆုံး
လူမျိုးများ ဖြစ်နေကြသည်မှာ ထူးဆန်းလှပါသည်။
ဗုဒ္ဓဘာသာလောကကို ဒုက္ခဆင်းရဲဟု မြင်ထားသည်မဟုတ်၊ ဘာသာ
တရားတိုင်းလိုလို၏ အခြေခံသည် လောက၏မတည်မြဲမှု၊ ဆင်းရဲမှု၊ အနှစ်သာရကင်းမှု၊
မတည်ငြိမ်မှု၊ မပြည့်ဝမှု၊ စသည်တို့ကို သိမြင်ခြင်းပင်ဖြစ်ပါသည်။ အချုပ်အားဖြင့် ဆိုရသော်
ဘာသာ ရေးမှန်သမျှသည် ဒုက္ခအကြောင်းကို ပြဆိုရ၏။ သို့သော် ထိုသို့ ပြရုံဖြင့်
ကိစ္စမပြီးပါ။ ဒုက္ခလွတ်မြောက်ရာလမ်းကိုလည်း ဖေါ်ထုတ်ရပါသည်။
ဒုက္ခဆင်းရဲကို သာမြင်ခြင်းဆိုရာ၌ စိတ်ညစ်ညူးနေသည်ကို ဆိုလိုသည်
မဟုတ်ပါ။ ဒုက္ခအကြောင်းကို ကောင်းစွာသိမြင်သူသည် ပျော်ရွှင်ချမ်းမြေ့နေသည်သာ
ဖြစ်ပေမည်။ ထိုသူသည် ပြောင်းလဲမှု၊ ဆုတ်ယုတ်မှု၊ တိုးတက်မှု၊ ဆင်းရဲမှု၊ ချမ်းသာမ
စသည့် လောကဓါတ်တရားတို့ကို လျစ်လျူရှုနိုင်၏။ တုန်လှုပ်ချောက်ချားခြင်းမရှိ
တည်ငြိမ်စွာ ဒုက္ခ၏အရင်းအမြစ်ကို ရှာဖွေသုတ်သင်ဖယ်ရှားပစ်ရန်သာ အားထုတ်ရပါမည်။
ဤနေရာတွင် လက္ခဏာရေးသုံးပါးအနက် တစ်ပါးအပါအ၀င် ဒုက္ခလက္ခဏာ
(၀ါ)ဆင်းရဲခြင်းဆိုသည်ကို အရိယာသစ္စာလေးပါးတွင် ဟောသည့်၊ ဒုက္ခ(ဒုက္ခသစ္စာ)
ဆင်းရဲခြင်းနှင့် ရောထွေးမသွားစေရန် သတိရှိဖို့ လိုပါသည်။ လက္ခဏာရေး ဒုက္ခ၏
အဓိပ္ပါယ်မှာ အမြဲမပြတ် ပြောင်းလဲ လှုပ်ရှားဖေါက်ပြန်နေသည့် ၀ိပရိဏာမ ဒုက္ခ
ဆင်းရဲမျိုးဖြစ်ပါသည်။
ဓမ္မစကြာ သစ္စာလေးပါးဆင်းရဲသည်ကား၊ လူ တိရစ္ဆာန်အစရှိသည့် သက်ရှိ
သတ္တ၀ါတို့ခံစားရသည့် နာမ်ပိုင်းဆိုင်ရာ ဝေဒယိတ ဆင်းရဲဒုက္ခမျိုးဖြစ်ပါသည်။ သက်မဲ့
ဝတ္ထုပစ္စည်းများနှင့် မသက်ဆိုင်ပါ။ လက္ခဏာရေးသုံးပါးဒုက္ခသည် သက်ရှိသက်မဲ့
အားလုံးနှင့် ဆိုင်ပါသည်။
စကြ၀ဠာတစ်ခွင်တွင် ဤတိလက္ခဏာကြီးသုံးပါးသည် ပဓါနအကျဆုံးဆိုရပါ
မည်။ ဖြစ်ပေါ်သမျှ အမြဲမနေ ဥပါဒ်ဌီဘင်သဘော အမှန်ပြောင်းလဲလှုပ်ရှား
ပျောက်ကွယ်သွားသည်ပင်ဖြစ်သည်။ ဤသို့ လှုပ်ရှားပြောင်းလဲသည့် ပျောက်ကွယ်သည့်
သဘာဝကိုပင် ဒုက္ခဆင်းရဲဟု ခေါ်ရပါမည်။
အမှန်အားဖြင့် အနိစ္စ၊ ဒုက္ခ၊ အနတ္တဆိုသည့် ဤတိလက္ခဏာကြီးသုံးပါးသည်
တစ်ပါးနှင့်တစ်ပါး အညမညသတ္တိဖြင့် အပြန်အလှန် အားထားအမှီပြု၍ ရုပ်လုံးဖေါ်နေ
ကြပါသည်။ အနိစ္စဆိုရသည်မှာ အကယ်စင်စစ်တော့ ပြောခဲ့သည့်အတိုင်း အမြဲမရှိ
တရစပ် ဖြစ်ကာပျက်ကာ ပြောင်းလဲဖေါက်ပြန်နေသည့် ဒုက္ခသဘောနှင့် ပုဂ္ဂိုလ်သတ္တ၀ါ
အထည်ကိုယ်ဒြပ် အမာခံ အနှစ်သာရမဟုတ်၊ အစိုးမရ အနတ္တသဘောတို့ပင်ဖြစ်ပါသည်။
ဒုက္ခဆိုသည်မှာလည်း အနိစ္စအမြဲမရှိခြင်း၊ အနတ္တအစိုးမရခြင်း စသည်တို့ကြောင့်ပင်
ဖြစ်ပါသည်။ အနတ္တသည်လည်း အနိစ္စအမြဲမရှိခြင်း၊ ဒုက္ခဆင်းရဲခြင်း(၀ါ) အမြဲမပြတ်
အတ္တနောသဘာဝံဓာ ရေတိထိ သူ့သဘောဆောင်ကာ လှုပ်ရှားပြောင်းလဲ
ပျောက်ကွယ်နေသည့် ၀ိပရိဏာမ ဒုက္ခဆင်းရဲပင်ဖြစ်ပါသည်။
ဗုဒ္ဓတရားတော်အရ၊ အရေးအကြီးဆုံးဖြစ်သော ပြဿနာသည်ကား သံသရာ
ဝဋ်ဆင်းရဲမှ လွတ်မြောက်ရန် ဖြစ်ပါသည်။ လွတ်မြောက်ဖို့ လမ်းရှာရပါမည်။
ယင်းလွတ်မြောက်မှုကို ယခုမျက်မှောက်ဘ၀တွင် အရယူဖို့ကောင်းပါသည်။ သံဒိဋ္ဌိကော
အကာလိကော၊ ကိုယ်တိုင် အခါကာလမရွေး သိမြင်အပ်၏။ ဒိဋ္ဌဓမ္မောပတ္တဓမ္မော
မျက်မှောက်၌ သိအပ်ရောက်အပ်၏ဟု ဟောတော်မူထားသည်လည်း ရှိပါသည်။ သို့သော်
ဥစ္ဆေဒ၀ါဒီများက သံသရာဆိုသည်ကို အယုံအကြည်မရှိပါ။ လူအစရှိသည့် သတ္တ၀ါဆိုသည်
သေလျှင်ပြီးတာပဲ၊ ပြတ်တာပဲ၊ နောင်တစ်ဖန်ဇာတိပဋိသန္ဓေဆိုသည်မှာ မရှိဟုဆို
ကြပါသည်။ ခေတ်ပေါ် လောကဓါတ်သိပ္ပံကညာရှင်ကြီးများကမူ၊ ဤအတွေးအခေါ်ကို
လက်မခံကြပါ။
စွမ်းအင်ဓါတ်အားထိန်းသိမ်းရေး
ဤသံသရာဆိုသည့် ဘ၀ပြဿနာနှင့် ပတ်သတ်၍၊ သိပ္ပံပညာတစ်မျိုးဖြစ်သည့်
ရူပဗေဒအရ (Fundamental Laws of Physics) (စွမ်းအင်ဓါတ်အားထိန်းသိမ်းရေး
အခြေခံတရား)ဆိုတာ ရှိပါသည်။ စွမ်းအင်ဓာတ်အား(၀ါ) ဓာတ်အင်အား အဟုန်အရှိန်ကို
မည်သူမျှ ပြုလုပ်ဖန်ဆင်း၊ တီထွင်ဖန်တီး ၍မရနိုင်ပါ။ မည်သူမျှ ဖျက်ဆီးဖျောက်ဖျက်နိုင်စွမ်း
လည်းမရှိပါ။ ဤသည်ကို စွမ်းအင်ဓါတ်အား ထိန်းသမ်းရေး ရူပဗေဒအခြေခံတရားဟု ခေါ်ပါသည်။ သည်လိုဆို လူသေလျှင် ဘာဖြစ်ပါသလဲ။ လူသေလျှင်ပထ၀ီဓာတ်သည် ပထ၀ီသို့လည်းကောင်း၊ အာပေါတတ်သည် အာပေါဓါတ်သို့လည်းကောင်း၊ ၀ါယောဓါတ်သည်ဝါယောဓာတ်သို့လည်းကောင်း၊ တေဇောဓာတ်သည်တေဇောဓါတ်သို့လည်းကောင်း၊အာကာသဓါတ်သည်အာကာသဓါတ်သို့လည်းကောင်း၊ အသီးသီးဖြစ်သွားကြပါသည်။ဒီသဘောကိုပင် ရူပဗေဒသိပ္ပံနည်းအရ စွမ်းအင်ဓါတ်အား ထိန်းသိမ်းရေးလို့ခေါ်ပါသည်။ဤသိပ္ပံနည်းသည် ဗုဒ္ဓ၏ပဋ္ဌာန်းပါဠိတော်ကြီး၌ ရုပ်သဘောတရားတို့ တစ်ခုနှင့်တစ်ခုပစ္စည်းပစ္စယုပ္ပန် ကြောင်းကျိုးဆက်ကာ ဖြစ်ပေါ်ပုံများကို ဟောကြားထားခြင်းနှင့် အလားတူပါသည်။ ဥပမာ- ပဋ္ဌာန်းပါဠိတော် သဟဇာတပစ္စည်း ရုပ်သဘာဝတွေအကြောင်း ဟောရာ၌
စတ္တာရောမဟာဘူတာ အညမညံသဟဇာတပစ္စယေနပစ္စယော၊ ဟောတိ။ ဖြစ်၏ဟုဆိုပါသည်။သေသူ၏ ဘ၀နိအန္တိကခေါ် ဘ၀တဏှာသည် မည်သို့ဖြစ်သွားပါသနည်း။ လူသေသွားသည်နှင့် ၎င်း၏ဘ၀တဏှာသည် အလိုလို ပျောက်ပျက်သွားသလား။ အလိုလို ပျောက်ပျက်သွားသည်ဟုဆိုလျှင်၊ အထက်ဖေါ်ပြပါ ရူပဗေဒ၏အခြေခံနည်းဥပဒေနှင့် တခြားစီဖြစ်သွားပါမည်။ ဤဘ၀တဏှာဆိုသည်မှာ အလွန်အင်အားကြီးမားသည်။ လျှပ်စစ်ဓါတ်အားထက်ပင် အားကောင်းပါသည်။ လျှပ်စစ်
ဓါတ်အားသည် အားတစ်မျိုးအနေဖြင့် ရပ်တည်သလို၊ ဘ၀တဏှာသည်လည်း ကြီးမားလှသော အားကြီးတစ်ခုအနေဖြင့် ရပ်တည်ပါသည်။ ၎င်းသည် အဏုမြူဟိုက်ဒရိုဂျင်ဗုံးကိုပင်စီရင်
ဖန်တီးပေးနိုင်သော အားကြီးတစ်ခုဖြစ်သောကြောင့်၊ သာမညမဟုတ်ပေ။စကြာဝဠာလောကတစ်ခွင်တွင်၊ ဤဘ၀တဏှာသည် အာနိသင်အထက်ဆုံးသောဓါတ်အားကြီးဖြစ်ပါသည်။ သို့သော်လည်း အခြားသော အားများကဲ့သို့ပင်၊ သတ္တ၀ါသည်သေသည်မှ နောက်၌ ရူပဗေနည်းအတိုင်း ဖြစ်ရပါမည်။ ဥပမာ ရုပ်ဓါတ်အားပဲဖြစ်စေ၊နာမ်ဓါတ်အားပဲဖြစ်စေ၊ ဓါတ်အားဖြစ်သည်ဆိုလျှင် အလားတူပင် အင်အားကြီးမားသောဆန့်ကျင်ဘက် ဓါတ်အားတစ်ခုခုနှင့် မတွေ့မချင်း ဓါတ်အားအဖြစ်နှင့်ပင် နေမည်ဖြစ်ပါသည်။ ဒါဟာ ရူပဗေဒသဘောတရားပါ သက်ရှိသတ္တ၀ါတစ်ဦး၏ ဘ၀တဏှာဓါတ်အား
သည်လည်း ဤနည်းအတိုင်းပင် ဖြစ်ပါမည်။
သန္တိသုခနိဗ္ဗာန်
လူတစ်ယောက်သည် မသေမီ သီလ သမာဓိ ပညာစသည်တို့ဖြင့် ဘ၀တဏှာဆို
သည့် တရားကိုလောဘ၏ ဆန့်ကျင်ဘက်(၀ါ) ဘ၀တဏှာက္ခယ အလောဘ ဓါတ်အားသည် ပျိုးထောင်ပြီးမိမိ၏ ဘ၀တဏှာဓါတ်အားကို ဖျက်ဆီးလိုက်လျှင်သေသောအခါ၊ နောက်ထပ်ဘ၀သစ်မဖြစ်တော့ပါ။ ထို့ကြောင့် ဘ၀တဏှာကို အလားတူအင်အားကြီးမားသော ဆန့်ကျင်ဘက်ဓါတ်အား ဘ၀တဏှာက္ခယ အလောဘဖြင့်မသေမှီ တိုက်ဖျက်ဖို့ လိုပါသည်။ သေခါနီး ညောင်စောင်းရောက်မှ ဘ၀တဏှာကို တိုက်ဖျက်မည်ဆိုလျှင်၊ အလွန်နောက်ကျသွားမည်ကို စိုးရိမ်ရပါသည်။ ဤကဲ့သို့ဘ၀တဏှာကို တိုက်ဖျက်နိုင်မှသာ သေသည့်အခါ နောက်ထပ်ဘ၀ မဖြစ်တော့ပါ။ဤသို့ နောက်ထပ် ဘ၀သစ်မဖြစ်ခြင်းကိုပင် နိဗ္ဗာန်ဟုခေါ်ပါသည်။ သံသရာမှ
လွတ်မြောက်သည်ဟု ခေါ်ပါသည်။ ဗုဒ္ဓဓမ္မကသာပေးစွမ်းနိုင်သည့် ဤ သံသရာဝဲသြဃဒုက္ခအပေါင်းမှ
လွတ်မြောက်ခြင်းကိုပင် သန္တိသုခခေါ် နိဗ္ဗာန်ချမ်းသာ အစစ်ဟုခေါ်ပါသည်။
ဤဘ၀တဏှာ တိုက်ဖျက်သည့် နည်းကိုပဋိသမ္ဘိဒါဂမ်၌ အကျဉ်းအားဖြင့်
ဖေါ်ပြသည်မှာ (ဥပ္ပါဒေါ ဒုက္ခံလောကီယံ အနုပ္ပါဒေါ သုခံနိဗ္ဗာနံ) ဥပ္ပါဒေါ၊ ခန္ဓါငါးပါး၊
ရုပ်နာမ်တရားတို့ ဖြစ်ပေါ်ခြင်းသည် ဒုက္ခံဆင်းရဲ၏။ လောကီယံ လာကသာတည်း၊
အနုပ္ပါဒေါ- ခန္ဓါငါးပါး ရုပ်နာမ်တရားတို့ မဖြစ်ပေါ်ခြင်းသည်၊ သုခံ၊ ချမ်းသာ၏။
နိဗ္ဗာနံ၊ နိဗ္ဗာန်ပေတည်းဟု အထက်ပိုင်းတစ်နေရာတွင် တင်ပြခဲ့ပါသေးသည်။
ခန္ဓာငါးပါး ရုပ်နာမ်တရားတွေ မဖြစ်ပေါ်သောကြောင့် ငြိမ်းသောကြောင့်
ရရှိသော နိဗ္ဗာန်ချမ်းသာကား ခန္ဓါငါးပါး ရုပ်နာမ်တရားတို့ ဖြစ်ပေါ်ဆဲရရှိသော
ကာမအာရုံ (၀ါ) ကာမချမ်းသာတွေထက် မနှိုင်းယှဉ်နိုင်အောင် သာလွန်
ကောင်းမြတ်လှပါ၏။ ဤသန္တိ သုခနိဗ္ဗာန်ချမ်းသာကို မဆိုထားဘိ၊ ဗုဒ္ဓတရားတော်ကို
ပွားများအားထုတ်ရာတွင် ပဌမအဆင့်လောက်သာ ဖြစ်သည့် လောကီဈာန်ချမ်းသာပင်လျှင်
အဆိုပါကာမဂုဏ်ချမ်းသာတွေထက် ပြောမပြနိုင်အောင် ထူးကဲမြင့်မြတ်လှ
ပါ၏။ နတ်ချမ်းသာစည်းစိမ်ကို လူ့ပြည်တွင် ခံစားရခြင်းဟု ဆိုနိုင်ပါသည်။
ဒုတိယဈာန်ချမ်းသာ၊ တတိယဈာန်ချမ်းသာ စတုတ္ထဈာန်ချမ်းသာတို့သည် တစ်ဆင့်ထက်
တစ်ဆင့် ထူးကဲသာလွန်သွားကြပါသည်။ စတုတ္ထ ဈာန်ရောက်လျှင်တော့ အထွတ်
အထိပ်ဖြစ်သည့် ဈာနသုခတွင်မက တန်ခိုးဣဒ္ဓိပါဒ်တွေကိုလည်း ရနိုင်ပါသည်။
ဤသည်တို့ကား ရူပဈာန်ချမ်းသာ ဖြစ်ပါသည်။ ၎င်းတို့ထက် မြင့်မြတ်သည့် အရူပ
ဈာန်ချမ်းသာခေါ်သည့် အာကာသနဉ္စာယတနဈာန်၊ ၀ိညာနဉ္စယတနဈာန်၊
အာကိဉ္စညာယတနဈာန်၊ နေ၀သညာနာသညာယတနဈာန်၊တွေလည်းရှိပါသေးသည်။
၎င်းတို့အားလုံးသည် ဤမျက်မှောက်ဘ၀လူ့ပြည်၌ပင် ခံစားနိုင်သည့် သုခချမ်းသာများ
ဖြစ်ပါသည်။ နောင်တမလွန်စောင့်ဖို့မလိုပါ။ ဤကာမသုခ ဈာန်သုခအစရှိသည့်
လူ့ချမ်းသာ၊ နတ်ချမ်းသာ ဗြဟ္မာချမ်းသာတို့ထက် မနှိုင်းယှဉ်နိုင်အောင် သာလွန်ထူးကဲ
သော သန္တိသုခခေါ်သည့်၊ ကာမာသ၀၊ ဘ၀ါသ၀၊ ဒိဋ္ဌာသ၀၊ အ၀ိဇ္ဇာသ၀ဟု ဆိုအပ်သော
လေးပါးသော အာသဝေါတို့ကုန်ရာ၊ ခန်းရာနိဗ္ဗာန်ပင် မည်သည့်အခါမျှ ပြောင်းလဲခြင်း
မရှိ ထာဝစဉ်မြဲသောချမ်းသာသုခအမှန်ပင်ဖြစ်ပါသည်။ ထို့ကြောင့် နိဗ္ဗာန်ကို အာရုံပြု
ကာ၊ ဖလသမာပတ်ဝင်စားပြီး သမာပတ်မှထသည့်အခါ ရဟန္တာအရှင်မြတ်များသည်
နိဗ္ဗာန်၏ဂုဏ် နိဗ္ဗာန်၏အရသာကို အောက်ပါအတိုင်း ချီးမွမ်းဥဒါန်း ကျူးရင့်တော်မူ
လေ့ရှိကြပါသည်။
သုခံ ၀တ နိဗ္ဗာနံ၊ သမ္မာသမ္ဗုဒ္ဓ ဒေသိတံ
(အသောကံ ၀ရာဇံ ခေမံ ယတ္တ ဒုက္ခံ နိရုဇ္ဈတိ။)
ယထာ၊ အကြင်နိဗ္ဗာန်၌၊ ဒုက္ခံ၊ ဆင်းရဲဒုက္ခဟူသမျှသည်၊ နိရုဇ္ဈတိ၊ ချုပ်ငြိမ်း
လေတော့၏။ အသောကံ၊ စိုးရိမ်ပူဆွေးခြင်းမရှိသော၊ ၀ိရာဇံ၊ ကိလေသာ ရန်သူပုန်
အကုန်ငြိမ်းရာလည်းဖြစ်သော၊ ခေမံ၊ ဒုက္ခခပ်သိမ်းကင်းငြိမ်းရာလည်းဖြစ်သော သမ္မာ
သမ္ဗုဒ္ဓသိတံ၊ ရှင်တော်ဘုရား ဟောကြားပေးအပ် တရားမြတ်ဖြစ်သော၊ တံနိဗ္ဗာနံထိုနိဗ္ဗာန်သည်၊ ၀တ၊ စင်စစ်ဧကန်၊ သုစုတံ၊ အလွန်တူရာ ချမ်းသာလှပေစွတကား။
အင်္ဂုတ္ထိုရ်ပါဠိတော်၌ ဖိုလ်ဝင်စားသူ နိဗ္ဗာန်အာရုံ၏ အရသာခံစားပုံ
အဂုင်္တ္ထိုရ်ပါဠိတော်၌ ဖိုလ်ဝင်စားသူ နိဗ္ဗာန်အာရုံအာ၏ အရသာခံစားပုံကို ဖေါ်ပြထားသည်မှာ-
ဣဓာနန္ဒ ဘိက္ခုဧ၀ံသညီဟောတိ။ ဧတံ သန္တံ ဧတံပဏီတံ။
ယဒိတံ သဗ္ဗသင်္ခါရသမထော သမ္ဗုပဓိပဋိဿဂ္ဂေါ။
တဏှာက္ခယော ၀ိရာဂေါနီရောဓေါ နိဗ္ဗာနန္တိ။
အနန္ဒ၊ အာနန္ဒ၊ ဣဓ၊ ဤသာသနာတော်၌၊ ဘိက္ခု၊ ရဟန်းသည် ဧ၀ံသညီ
နိဗ္ဗာန်သည်၊ သန္တံ၊ ငြိမ်သက်၏။ ဧတံနိဗ္ဗနံ၊ အနုပ္ပါဒနိဗ္ဗာန်သည်၊ ပဏီတံ၊ မြတ်၏။
ယဒိတံ ယံဣဒံနိဗ္ဗာနံ၊ အကြင်နိဗ္ဗာန်သည်၊ သဗ္ဗသင်္ခါရသမထော၊ အလုံးစုံသော သင်္ခါရတို့၏
ငြိမ်းရာလည်းဟုတ်၏။ သမ္ဗုပဓိ ပဋိနိဿဂ္ဂေါ၊ အလုံးစုံသော ဥပဓိခန္ဓာတို့၏ စွန့်လွှတ်ရာ
လည်းဖြစ်၏။ ၀ိရာဂေါ တပ်မက်မှုကင်းရာလည်းဖြစ်၏။ နိရောဓေါ၊ ခန္ဓါသင်္ခါရတို့၏
ချုပ်ငြိမ်းကွယ်ပျောက်ရာလည်းဖြစ်၏။ ဧ၀ံဣတိသညီ၊ ဤသို့ နိဗ္ဗာန်၏ ဂုဏ်၌တည်သော
သညာရှိသည် ဟောတိ၊ ဖြစ်၏။
ဖလဌာန်ပုဂ္ဂိုလ်တို့မှာ ဈာန်ရသည်ဖြစ်စေ၊ မရသည်ဖြစ်စေ နိဗ္ဗာန်ကိုအာရုံပြု၍
ဖိုလ်ဝင်စားနိုင်ပါသည်။ ဖလသမာပတ္တိဝီထိဖြစ်ပုံမှာ ဖိုလ်ဝင်စားတော့အံ့ဟု စိတ်ဖြစ်ပေါ်
လျှင် ဘ၀င်္ဂစလန ဘ၀င်္ဂုပစ္ဆေါဖြင့် ဘ၀င်ပြတ်ပါသည်။ ထို့နောက်၊ ရုပ်နာမ်အာရုံပြု၍
ဆင်ခြင်သော မနောဒွါရ၀ဇ္ဇန်းစိတ္တက္ခလက္ခဏတစ်ချက်ဖြစ်ပါသည်။ ၎င်းနောက် ထိုရုပ်နာမ်
သင်္ခါရရှိသော အနိစ္စ ဒုက္ခအနတ္တလက္ခဏာတို့တွင် တစ်ပါးပါးကို အာရုံပြု၍
အနုလုံဇော ၃၊ ၄ ကြိမ်ဖြစ်ကာချုပ်ပါသည်။ ၎င်းနောက် ဖြစ်ခြင်းမရှိသော အဇာတနိဗ္ဗာန်
အာရုံ၌ အာရမ္ဗဏီတဖိုလ်ဇောဖြစ်၍ ချုပ်ပါသည်။ ထိုဖိုလ်ဇောသည် အလိုရှိသမျှ
အနန္တကျနိုင်ပါသည်။ ကျပုံမှာ ဖြစ်ခြင်းကင်းသောသဘောကား(၀ါ) ချုပ်ခြင်း၏
သဘောကား(၀ါ) ခန္ဓါငါးပါး ရုပ်နာမ်တို့ ဖြစ်ခြင်းကင်းသော ချုပ်ခြင်းသဘောကား
သန္တံ၊ ငြိမ်သက်၏။ ပဏီတံ၊ မြတ်၏။ သုခံ၊ ချမ်းသာ၏။ သီဝံ၊ ဧမြ၏။ အဘယံ၊
ဘေးကင်း၏။ အမတံ၊ သေခြင်းကင်း၏ စသည့်ဂုဏ်တို့နှင့် ပြည့်စုံသော နိဗ္ဗာန်အာရုံကို
မျက်မှောက်ပြုခြင်းပင်ဖြစ်၏။ ဤသို့ နိဗ္ဗာန်၏ ငြိမ်သက်မှု၊ မွန်မြတ်မှု၊ ချမ်းသာမှု၊
ဧမြမှု၊ ဘေးကင်းမှု၊ သေခြင်းကင်းမှုတို့ကို အာရုံပြု၍နေသောအခါ ဥပမာ အလွန်
ပူအိုက်သော ဥတုရာသီအချိန်အာလ၌ အလွန်ဧမြသော ရေအိုင်ထဲသို့ဆင်း၍ ငုပ်လျှိုးရာ
တွင် အလွန်ဧမြချမ်းသာသကဲ့တို့ပေတည်း။ ဤသဘောသည် (နိဗ္ဗုတိံဘုဉ္ဇမာနာ) ဆိုသည့်
ရတနသုတ်ပါဠိတော်အရ မျက်မှောက်ပစ္စုပ္ပန်၌ ဒိဌိဓမ္မ နိဗ္ဗာန်ချမ်းသာသုခကို ခံစားမှုပင်
ဖြစ်၏။ ထို့ပြင် အကြင်ပုဂိ်္ဂုလ်၏စိတ်၌ ဖြစ်မှုကင်းသော နိဗ္ဗာန်ရှိသည့်အတိုင်း ဖြစ်မှုဒုက္ခမှ
လွတ်ကင်းရပေပြီဟု မဟာကုသိုလ်ဉာဏသမ္ပယုတ် စိတ်ဖြင့်လည်း ပီတိ ပဿဒ္ဓိဖြစ်၍
နေတော့၏။
ယခုကဲ့သို့ (၃၁) ဘုံဟုဆိုအပ်သော ကာမရူပ အရူပ (၀ါ)လူနတ်ဗြဟ္မာသတ္တ၀ါ
တို့၏ ဘ၀သံသရာဝဋ်ဆင်းရဲအကြောင်း ၎င်းတို့လွတ်မြောက်ရာလွတ်မြောက်ကြောင်း
မဂ်ဖိုလ်နိဗ္ဗာန် စသည်ပြဿနာတို့ကို နောက်ဆုံးပေါ်သိပ္ပံပညာ ရူပဗေဒ၊ စိတ္တ ဗေဒတို့နှင့်
နှိုင်းယှဉ်ကာ တစ်ဖန်တင်ပြရသည်မှာ အလားတူပြဿနာတို့နှင့် ပတ်သက်၍ ၁၃၃၆
ခုနှစ် ၀ါခေါင်လဆန်း ၉ ရက်နေ့၊ တနင်္လာနေ့ထုတ် ကြေးမုံသတင်းစာတွင် ဗုဒ္ဓသာသန
မဟာဗုဒ္ဓ၀င် နောက်ဆုံးတွဲ ခေါင်းစဉ်ဖြင့် အမည်မဖေါ်သော ဆောင်းပါးရှင်တစ်ဦး၏
ရေးသားချက်ကို အောက်ပါအတိုင်းလိုလို ဖတ်ရှုရသောကြောင့် ဖြစ်ပါသည်။
ခေမာထေရီသုတ္တန်ပါ ဘ၀သစ်အတွေးအခေါ်
ရှေးခေတ် သိုက်သမိုင်း ရုပ်ရှင်ကားတစ်ခုတွင် ဇာတ်လိုက်မင်းသား
တောင်ပေါ်က လိမ့်ကျသေဆုံးသောအခါ ၀ိုင်းထဲကဆိုင်းဆရာ၏ ပူးနောင်းချပ်ချိမ်း
အသံဖြင့် ရှန်ပန်းထည်စကလေးခေါင်းပတ်ကာ နတ်စိမ်းဖြစ်လာသကဲ့သို့ အတွေးခေါ်
နည်းသော လူပြိန်းများအဖို့ သေခြင်း၊ ဘ၀ကူးပြောင်းခြင်းဆိုသည်မှာ ဤဘ၀ကကောင်းမှု
မကောင်းမှုအလျောက် နောင်ဘ၀တွင် ၀င်ကစွပ်ကောင်တို့ဘ၀တစ်ခုမှ တစ်ခုသို့
ကူးပြောင်းသည်ဟု ထင်မှတ်တတ်ကြသော်လည်း၊ အတွေးအခေါ်ရင့်သူများအဖို့မူ
လူသည်သေပြီးနောက် ဘ၀ဟူသည် ရှိသလော မရှိသလော စသည်ဖြင့် တွေးတော
တတ်ကြသည်။ ဘုရားရှင်ကမူ နောင်ဘ၀ရှိသည်ဟုလည်း မယူရဘူး။ မရှိဘူးလည်း
မယူရဘူး။ ရှိသည်ဟုယူလျှင် သဿတဒိဋ္ဌိ(အဆက်ဝါဒသမား) မရှိဘူးဟုယူလျှင်
ဥစ္ဆေဒဒိဋ္ဌိ(အပြတ်ဝါဒသမား) ဟုပြတ်ပြတ်သားသား ဟောတော်မူခဲ့ပါသည်။ ပြတ်ပြတ်
သားသားဆိုသော်လည်း လူပြိန်းတို့အဖို့ မပြတ်မသားပင်ဖြစ်နေရလေရာ နောင်ဘ၀
ဟူသော ပြဿနာသည် နှစ်ပေါင်း(၂၅၀၀) ကျော် ဘုရားရှင်လက်ထက်မှစ၍ ယနေ့တိုင်
အောင် အတွေးအခေါ်သမားများတွင် ရှိနေဆဲတန်းလန်းပင် ဖြစ်နေလေသည်။ လူပြိန်းတို့
အဖို့ ထိုစဉ်အတည်းကမပြတ် ယခုလည်းမပြတ်၊ ဤအကြောင်းကိုတင်ပြရသည်မှာ
စစ်ကိုင်းတောင်ရိုး မင်းကွန်းဆရာတော် နိပိဋကဓရ ဦးဝိစိတ္တသာရာဘိဝံသ၏ နိုင်ငံတော်
ဗုဒ္ဓသာသနာအဖွဲ့ မဟာဗုဒ္ဓ၀င်ဆဋ္ဌမတွဲ (ဒုတိယပိုင်း) နောက်ဆုံး သံဃာရတနာအခန်း
ဧတဒဂ်ထေရီမကြီးများ ကဏ္ဍ၌ ခေမာထရီသုတ္တန်ပါ ဘ၀ကူးအတွေးအခေါ်တရားကို
တင်ပြလိုသောကြောင့် ဖြစ်ပါသည်။
အတွေးအခေါ်မြင့်မားသော်လည်း ဘ၀ကူးပြဿနာတွင် အများနည်းတူ ဝေ့
လည်လည်းဖြစ်နေသော ကောသလမင်းကြီးက ဘိက္ခုနီမများအနက် ပညာကြီးလွန်း
သဖြင့် မဟာပညာဘွဲ့ထူးနှင့်ပင် ဧတဒဂ်ဂုဏ်ထူးချီးမြှင့်ခြင်းခံရသော ခေမာထေရီမကြီး
အား မေးလျောက်ရသော် ရှင်းလင်းနိုင်ကောင်းရဲ့ဟု သတ္တ၀ါသည် သေသည်မှနောက်၌
ဖြစ်သေးသလော၊ မဖြစ်ဘူးလော စသောပြဿနာကို မေးလျောက်သောအခါ ထေရီမ
ကြီးက ရုပ်နာမ်တွေကို အပြတ်ရှင်းပြီး သူတို့အဖို့သဘောပေါက်နိုင်လောက်သော်လည်း
ဘ၀အာလယတန်းလန်း အတ္တသမားများအဖို့မူ ဝေ့လည်လည်ဖြစ်စေနိုင်သော ဖြေနည်း
ဖြေနည်းဖြင့်သာ ဖြေတော်မူသည်။ သို့နှင့်မပြေလည်သောကြောင့် ဘုရားရှင်အား အလားတူ
ပြဿနာကို ထပ်မံမေးလျောက်သောအခါတွင်လည်း ဘုရားရှင်က ခေမာထေရီ အလားတူ
သဝေပုဒ်မ မလွဲပင်ဖြေတော်မူသည်။ သို့နှင့် ဘ၀တန်းလန်းသမား လူပြိန်းတို့အဖို့ ဘ၀ကူး
ပြဿနာမှာ သာသနာဝင်တစ်လျောက်တွင် ရှိလာခဲ့ရာ ယနေ့တိုင်အောင်ပင်ဖြစ်သည်။
ဤဘ၀ကူးပြဿနာနှင့် ပတ်သက်၍ အတွေးအခေါ်ထူးသော ပဌမရွှေကျင် သာသနာပိုင်
ဆရာတော်ဘုရားကြီး အဘိဓမ္မာအကျော် မြို့ပြင်ကြီးဆရာတော်ဘုရားကြီးနှင့် အခြားဘ၀
ပြဿနာဆရာ့ ဆရာအားလုံးတို့ပင် ဤခေမာထေရီသုတ္တန်ကို အခြေပြုကြသည်သာ
ဖြစ်ပါသည်။ ယခု တိပိဋကဓရဆရာတော်ဦး ၀ိစိတ္တသာရာဘိဝံသ၏ မဟာဗုဒ္ဓ၀င်ကြီး
တွင်လည်း ခေမာထေရီသုတ္တန်အဆုံးတွင် ဤခေမာသုတ္တန် (အတွေးအခေါ်)ကား
သိမ်မွေ့လှဘိ၏။ ထို့ကြောင့် သူတော်ကောင်းတို့သည် ဤမျှဖြင့် မတင်းတိမ်ကြဘဲ
ပညာရှိထံ တစ်ဖန်မေးလျှောက်ကုန်ရာ၏ဟု မှတ်ချက်ချထားသည်ကို တွေ့ရပြန်သည်။
တိပိဋကဓရဆရာတော်၏ မှတ်ချက်မှာ ဋီကာကျမ်းဂန်တို့မှယူ၍ အရှင်းဆုံး အရေးအသား
အတွေးအခေါ်ဖြင့် ရှည်ရှည်ချထားခြင်းဖြစ်ပေရာ နောက် တစ်ဘ၀ဟူသည်ကို အတ္တ
တန်းလန်းနှင့်မတွေးဘဲ တန်းလန်းကိုခွာကြည့်နိုင်စွမ်းနိုင်လျှင် ရိပ်စားမိတန်ရာ၏ဟု
မျှော်လင့်ရသည်။
အမေရိကန်အာကာသယဉ်အပိုလို(၁၇)နှင့် အနုဿလူသားစတင်ဖြစ်ပေါ်ပုံပြဿနာ
ယခုအခါကမ္ဘာ့ပညာရှင်ကြီးများသည် ဤဘ၀ပြဿနာနှင့်ပတ်သတ်၍ မည်မျှ
စိတ်ဝင်စားနေကြသည်ကို သာဓကအနေဖြင့် အနည်းငယ်ဖေါ်ပြလိုသည်မှာ အမေရိကန်
အာကာသယဉ်အပိုလို(၁၇) လကမ္ဘာမှ အောင်မြင်စွာပြန်လည်ဆိုက်ရောက်လာခြင်းနှင့်
ပတ်သက်၍ သမ္မတအိမ်ဖြူတော်မှ ၁၉၇၄ ခုနှစ်၊ ဒီဇင်ဘာလ (၁၉)ရက်နေ့စွဲဖြင့်
ထုတ်ဝေသော ကြေညာစာတန်းတွင် ဖေါ်ပြထားပုံကို အောက်တွင် မြန်မာလို မကျဉ်းချုံး
ကာ ဘာသာပြန်၍ ဖေါ်ပြလိုက်ပါသည်။
အာကာသတစ်ခွင်မှ ရရှိလာခဲ့သည့် ရတနာသိုက်ကြီးဟု ခေါ်ဆိုထိုက်သည့်
ဗဟုသုတသင်ခန်းစာများနှင့် ရုပ်ဝတ္ထုအထည်ဒြပ်ပစ္စည်းများ၏ ရာဖြတ်လုပ်ငန်း (၀ါ)
တန်ဖိုးဖြတ်လုပ်ငန်းကို ယခုပင်စတင်ဆေါင်ရွက်နေပါပြီ။ အတော်များများပင် ကျွန်ုပ်တို့
သိရှိထားပါပြီ။ ကျွန်ုပ်တို့၏ ကနဦးဘ၀အစကို ကျွန်ုတို့စူးစမ်းရှာဖွေနေသည်ဟုလည်း
နားလည်ထားပါသည်။ မနုဿလူသားသည်ဘယ်လို၊ ဘယ်နည်းဖြင့်စတင်ဖြစ်ပေါ်လာ
သနည်းဆိုသည့် ရှေးပဝေသနီကတည်းက လူသားတို့သိလိုသော ပြဿနာကို ဖြေရှင်းဖို့
တော်တော်ရှည်သော ခြေလှမ်းသစ်ကြီးတစ်လှမ်းကို လှမ်းဖို့ရန်လည်း ရည်ရွယ်ထားပါ
ကြောင်း။
လတ်ဗီယံဗုဒ္ဓဘာသာဘုန်းတော်ကြီး
အရှင်အာနန္ဒာ၏ သင်သေလျှင်ဘာဖြစ်မလဲ ဘာသာရပ်ဟောပြောပွဲ။
တစ်ဖန်လွန်ခဲ့သည့် ၁၉၇၄ ခုနှစ်၊ အောက်တိုဘာလ (၂၆)ရက် စနေနေ့ညနေ
ရန်ကုန်မြို့သရက်တော်ကျောင်းတိုက် ဦးဘင်နိယ (ဦးဝိနယ) ကျောင်း အင်္ဂလိပ်စကားပြော
သင်တန်း၌ ကျင်းပသော ဗုဒ္ဓဘာသာဟောပြောပွဲတစ်ခုတွင် ရုရှားဗုဒ္ဓဘာသာဘုန်းတော်
ကြီးဟု ရန်ကုန်မြို့တွင်ခေါ်ဝေါ်ကြသော အရှင်အာနန္ဒခေါ် လတ်ဗီယံရုရှားဘုန်းတော်
ကြီး ဘူတန်နီခေါ် တိဗက်ဗုဒ္ဓဘာသာအယူအဆအရ လူဟာ သေပြီးသည် နောက်ဘ၀
သစ်၌ ပဋိသန္ဓေမဖြစ်မှီ ကြားကာလ(၀ါ) စပ်ကူးမတ်ကူးကာလရှိသေးကြောင်းကို
(သင်သေလျှင်ဘာဖြစ်မလဲ) ဟူသောခေါင်းစဉ်တပ်ကာ အတော်အကျယ်တ၀င့်
ပြောဟောသွားပါသည်။ သူကိုယ်တိုင်က သူပြောဟောသည့်အတိုင်း မမှန်ဟုဝန်ခံ
ကြောင်း၊ သို့သော်ယခုလို လူသားတို့အဖို့ အပါအ၀င် သက်ရှိသက်မဲ့အားလုံးတို့အား
ကမ္ဘာဖျက် အနုမြူလက်နှက်များဖြင့် ခြိမ်းခြောက်နေသည်သာမက ကမ္ဘာ့စားနပ်ရိက္ခာ
မလုံလောက်မှုကြောင့် ငတ်မွတ်ခေါင်းပါးဘေးကြီးနှင့် ရင်ဆိုင်ရမလောက်ဖြစ်နေချိန်၌
မြောက်များလှစွာသော အတွေးအခေါ်ရင့်သူ ကမ္ဘာလူသားတို့သည် ဗုဒ္ဓဘာသာကို
ရှေးကထက် ဆထက်တိုး၍ စိတ်ဝင်စားလာကြသည်မှာ ဤဘ၀ပြဿနာနှင့်ပတ်သတ်သော
ဗုဒ္ဓ၏အတွေးအခေါ်ကြောင့်ပင် ဖြစ်ကြောင်းဟုပြောဆိုသွားသည်။ သူ၏ အင်္ဂလိပ်
စကားလုံးသည် ဘ၀ပြဿနာကို ဆိုလိုသည်ဟု ယူဆပါသည်။
ဤကိစ္စနှင့် တစ်ဆက်တည်း အထက်တစ်နေရာတွင် ပြဆိုခဲ့သည့်အတိုင်း
ဗုဒ္ဓ၏ ကံတရားနှင့် ဇာတိပဋိသန္ဓေအကြောင်းကို ထပ်မံ၍ တတ်နိုင်သမျှ အကျဉ်းရုံးကာ
တင်ပြလိုပါသေးသည်။ ကမ္ဘာကျော် ပါဠိပါရဂူတစ်ဦးဖြစ်သည့် ဗုဒ္ဓဘာသာ ဂျာမနီ
လူမျိုး ကွယ်လွန်သူ ဘုန်းတော်ကြီးအရှင်ဉာဏတိလောကက မြန်မာနိုင်ငံ ရန်ကုန်မြို့ရှိ
ပြည်ထောင်စု ဗုဒ္ဓသာသနကောင်စည်မှ ၁၉၅၉ ခုနှစ်၊ ဇူလိုင်လတွင် အင်္ဂလိပ်ဘာသာဖြင့်
ထုတ်ဝေသော ဓမ္မရောင်ခြည်ခေါ် မဂ္ဂဇင်းပါ ၎င်းဆောင်းပါးတစ်ခုတွင် ရေးသားထား
သည့် မြန်မာဘာသာပြန် အတိုချုပ်မှာ -
ဂျာမန် ဗုဒ္ဓဘာသာဘုန်းတော်ကြီး အရှင်ဉာဏတိလောက၏
““ဗုဒ္ဓကံတရားနှင့်ဇာတိပဋိသန္ဓေ”” ဆောင်းပါး။
ဗုဒ္ဓကံတရားနှင့် ပဋိသန္ဓေအကြောင်းကို ခန္ဓာငါးပါးရုပ်နာမ်တရားတို့၏ အနတ္တ
သဘာဝနှင့်ပဋိစ္စသမုပ္ပါဒ် အကျိုးကြောင်းတရားတို့ကို အတော်နားလည်သဘောပေါက်
သူတို့သာ သိမြင်နိုင်၏ဟု ခုဒ္ဒကနိကာယ်မိလိန္ဒပညှာကို ညွှန်းဖေါ်ထားပါသည်။
ဤကံနှင့် ပဋိသန္ဓေအကြောင်းသည် အနတ္တဓမ္မကဲ့သို့ပင် အလွန်သိမ်မွေ့နက်နဲ
လှပါသည်။ သို့သော်လည်း သက္ကာယဒိဋ္ဌိကိုပယ်သတ်ဖို့အတွက် ကံနှင့်ပဋိသန္ဓေ
ကောင်းစွာ သဘောပေါက်ဖို့လိုပါသည်။ ယင်းပြဿနာသည် လောကီ ၃၁ ဘုံနှင့်သာ
သက်ဆိုင်သောကြောင့် သမုတိသစ္စာအနေဖြင့်သာ ဆွေးနွေးရပါလိမ့်မည်။
မြန်မာလိုကံ၊ ပါဠိလို ကမ္မ၏အဓိပ္ပါယ်မှာ ပြုလုပ်မှု၌ စေ့ဆော်တိုက်တွန်းနေ
သော စေတနာပင်ဖြစ်ပါသည်။ ကိုယ်၊ နှုတ်၊ နှလုံးတို့၏ ကောင်းသောအမူအရာ
မကောင်းသော အမူအရာတို့ပင်တည်း။ အဘိဓမ္မာနည်းအရ ကောင်းသောစေတနာ၊
မကောင်းသောစေတနာတို့ပင်ဖြစ်ပါသည်။ ဤသည်ကိုပင် အင်္ဂုတ္တရ ပါဠိတော်တွင်
မည်သို့ဟောသနည်းဆိုသော် (စေတနာကံ ဘိက္ခဝေ ကမ္မံဝဒါမိစေတယိတွာ
ကမ္မံကရောကာယေန ၀ါစာယမနသာတိ) ဟူ၍ဖြစ်ပါသည်။
ဘိက္ခဝေ၊ ရဟန်းတို့၊ စေတနံ၊ စေတနာကို၊ ကမ္မံ၊ ကံဟူ၍၊ အဟံ၊ ငါဘုရားသည်
ဝဒါမိ၊ ဟောတော်မူ၏။ စေတယိတွာ၊ စေ့ဆော်၍၊ ကာယေန၀ါ၊ ကိုယ်ဖြင့်သော်
လည်းကောင်း၊ ၀ါစာယ၊ နှုဖြင့်သော်လည်းကောင်း၊ မနသာဝါ၊ စိတ်ဖြင့်သော်
လည်းကောင်း၊ ကမ္မံ၊ အမှုကို၊ ကရောတိ၊ ပြု၏။
ဤကံလို့ဆိုသည့် ကြောင်းကျိုးနိယာမသဘောတရား စေတနာကံသည် (Fatalism) ဆိုသည့်နိယတ၀ါဒ၊ ကိန်းသေသတ်မှတ်ထားသည့်အတိုင်း ဖြစ်ခြင်းမျိုးလည်းမဟုတ်။
(Fatalism) ဆိုသည့်ပုဗ္ဗေကတဟေတု မိစ္ဆာဒိဋ္ဌိမျိုးလည်းမဟုတ်ပါ။ အတိတ်အကြောင်းကြောင့် ပစ္စုပ္ပန်ကျိုးဖြစ်ပေါ်ရ၏။ သို့သော်လည်း အတိတ်သည် ပစ္စုန်ကို လွှမ်းမိုးချင်တိုင်း လွှမ်းမိုး၍မရပါ။
အတိတ်ကို ကျောထောက်နောက်ခံပြုကာ သတ္တ၀ါတိုင်း၏ဘ၀သည် တစ်ခဏမှ
တစ်ခဏသို့ ရွေ့လျားနေ၏။ အတိတ်နှင့် ပစ္စုပ္ပန်ကြောင့်အနာဂတ်ဖြစ်ရ၏။ ယခု
မျက်မှောက်ကာလ၌ ပစ္စုပ္ပန်သာလျှင် အမှန်ရှိ၏။ တစ်ကယ်ရှိ၏။ ပုဂိ်္ဂုလ်တိုင်းသည်
ပစ္စုပ္ပန်မျက်မှောက်တည့်တည့်ကို ကောင်းစွာအသုံးချတတ်ဖို့အရေးကြီး၏။ မျက်မှောက်၌
တည်သော အရာဝတ္ထုအားလုံးသည် အတိတ်ကအကြောင်းကြောင့်ဖြစ်ပေါ်သကဲ့သို့
အတိတ်ကြောင့် ပစ္စုပ္ပန်အကျိုးသက်သက် သာလျှင်ဖြစ်ပါသည်။ အကြောင်းကံက
ပထမ အကျိုးဝိဘတ်က နောက်မှဖြစ်ရ၏။ ဤအကြောင်းကံနှင့် အကျိုးဝိဘတ်တို့၏
အစဉ်အဆက်သည် နိဗ္ဗာန်သို့ မရောက်မချင်း ဆုံသည်ဟုမရှိပါ။ ထို့ကြောင့်ကာယကံမှု
ဝစီကံမှု မနောကံမှုတို့ကို များစွာသတိထား၍ စောင့်ရှောက် ပြုလုပ်ဖို့ အရေးကြီးပါသည်။
ဥပမာ- သရက်စေ့ကိုစိုက်လျှင် သရက်ပင်ပေါက်၍ သရက်သီးသီးသကဲ့သို့ ငရုပ်စေ့ကို
စိုက်လျှင် ငရုပ်ပင်ပေါက်၍ ငရုပ်သီးသီးမှာ သေချာပါသည်။ ဤသဘောကို
မြတ်စွာဘုရားက သံယုတ်ပါဠိတော်တွင် ဟောတော်မူထားသည်မှာ (ကလျာဏကာရီစ
ကလျာဏံ၊ ပါပကာရီစပါပကံ၊ ယာဒိသံ ၀ပ္ပတေ ဗိဇံ၊ တာဒီသံ ဟရတေမလံ)
ယာဒိသံဗိဇံ၊ အကြင်ချိုသော မျိုးစေ့ကို၊ ၀ပ္ပတေ၊ စိုက်ပျိုးအံ့။ တာဒိသံဖလံ၊ ထိုသို့ချိုသော
အသီးကို၊ ဟရတေယတာ၊ ဆောင်သကဲ့သို့ (၀ါ) သီးသကဲ့သို့၊ ယာဒိသံဗီဇံ၊ အကြင်သို့
ခါးသောမျိုးစေ့ကို၊ ၀ပ္ပတေ၊ စိုက်ပျိုးအံ့၊ တာဒိသံဖလံ၊ ထိုသို့ခါးသောအသီးကို ဟရတေ
ယတာ၊ ဆောင်သကဲ့သို့(၀ါ) သီးသကဲ့သို့၊ ဧ၀ံတထာ၊ ထို့အတူသာလျှင်၊ ကလျာဏကာရီ
ကောင်းမှုကုသိုလ်ပြုလုပ်လေ့ရှိသောသူသည်၊ ကလျာဏံ၊ ကောင်းသောအကျိုးကို၊ အနုဘော
တိ၊ ခံစားရ၏။ ပါကကာရီ၊ မကောင်းမှုအကုသိုလ်ကိုပြုလေ့ရှိသောသူသည်၊ ပါပကံ၊
မကောင်းမှုအကုသိုလ်၏ အကျိုးကို၊ အနုဘောတိ ခံစားရ၏။
ဤသမုတိနယ် ကံသဘာဝတရားအတိုင်း၊ ဖြစ်သမျှအကြောင်း အကောင်းချည်း
ဆိုရိုးရှိသကဲ့သို့ ဖြစ်သမျှသည် အမှန်တရားသာဟု ဆိုရမည်။ ကောင်းတာဖြစ်၍
ဝမ်းသာစရာဖြစ်လျှင် ကံကောင်းသည်ဟု ဆိုကြသည်။ ဆိုးတာမကောင်းတာဖြစ်၍၀မ်းနည်းစရာ စိတ်မချမ်းသာစရာဖြစ်လျှင် ကံမကောင်းဟု ဆိုကြမည်။ အမြဲတစေ
သတိထားဖို့ကား ကံဆိုသည်မှာ ဘယ်တော့မှ မမှန်တာ၊ မတရားတာမရှိ အမြဲတစေ
မှန်ပါသည်။ တရားပါသည်။ မှန်သည်။ တရားသည်ဆိုသည်မှာ ချိန်ခွင်ညှာ တိမ်းစောင်း
ခြင်းမရှိ အလည်ဗဟိုရ်မဇ္ဈိမ ကျကျဖြစ်ခြင်းမျိုးပင်။ ကံသည် မမုန်းတတ်ပါ။ ချစ်လည်း
မချစ်တတ်ပါ။ မချီးမွမ်းတတ်ပါ။ မကဲ့ရဲ့တတ်ပါ။ ၀မ်းမသာတတ်ပါ။ ၀မ်းမနည်း
တတ်ပါ။ ကံသည် ပြဆိုခဲ့သည့်အတိုင်း ကြောင်းကျိုးဓမ္မတာ သဘောအတိုင်းသာလျှင်
ဖြစ်ပါ၏။ ကံသည်သတ္တ၀ါတို့ကိစ္စတွေ၊ ပြဿနာတွေကို နားမလည်ပါ။
မီးသည် လူကိုပူလောင်စေတတ်သော်လည်း လူ့အကြောင်းကို နားမလည်
သကဲ့သို့ ကံသည်လည်း လူ့အကြောင်းကိုဘာမျှ နားမလည်ပါ။ မီးကိစ္စသည် လောင်
ကျွမ်းရုံ၊ ပူရုံသာဖြစ်ပါသည်။ ၎င်းကို ကောင်းစွာအသုံးချတတ်လျှင် အလင်းရောင်
ကိုပေးပါ၏။ အစာအဟာရကို ချက်ပေးပါ၏။ လူတွေဖျက်ဆီးလိုသည့် ၀တ္ထုပစ္စည်း
တွေကို မီးက လောင်ကျွမ်းဖျက်ဆီးပေးပါ၏။ ၎င်းကို ကောင်းစွာအသုံးမချတတ်လျှင်
လူသုံးပစ္စည်းကို မီးလောင်ကျွမ်းပျက်စီးသွားနိုင်၏။ ထို့ကြောင့် မီးကို ကောင်းစွာ
အသုံးချတတ်ဖို့လိုပေသည်။ မီးကို အသုံးမချတတ်လျှင်(၀ါ) အလွဲလွဲအမှားမှား
အသုံးချ၍ မီးလောင်ပျက်စီးလျှင် မီးကို စိတ်ဆိုးက အပြစ်တင်ပါက ကိုယ်မိုက်ရာ
ကျပါသည်။ ဤနေရာတွင် ကံသည် မီးနှင့် အလားတူကြောင်းကို ပြဆိုခြင်းဖြစ်ပါသည်။
ဤကမ္ဘာလောကတစ်ခွင်ရှိ လူသားတို့သည် ဘ၀အခြေအနေ အဖြစ်အပျက်တို့
သည် တစ်ဦးနှင့်တစ်ဦး ညီမျှမှုမရှိကြပါ။ အချို့မှာ မြင့်မြတ်သာယာဝပြောသော
အထက်တန်းစားများဖြစ်ကြ၏။ အချို့မှာယုတ်ညံ့မွဲတေ အောက်တန်းစားများဖြစ်
ကြ၏ အချို့မှာ ငယ်ငယ်ရွယ်ရွယ်၌ပင် သေကြေပျက်စီးရ၏။ အချို့မှာ သက်တန်းပြည့်
အနှစ် (၇၀) (၈၀) ကျော် (၉၀)ကျော်(၁၀၀) အထိ နေကြရ၏။ အချို့မှာ ရုပ်ဆင်းအင်္ဂါ
လှပတင့်တယ်ရှုချင်စဖွယ်ရှိကြ၏။ အချို့မှာ အရုပ်ဆိုး အကျည်းတန် ရှုချင်စဖွယ်
မကောင်းအောင် အဆင်းအင်္ဂါချို့တဲ့ကြ၏။ ဤမညီမျှမှုများ၏ အကြောင်းကဘာလဲ၊
ဘာကြောင့်ဖြစ်ရသလဲဟုမေးလျှင် ဗုဒ္ဓဘာသာဝင်တို့က ဤမညီမျှမှုများသည် အလို
အလျောက် အကြောင်းမဲ့ဖြစ်ပေါ်ကြသည်ဟု မယုံကြည်။ ကံလို့ဆိုသည့် ကြောင်းကျိုး
ဓမ္မ နိယာမအတိုင်းသာ ဖြစ်ကြရသည်ဟု ယုံကြည်ကြပါသည်။ ဗုဒ္ဓ၀ါဒအရ လောကတွင်
ဤမညီမျှမှုများရှိရခြင်းမှာ ယေဘုယျအားဖြင့် ပတ်ဝန်းကျင်အခြေအနေတို့ကြောင့် ဖြစ်၏။
ယင်းပတ်ဝန်းကျင် အခြေအနေသဘောတရားတို့သည်လည်း အကြောင်းကံနှင့် အကျိုး
ဝိပါက်တို့ပင်ဖြစ်ပါသည်။ အထူးသဖြင့် ကံအကြောင်းတရားများကြောင့်ဖြစ်ပါ၏။ ပစ္စုပ္ပန်
အတိတ် (၀ါ) အတိတ်အဆက်ဆက် ကံအကြောင်းတရားများပင်ဖြစ်သည်။ ဥပမာ
လူပုဂိ်္ဂုလ်ဆိုလျှင် ၎င်းလူ၏ ချမ်းသာမှု၊ ဆင်းရဲမှု၊ သုခ၊ ဒုက္ခဆိုသည့် ဘ၀အကျိုးပေး
တွေလည်း ၎င်းလူ၏ ပြုခဲ့သောကံတို့၏ အကျိုးဝိဘတ်တို့ပင်ဖြစ်ပါသည်။ ထိုသူ၏
လောကနိဗ္ဗာန်ကို ထိုသူပင်ဖန်ဆင်းသည်ဟု ဆိုနိုင်ပါသည်။ ထိုသူ၏လောကငရဲက
လည်း ထိုသူပင် ဖန်ဆင်းသည်ဟု ဆိုနိုင်ပါသည်။ အတိတ်ကံကြောင့် ပစ္စုပ္ပန် အကျိုးဖြစ်
ရသော ထိုသူသည် ပစ္စုပ္ပန်ကံအမှုတွေပြုခြင်းကြောင့် အနာဂါတ်တွင် အကျိုးတွေဖြစ်
ရပါမည်။ မိမိ၏ ဘ၀သံသရာခရီးစဉ်အတိုင်း မိမိဦးဆောင်လျှောက်ခဲ့သော ထိုသူသည်
အတိတ်၏သားငယ်ဖြစ်သလို အနာဂတ ဖခင်လည်းဖြစ်ပါ၏။ ကံကို လေးမျိုးခွဲပြ
ပါသည်။ ၎င်းလေးမျိုးကို တစ်မျိုးလျှင် အပိုင်းငယ် လေးပိုင်းပြု၍ပြရဲပါမည်။
No comments:
Post a Comment