လန်ဒန်မြို့ ဗုဒ္ဓဘာသာအသင်းကြီး၏ ဥက္ကဌဟောင်း ကွယ်လွန်သူ မစ္စတာဟန်ဖရေ၏
““ ကမ္မနှင့် ဇာတိပဋိသန္ဓေ”” ခေါ်စာစောင်မှ ကောက်နှုတ်ချက်
ဇာတိပဋိသန္ဓေအကျိုးကို ပေးစွမ်းနိုင်သည့် အထက်တွင်ဖေါ်ပြထားသောအကြောင်း
သုံးပါးဖြစ်သည့် (၁) မျိုးရိုးဗီဇ (၂) ကာလ၊ ဒေသရေမြေစသည့် ပတ်ဝန်းကျင် အခြေ
အနေနှင့် (၃) ကံဆိုသည့် အတိတ်မရဏာသန္နဇောစိတ် အဟုန်တို့နှင့် ပတ်သတ်၍
အင်္ဂလန်နိုင်ငံ လန်ဒန်မြို့၊ ဗုဒ္ဓဘာသာအသင်းကြီး၏ ဥက်္ကဌဟောင်း ကွယ်လွန်သူ
မစ္စတာဟန်ဖရေက ၎င်း၏ ကမ္မနှင့် ဇာတိပဋိသန္ဓေခေါ် စာစောင်၏ စာမျက်နှာ
(၃၈) နှင့် (၅၆)တွင် မှတ်ချက်ချထားသည်ကို အကျဉ်းအားဖြင့် မြန်မာဘာသာသို့
ပြန်ဆိုကာ အောက်၌ဖေါ်ပြထားပါသည်။
အမှန်တကယ် အမြဲလိုက်မည့် အရာသည်ကား မိမိပြုလုပ်သော ကံ၏အကျိုးသာဖြစ်၏။
မိမိရှာဖွေ စုဆောင်းထားသော ဥစ္စာပစ္စည်းနှင့်တကွ သားသမီး ဇနီးစသည်ကား မိမိ၏
နောက်သို့ လိုက်ပါကြမည်မဟုတ်။
(၂) မိမိပြုလုပ်ခဲ့သော အတိတ်ကံသာလျှင် မိမိ၏ ဆိုးကောင်းဘ၀ကျိုးကို
ပေးနိုင်သော အမွေအနှစ် အစစ်ဖြစ်၏။ မိဘဘိုးဘွားတို့မှ ဆိုးမွေကောင်းမွေတို့သည်ကား
မိမိ၏ ဘ၀အကျိုးကို ထိရောက်စွာ ပေးနိုင်မည်မဟုတ်။
(၃) ထိုနည်းတူစွာ ရေမြေစသည့် ပတ်ဝန်းကျင်အခြေအနေတို့သည်လည်း
အတိတ်ကပြုလုပ်ခဲ့သော ကောင်းကံ၊ ဆိုးကံတို့အလျောက် ဖြစ်ပေါ်ရမည့် ကောင်းမွေ
ဆိုးမွေကျိုးတို့ပေတည်း။
ခုဒ္ဒကနိကာယ်ဝင် ဓမ္မပဒပါဠိတော်တွင်လည်း ကံသာလျှင် အပိုင်အမွေအနှစ်
ပစ္စည်းအဖြစ် ကိုယ့်နောက်ပါမည့်အကြောင်း ဟောတော်မူပါသေးသည်။
အတ္တာ ဂေဟော နိဝတ္တန္တိ၊ သုဿာနေ မိတ္တဗန္ဓ၀ါ
သုကတံ ဒုက္ကတံ ကမ္မံ၊ ဆာယာဝ အနုယာယတီ။
အတ္တာ၊ လယ်ယာအိုးအိမ် ရွှေငွေ ကျောက်သံစသည့် ပစ္စည်းတို့သည်။ ဂေဟေ၊
တည်ရာ ဌာနမှ။ နိဝတ္တန္တိ၊ ဘာမျှလိုက်ပါကြမည် မဟုတ်ကုန်။ မိတ္တဗန္ဓ၀ါ၊
မိတ်ဆွေရင်း ညီအစ်ကို မောင်နှမ သားသမီး၊ မိဘဆွေမျိုးအရင်းတို့သည်လည်း၊
သုသာနေ၊ လူသေမြုပ်ရာ သုသာန်သင်္ချိုင်း မြေလုပ်တိုင်းမှ။ နိဝတ္တန္တိ၊ ပျူပျူငှာငှာ
ဆူညံစွာဖြင့် မသာပို့ကာပြန်ကြလေကုန်၏။ သုဂတံ ဒုဂ္ဂတံ ကမ္မံကောင်းစွာ ပြုအပ်၊
မကောင်းစွာပြုအပ်၊ ထိုကုသိုလ်ကံ၊ အကုသိုလ်ကံ နှစ်ရပ်သည်သာလျှင်။ ဆာယာ၊
အရိပ်သည်။ အနုယာယတီဣ၀၊ မိမိသွားလာရာနောက် အမြဲမကွာ အစဉ်လိုက်သကဲ့သို့။
အနုယာယတိ၊ သေဆုံးသူနောက်သို့ ကောက်ကောက်မသွေ လိုက်ပါလေတော့၏။
ထို့ကြောင့် လူသတ္တ၀ါတစ်ဦး၏ အကျင့်စရိုက်ဝါသနာဘာဂီ စိတ်နေသဘောထား
အားလုံးကို ဘိုးဘွားမိဘမျိုးရိုးအစဉ်အလာ ဇာတိဗီဇတို့မှ အဖြေမှန်ရှာ၍ ရမည်
မဟုတ်ပါ။ လူတိုင်းလူတိုင်းမှာ အသွင်မတူသည့် အကျင့်စရိုက်လက္ခဏာ အမြောက်
အများ သီးခြားစီရှိကြရာ၊ ၎င်းတို့ကို ဘိုးဘွားမိဘ မျိုးရိုးစဉ်လာ ဗီဇအစဉ်အလာတို့သို့
ခြေရာခံ၍ ရမည်မဟုတ်ပါ။ ဥပမာ သူတော်ကောင်း လူကုံတန် မိကောင်းဖခင်တို့မှ
ငတက်ပြားကဲ့သို့ ထိပ်ထိပ်ကြဲလူဆိုးကြီးများ ပေါ်ထွန်းလာတတ်သည်ကို မမေ့သင့်ပါ။
ဇာတိပဋိသန္ဓေအကြောင်း ထပ်လောင်းရှင်းပြခြင်း
အထက်ဖေါ်ပြပါ သဘောတရားတို့ကို လူပြိန်းတို့ နားလည်ရန် ရိုးရိုးနှင့်
ရှင်းရှင်း တင်ပြလိုပါသေးသည်။ ပါဠိလို ပဋိသန္ဓေစိတ်ဆိုသည်မှာ ဘ၀တစ်ခုနှင့်တစ်ခု
(၀ါ) ဘ၀ဟောင်းနှင့် ဘ၀သစ်တို့ကို ဆက်ပေးသည့်စိတ်ကို ခေါ်ပါသည်။ ဤသို့ဆက်ပေး
ရာတွင် ဘ၀ဟောင်းမှ ဘ၀သစ်သို့ ဘာတစ်ခုမျှ ကူးပြောင်းလာခြင်းမရှိ။ ဘ၀ဟောင်း၌
ပြုခဲ့သော အတိတ်ကံအဟုန်အရှိန်ကြောင့် ဘ၀သစ်ပေါ်ရခြင်းသာဖြစ်ပါ၏။ တစ်နည်း၊
ဘ၀သစ်သို့ ဘ၀ဟောင်းမှ စုတိစိတ်ကျသေဆုံးသွားသူ၏ ခန္ဓာငါးပါး ရုပ်နာမ်တရားတို့
အနက် ဘာတစ်ခုမှ ကူးပြောင်းခြင်းမရှိ။ ဤသို့ဆိုလျှင် ဘ၀ဟောင်းနှင့် ဘ၀သစ်တို့
သည် တခြားစီဖြစ်၍၊ တစ်ခုနှင့်တစ်ခု ဘာမျှမဆိုင်လေသလောဟု တွေးတောစရာ
ရှိပါသည်။ တစ်ခြားစီ ဘာမျှမဆိုင်ဆိုလျှင်လည်း မှန်မည်မဟုတ်ပါ။ စိတ်ဆိုသည်မှာ
နိယာမသဘောတရားအတိုင်း တစ်ခုနှင့်တစ်ခု(၀ါ) ရှေ့စိတ်နှင့် နောက်စိတ်စပ်ကြား
ကွင်းဆက်ရှိကြောင်းကို ယခုအခါ အများလက်ခံယုံကြည်ကြသည့်အတိုင်း ကမ္ဘာ့သိပ္ပံနှင့်
စိတ္တဗေဒပါရဂူကြီးများက ထောက်ခံအတည်ပြုထားပါသည်။ အလားတူပင် ဘ၀
ဟောင်း၏ နောက်ဆုံး မရဏာသန္နဇောစုတိစိတ်နှင့် ဘ၀သစ်ပဋိသန္ဓေ ပထမဘ၀င်စိတ်
တို့အကြားတွင်လည်း ကွင်းဆက်ရှိရပါမည်။ ဥပမာ လူတစ်ယောက်သည် မြန်မာပြည်
၌ သေဆုံးသွားပြီး အင်္ဂလန်နိုင်ငံ သို့မဟုတ် အလွန်ဝေးကွာသောဒေသ တစ်ခုခု၌ ပဋိသန္ဓေ
တည်သည်ဆိုကြပါစို့ ပထမသေဆုံးသည့်အချိန်နှင့် ပဋိသန္ဓေနေသည့်အချိန်စပ်ကြားကာလသည်၊
အသက်ရှင်နေသူတစ်ဦး၏ ပထမစိတ် တစ်ခဏပျောက်ပြီး ဒုတိယစိတ်ရောက်လာသလောက်
သာ ကြာပါသည်။ အလိုအပိုမရှိပါ။ ထို့ကြောင့် ဘ၀ဟောင်းမှ ဘ၀သစ်သို့ ဘာမျှရောက်
မလာသော်ငြားလည်း ဘ၀သစ်၌ ပထမပေါ်သည့် ပဋိသန္ဓေစိတ်သည်၊ ဘ၀ဟောင်း၏
စုတိစိတ်ခေါ် မရဏာသန္နဇောစိတ်နှင့် ကွင်းဆက်မကင်းပါ။ သည်လိုဆို ဘ၀သစ်၌ပဋိသန္ဓေ
နေသူသည် ဘ၀ဟောင်း၌ သေဆုံးသွားသူလား၊ သို့မဟုတ် တစ်ခြားလူလားဟုမေးလျှင်၊
အဖြေမှာ ဥပမာအားဖြင့် မှန်တစ်ချပ်ကို လူတစ်ယောက်ကကြည့်သည်ရှိသော် မှန်ထဲ၌မြင်ရသော
အရိပ်သည် မှန်ကြည့်သူတစ်ကယ်မဟုတ်သော်လည်း၊ ၎င်းနှင့်တစ်ပုံစံတည်းတူနေခြင်း မှန်ကြည့်
သူအဖြစ် အကြောင်းမကင်းခြင်းတို့ကြောင့်၊ အဆိုပါအရိပ်မှာ ၎င်းလူပင်ဖြစ်သည်ဟု ပြောဆို
ရပါမည်။ အလားတူပင် ဘ၀ဟောင်း၌ သေဆုံးသွားသူ၏ခန္ဓာငါးပါး ရုပ်နာမ်တရား
တို့အနက်ဘာတစ်ခုမျှ ဘ၀သစ်သို့ရောက်မသွားသည့်အတွက် ဘ၀သစ် လူ၏ခန္ဓာငါးပါး
သည် ဘ၀ဟောင်းသေသူ၏ ခန္ဓာငါးပါးရုပ်နာမ်တို့ မဟုတ်သောကြောင့် ဘ၀ဟောင်းနှင့်
ဘ၀သစ်လူဟာ ဘ၀ဟောင်းက လူပင်ဖြစ်၏ဟူ၍လည်းမဆိုနိုင်ပါ။ အထက်ပိုင်း
တစ်နေရာရှိ မိလိန္ဒပဥှာအမေးအဖြေတွင် ယင်းပြဿနာနှင့်ပတ်သက်၍ အနည်းငယ်
တင်ပြထားပါသေးသည်။
ယခုအခါ မေထုံမဲ့သားဖေါက်ခြင်းများ၊ အခြားဓါတုဗေဒနည်း အမျိုးမျိုးဖြင့်
သားဖေါက်ခြင်းများ၊ မကြာလှသော နောင်တစ်ခေတ်တွင် မနုဿလူသားကလေးများကို
ဖန်ဓါတ်ဘူးတို့တွင် အစုလိုက်အပြုံလိုက်သားဖေါက်ခြင်းစသည်တို့ဖြင့် သိပ္ပံပညာ၏
အစွမ်းအံ့မခန်းလိလိ တိုးတက်လာပါသော်လည်း ဗုဒ္ဓ၏ ကမ္မ၀ိပါကကံအကြောင်းတရား
နှင့် ၀ိပါက်အကျိုးပဋိသန္ဓေ တရားတို့သည်ကား ဖြစ်တုံပျက်တုံ သံသရာကြီးလည်နေ
သမျှ ပျောက်ကွယ်၍သွားမည် မထင်ပါ။ ရှင်သန်နေမည်သာ ဖြစ်ပါသည်။
x x x x x x x
ပဌာန်းပါဠိတော်လာ နိဿယပစ္စည်း
သင့်မြတ်လျောက်ပတ်သည့် ပတ်ဝန်းကျင်အခြေအနေနှင့်တကွ ပဋိသန္ဓေမျိုးစေ့
စသည့် အင်္ဂါရပ်များ ပြည့်စုံလျှင် အဘယ်ရုပ်ဝတ္ထု အဘယ်ရုပ်ဓါတ်ပစ္စည်းတွင်မဆို
စုတိစိတ်ကျ၍ သေဆုံးသွားသူ၏ မရဏာသန္နဇောကံ အဟုန်ဟုဆိုအပ်သော
နာမ်ဓါတ်အား၏ အစွမ်းသတ္တိကြောင့် ဘ၀သစ်ခေါ် နာမရူပခန္ဓာသစ်ပေါ်နိုင်သည်ဟု
ဆိုရပါမည်။ ဤသဘောထားအယူအဆသည် ဗုဒ္ဓအဘိဓမ္မာ ပဋ္ဌာန်းပါဠိတော်ကြီးတွင်
နိဿယပစ္စည်းအကြောင်းကို ဟောတော်မူရာ၌ ထင်ရှားလှပါသည်။
ယံ ရူပံ နိဿာယ မနောဓါတုစ မနောဝိညာဏဓါတုစ ၀တ္တန္တိ
တံရူပံ မနောဓါတုယာစ မနောဝိညာဏဓါတုယာစ
တံသမ်္ပယုတ္တကာနဉ္စ ဓမ္မာနံ နိဿယပစ္စယေန ပစ္စယော။
ယံရူပံ၊ အကြင်ရုပ်ကို။ (ဟဒယ၀တ္ထုရုပ်ကိုဟုလည်း ဆိုကြပါသည်) နိဿာယ
အမှီပြု၍။ မနောဓါတုစ၊ အာရုံကို သိရုံမျှ ၀ိုးတ၀ါးသိတတ်သောစိတ် မနောဓါတ်သည်
လည်းကောင်း။ မနောဝိညာဏဓါတုစ အာရုံကိုအထူးသိတတ်သော ကြံသိစိတ်
မနောဝိညာဏဓါတ်သည် လည်းကောင်း၊ ၀တ္တန္တိ၊ ဖြစ်ကုန်၏။ တံရူပံ၊ ထိုရုပ်သည်။
မနောဓါတုယာစ၊ မနောဓါတ်အားလည်းကောင်း၊ မနောဝိညာဏ ဓါတုယာစ၊
မနောဝိညာဏ ဓါတ်အားလည်းကောင်း၊ တံသမ်္ပယုတ္တကာနံ ထိုမနောဓါတ်
မနောဝိညာဏဓါတ်နှင့်ယှဉ်သော၊ ဓမ္မာနဉ္စ၊ စေတသိက်တရား တို့အားလည်းကောင်း
နိဿယပစ္စယေန၊ မှီရာတည်ရာ နိဿယပစ္စယသတ္တိဖြင့် ပစ္စယော ဥပါကာရကော၊
ကျေးဇူးပြုတတ်သည် ဟောတိဖြစ်၏။
x x x x x x x
ပဋိသမ္ဘိဒါမဂ်ဂါထာ
ဤကံနှင့် ပဋိသန္ဓေဆက်စပ်ပုံကိုကံက အကြောင်းတရား ပဋိသန္ဓေနာမ်ရုပ်
အာယတန ဖဿဝေဒနာဆိုသည့် ငါးပါးက အကျိုးဝိပါက်တရား ဖြစ်ကြောင်းကို
ပဋိသမ္ဘိဒါမဂ်တွင် ဟောတော်မူသည်မှာ -
ဣဓ ပဋိသန္ဓိ ၀ိညာဏံ သြက်္ကန္တီ နာမရူပံ ပသာဒေါ အာယတနံ
ဖုဋ္ဌောဖေဿာဝေဒယိတံ ဝေဒနာ၊ ဣတိ ဣမေ ပဉ္စာ ဓမ္မာ
ဣဓုပပတ္တိဘ၀သ်္မိံ ပုရေဇာတဿ ကမ္မဿ ပစ္စယော။
ဣဓ ယခုအခါ၌။ ပဋိသန္ဓိ၊ ဆက်စပ်လျက် ဖြစ်ပေါ်သောစိတ်သည်။ ၀ိညာဏံ၊
ဝိညာဉ်ပေတည်း။ သြက်္ကန္တိ။ တစ်ပြိုင်တည်းလာ၍ သက်ဝင်သကဲ့သို့ ဖြစ်သော
သဘောသည်၊ နာမရူပံ၊ နာမ်ရုပ်ပေတည်း ပသာဒေါ၊ ကြည်လင်သော ပသာဒရုပ်(၀ါ)
မျက်စိ၊ နား၊ နှာ၊ လျှာ၊ ကိုယ်အကြည်တို့သည် အာယတနံ အာယတနတို့ပေတည်း၊
(၀ါ) အာရုံနှင့် စိတ်တွေ့ဆုံရာဌာနတို့ပေတည်း။ ဖုဋ္ဌော၊ အာရုံနှင့် စိတ်တွေ့ခြင်းသည်။
ဖေဿာ၊ ဖဿ ပေတည်း။ ဝေဒယိတံ၊ ခံစားအပ်သော သဘောသည်။ ဝေဒနာ၊
ဝေဒနာပေတည်း။ ဣတိ၊ ဤသို့၊ ဣဓုပ ပတ္တိဘ၀သ်္မိံ၊ ယခုဖြစ်ဆဲ ဘ၀၌၊ ပ၀တ္တာ၊
ဖြစ်ကုန်သော။ ဣမေပဉ္စာဓမ္မာ၊ ဤငါးပါးသော တရားတို့သည်။ ပုရေကတဿကမ္မ
ပစ္စယာ၊ ရှေးကပြုခဲ့သော ကံဟူသော အကြောင်းကြောင့်။ ပ၀တ္တိဝိပါကဓမ္မာ၊
ယခုမျက်မှောက်၌ ဖြစ်ပေါ်သော အကျိုးတရားတို့ ပေတည်း။ ။
အဘိဓမ္မတ္တသင်္ဂဟအဖွင့်ဂါထာ
ဆဓါ နာမန္တု နာမဿ ပဉ္စာဓါ နာမရူပိနံ။
ဧကဓါ ပုနရူပဿ၊ ရူပံ နာမဿ စေကဓါ။
ပညတ္တိနာမရူပါနီ၊ နာမဿ ဒုဝိဓံဒွယံ။
ဒွယဿ နာဝဓါစေတီ၊ ဆဗ္ဗိဓါ ပစ္စယာကထံ။ ။
နာမံ၊ နာမ်သည်။ နာမဿ၊ နာမ်အချင်းချင်းအား။ ဆဓါ၊ ခြောက်ပါးသော
အခြင်း အရားအားဖြင့်။ ပစ္စယော ဥပကာရကော၊ ကျေးဇူးပြုတတ်သည်။ ဟောတိ၊
ဖြစ်၏။ နာမံ။ နာမ်သည်။ နာမရူပါနံ၊ နာမ်ရုပ်တို့အား။ ပဉ္စဓါ၊ ငါးပါးအပြားအားဖြင့်။
ပစ္စယော ဥပကာယကော၊ ကျေးဇူးပြုတတ်သည်။ ဟောတိ၊ ဖြစ်၏။ ပုန၊ တစ်ဖန်။
နာမံ၊ နာမ်သည်။ ရူပဿ၊ ရုပ်အား။ ဧကဓါ၊ တစ်ပါးသော အခြင်းအရာအားဖြင့်။
ပစ္စယော ဥပကာယကော၊ ကျေးဇူးပြုတတ်သည်။ ဟောတိ၊ ဖြစ်၏။ စ၊ နာမ်ပစ္စည်း
တပ်သည်မှတစ်ပါး ရုပ်ပစ္စည်းတပ်သည်ကို ဆိုဦးအံ့။ ရူပံ၊ ရုပ်သည်။ နာမဿ
နာမ်အား။ ဧကဓါ၊ တစ်ပါးသော အခြင်းအရာအားဖြင့် ပစ္စယော ဥပကာရကော၊
ကျေးဇူးပြုတတ်သည်။ ဟောတိ၊ ဖြစ်၏။
ပညတ္တိနာမရူပါနိ၊ ပညတ်နာမ်ရုပ်တို့သည်။ နာမဿ၊ နာမ်အား။ ဒိဝိဓါ၊
နှစ်ပါးသော အခြင်းအရာအားဖြင့်။ ပစ္စယော ဥပကာရကော၊ ကျေးဇူးပြုတတ်သည်။
ဟောတိဖြစ်၏။ စသုဒ္ဓ မှတစ်ပါး မိဿကကိုဆိုဦးအံ့၊ ဒွယံ၊ နာမ်ရုပ်ဓါတ်နှစ်ပါးသည်
ဒွယဿ၊ နာမ် နာမ်ရုပ်နှစ်ပါးအား၊ န၀ဓါ ကိုးပါးသော အခြင်းအရာအားဖြင့်။ ပစ္စယော
ဥပကာယကော၊ ကျေးဇူးပြုတတ်သည်။ ဟောတိ၊ ဖြစ်၏။ ဣတိ၊ ဤသို့၊ ပစ္စယာ၊ ပစ္စည်း
တို့သည် ဆဗ္ဗိဓါ၊ ခြောက်ပါး အပြားအားဖြင့်။ ဌိတာ၊ တည်ကုန်၏။
(အကျယ်ကို အဘိဓမ္မာတ္ထသင်္ဂဟတွင် ကြည့်ပါ)
x x x x x x x
နာမရူပခန္ဓာအဖွင့်အတိုချုပ်
အောက်ပါတို့သည် သတ္တ၀ါခေါ်သည့် နာမရူပခန္ဓာငါးပါးရုပ်နာမ်
တရားတို့အား အကျဉ်းအားဖြင့် ထပ်၍ဖွင့်ပြခြင်းဖြစ်ပါသည်။
(၁) ယေနိရုဒ္ဓါ မရန္တာသ၊ တိဋ္ဌမာနဿ ၀ါဣဓ၊
သဗ္ဗေပိ သဒိသာ ခန္ဓာ၊ ဂတာ အပဋိသန္ဓိယာ။
မရန္တဿ၊ သေသောသူ၏။ နိရုဒ္ဓါ၊ စုတိစိတ်ရောက်၍ ချုပ်ပျောက်လေကုန်သော။
ယေခန္ဓာ၊ အကြင်ခန္ဓာငါးပါး ရုပ်နာမ်တရားတို့သည် လည်းကောင်း။ ဣဓ၊ ဤပ၀တ္တိ
ကာလ၌ တဋ္ဌမာနဿ၊ အသက်ထင်ရှားရှိသောသူ၏။ နိရုဒ္ဓါ၊ ဘင်သို့ရောက်၍
ချုပ်ပျောက်လေကုန်သော။ ယေခန္ဓာ အကြင်ခန္ဓာငါးပါး ရုပ်နာမ်တရားတို့သည်
လည်းကောင်း၊ သန္တိ၊ ရှိကုန်၏။ သဗ္ဗေပိ အလုံးစုံကုန်သော ယေခန္ဓာ ထိုခန္ဓာငါးပါး
ရုပ်နာမ်တရားတို့သည် ဒိသာ၊ စင်စစ်အတူတူသာ ဖြစ်ကြကုန်၏။ အပဋိသန္ဓိယာ၊
တစ်ဖန်ပြန်၍ ပေါ်လာခြင်း မရှိကုန်ဘဲ။ ဂတာ၊ ကင်းပျောက်ချုပ်ငြိမ်းခြင်းသို့
ရောက်ကြကုန်၏။
x x x x x x x
တယ်လီဖိုတိုဖြင့် ၀ါယာလက်ရုံးမှ ဓါတ်ပုံတစ်ခုကို မန္တလေးမှ ရန်ကုန်သို့ပို့
လိုက်သည်ဆိုရာ၌ မန္တလေးဓါတ်ပုံက ရန်ကုန်သို့မသွား၊ မလိုက်၊ မပါ၊ မရွှေ့ပြောင်း၊
မူလစိတ်ဓါတ်ပုံနှင့်လည်း အကြောင်းမကင်းပါ၊ (သတင်းစာတိုက်များသို့ ဤနည်းဖြင့်
ဓါတ်ပုံတွေ ယခုအခါ ပို့နေကြပါပြီ။)
တယ်လီဗီးရှင်းခေါ် ရုပ်မြင်သံကြားနှင့်လည်း အလွန်တူပါသည်။ ယခုသဘာဝ
ယုတ္တိကို ထောက်ဆပြီး ဤဘ၀ရုပ်တွေ နာမ်တွေသည် ဘ၀သစ်သို့ မလိုက်မပါ၊
ဤဘ၀က ရုပ်နာမ်တွေက အကြောင်းမပြုဘဲ(၀ါ) ပစ္စည်း မပြုဘဲ၊ ဘ၀သစ်၌ ရုပ်သစ်
နာမ်သစ် မဖြစ်နိုင်ပါ။
ဒါကို ပဋ္ဌါန်း ပါဠိတော်ကြီး၌ -
ယေသံယေသံ ဓမ္မာနံ အနန္တရာ ယေ ယေ ဓမ္မာ ဥပ္ပဇ္ဇန္တိ
စိတ္တစေတသိကာ ဓမ္မာ၊ တေ တေ ဓမ္မာ တေသံ တေသံ
ဓမ္မာနံ အနန္တရပစ္စယေန ပစ္စယော။
ယေသံ ယေသံ၊ အကြင်အကြင်ရှေးရှေး၌ ဖြစ်ကုန်သော။ ဓမ္မာနံ၊ စိတ်စေ
တသိက်တရားတို့၏။ အနန္တရာ၊ အခြားမဲ့ဖြစ်ကုန်သော ယေယေဓမ္မာ၊ အကြင်
အကြင် နောက်နောင်၌ဖြစ်ကုန်သော။ စိတ္တစေတသိကာ ဓမ္မာ၊ စိတ်စေတသိက်တရား
တို့သည်။ ဥပ္ပဇ္ဇန္တိ၊ ဖြစ်ကုန်ရာ၏။ တေတေဓမ္မာ၊ ထိုရှေးရှေး၌ ဖြစ်ကုန်သောတရားတို့
သည်။ တေသံတေသံ ဓမ္မာနံ၊ ထိုထိုနောက် နောက်၌ ဖြစ်ကုန်သော စိတ်စေတသိက်
တရားတို့အား၊ အနန္တရပစ္စယေန၊ အခြားမဲ့ အနန္တရပစ္စယသတ္တိဖြင့်။ ပစ္စယောဥပကာရ
ကော၊ ကျေးဇူးပြုတတ်သည်။ ဟောတိ၊ ဖြစ်၏။
x x x x x x x
ဤအကြောင်းအရာနှင့် ပတ်သတ်၍ ကွယ်လွန်သူ ကမ္ဘာကျော် အတွေးအခေါ်
ပညာရှင်ကြီး အောဒါ့စ်ဟက်္ကစလီက ၎င်း၏ ကျမ်းတစ်စောင်၌ နောက်လာမည့်
ရုပ်ရှင်ကားများတွင် ရုပ်မြင်သံကြားရုံတွင်မက(၀ါ) အဆင်းရူပါရုံ အသံသဒ္ဒါရုံတို့တွင်
မက ဖောဋ္ဌာဗ္ဗာရုံ ကိုယ်ထိလက်ရောက် တွေ့ထိကိုင်တွယ်၍ ဇိမ်ခံနိုင်မည့်ဟု ဟောကိန်း
ထုတ်ခဲ့ပါသည်။
ယခုအခါ သာမာန်လူများအား ခိုင်းသိလိုလုပ် ပြောသလိုလိုက်နာစေရန်
စိတ်ပညာနည်းတွေ၊ စိတ်ညှို့ပညာနည်းတွေ၊ အဓိစိတ္တသိက္ခာ၊ ဈာန်သမာပတ်
သမထဘါဝနာရောင်ရောင် ကမ္ဘာအရပ်ရပ်တွင် ခေတ်စားနေပါသည်။
ရုပ်ရှင်ကားများတွင် ပထမ၌ အဖြူအမည်းလောက်သာ ရွေးချယ်ရပါသည်။
ထို့နောက်အသံထွက်လာပါသည်။ ထို့နောက် အရောင်အဆင်း၊ ထို့နောက် ဗစ်တာဗစ်ရှင်း ၊
သရီးဒိုင်မင်းရှင်း အစရှိသည့် ရွှေပွဲလာကိုယ်တိုင် ပါဝင်ဆင်နွှဲရသကဲ့သို့ စိတ်ကူးဖြင့်
ဇိမ်ခံနိုင်သည့် ရုပ်ရှင်ကားများ ပေါ်ထွက်လာမည်ဆိုပါသည်။နောက်ဆုံး ဂန္ဓာရုံအနံ့
ထွက်ပေါ်လာလျှင် အလားတူပင် ကိုယ်ထိလက်ရောက် အနံ့၏အရသာကို ခံနိုင်ပေမည်။
ယင်းကိစ္စကို မည်ကဲ့သို့ အမည်ပေးမည်ကို မသိရသေးပါ။
ဤကဲ့သို့ ပါဠိတော်မှကောက်နှုတ်ချက်များနှင့်တကွ တင်ပြရသည်မှာ ဗုဒ္ဓတရား
တော်အရ၊ သတ္တ၀ါတစ်ဦး၏ လူဝင်စားအပါအ၀င် ပဋိသန္ဓေဘ၀ကူး ဘ၀ပြောင်းဆို
သည်မှာ ခန္ဓာကိုယ်ရောအသက်ဝိညာဏ်ပါ ပျက်စီးပျောက်ဆုံးသွားသည့် မရဏာသန္န
ကာလနောက်ပိုင်းမှလည်းကောင်း၊ မရဏာသန္နကာလ၏ ရှေ့ပ၀တ္တိကာလ၌လည်းကောင်း
ဖြစ်နိုင်သည်ကို ထင်ရှားစေလိုသောကြောင့် ဖြစ်သည်။ ဆိုလိုသည်မှာ ဗုဒ္ဓ၏ အဘိဓမ္မာ
အရ၊ သတ္တ၀ါတိုင်းဟာ မျက်စိတစ်မှိတ် လျှပ်တစ်ပြက်တွင်၊ ကုဋေတစ်သိန်းကျော်
ဖြစ်ကာ ကုဋေတစ်သိန်းကျော်ပျက်နေသည့် စိတ်တစ်ခဏတိုင်း စိတ်တစ်ခဏတိုင်း
သေပြီး အသစ်ပြန်၍ ရှင်နေသည်မှာ၊ ခန္ဓာကိုယ်ရော ၀ိညာဏ်ပါ၊ နောက်ဆုံး
ပျက်စီးပျောက်ကွယ်မသွားခင်လည်းကောင်း၊ ပျက်စီးပျောက်ကွယ်သွားပြီးမှလည်းကောင်း
ဖြစ်ပါသည်။ ဤကဲ့သို့ မွေးလိုက်သေလိုက်(၀ါ) ဖြစ်လိုက်ပျက်လိုက်နေသည့် ကွင်းဆက်
အစဉ်ကြီးသည် အရဟတ္တမဂ်၊ အရဟတ္တဖိုလ်ဖြင့် မဖြတ်တောက်က ပြတ်မည်မဟုတ်ပါ။
၎င်းကို အရင်ကလည်းပြောခဲ့ပါပြီ။ ထို့ကြောင့် မြတ်စွာဘုရားကအင်္ဂုတ္တရပါဠိတော်
တွင် တစ်ခဏလေးမျှ ဘ၀ဇာတိဖြစ်ရခြင်းကိုပင် မလိုလားကြောင်း ဟောတော်မူပါသည်။
သေယျထာပိ ဘိက္ခဝေ အပမတ္တကောပ တော
ဒုဂ္ဂန္ဓော ဟောတိ၊ ဧ၀မေ၀ခေါ အဟံ ဘိက္ခဝေ အပ္ပမတ္တကမ်္ပိ
ဘ၀ံ န ၀ဏ္ဏေမိ၊ အန္တမသော အစ္ဆရာသင်္ဃာတ မတ္တပ္ပိ။
ဘိက္ခဝေ၊ ရဟန်းတို့ အပ္ပမတ္တကောပိ၊ အနည်းငယ်ပင်ဖြစ်သော် မစင်ခေါ်
ကျင်ကြီးသည်။ ဒုဂ္ဂန္ဓော၊ မကောင်းသောအနံ့ရှိသည်။ ဟောတိသေယျထာပိ၊ ဖြစ်သကဲ့သို့။
ဧ၀မေ၀ခေါ်၊ ဤအတူသာလျှင်။ အပ္ပမတ္တကမ်္ပိ၊ အနည်းငယ်မျှသာလျှင်ဖြစ်သော။
အန္တမသေသာ၊ အောက်ထစ်ဆုံးအားဖြင့်၊ အစ္ဆရာ သင်္ဃာတမတ္တပ္ပိ၊ မျက်စိတမှိတ်၊
လျှပ်တပြက်၊ လက်ဖျစ်တတွက်ကာလမျှသော် လည်းဖြစ်သော၊ ဘ၀ံ၊ ဘ၀ကို၊ အဟံ၊
ငါဘုရားသည်၊ န၀ဏ္ဏေမိ၊ ချီးမွမ်းတော်မမူဟု ဟောတော်မူပါသည်။
ကမ္ဘာအရပ်ရပ်တွင် အလွန်အံ့သြစရာကောင်းသည့် သတိရှိသူများ၊ မှတ်ဉာဏ်ရှိသူများ
အထင်အရှားရှိပါသည်။ အချို့မှာ တခါကြားဖူး၊ မြင်ဖူး၊ ဖတ်ဖူးရုံဖြင့် တသက်လုံးမမေ့တော့
ပါ။ အချို့မှာ အထက်ပိုင်းတွင်ဖေါ်ပြခဲ့သည့် ဘ၀ဟောင်းအမျိုးမျိုးကို မှတ်မိကြပါသည်။ အများ
စုဖြစ်တဲ့ လူတွေကတော့ မှတ်ဉာဏ်မကောင်းကြပါ။ မိမိသည် အတိတ်အကြောင်းများ ဘ၀
ဟောင်းများကို မမှတ်မိသောကြောင့် မည်သည့်အကြောင်းအရာမှ အတိတ်ကာလ၌ မဖြစ်ခဲ့ဘူးဟု မဆိုနိုင်ပါ။မိမိ၏အတိတ်ဘ၀ကို မိမိမမှတ်မိခြင်းဖြင့် အခြားခြားလူများ အတိတ်အကြောင်းကို
မမှတ်မိဟုပြောဆိုခြင်းသည် မမှန်နိုင်ပါ။
ဗုဒ္ဓစာပေများတွင် မြတ်စွာဘုရားနှင့် တပည့်သာဝကများ၏ အတိတ်ဘ၀ဖြစ်တော်
ပေါင်းများအကြောင်း အခြားပုဂိ်္ဂုလ်များ၏ အတိတ်အနာဂတ် ဘ၀အကြောင်းများကို တွေ့
မြင်ဖတ်ရှုနိုင်ပါသည်။ ဒိဗ္ဗစက္ခု၊ ဒိဗ္ဗသောတ၊ နတ်မျက်စေ့၊ နတ်နားစသည့် ထူးကဲသောအမြင်
အကြား၊ ဣဒိ်္ဓ၀ိဓတန်ခိုး အမျိုးမျိုးဖန်ဆင်းနိုင်ခြင်း၊ စေတာပရိယ၊ ပရစိတ္တ၀ိဇာနန၊ သူတစ်ပါး
၏ စိတ်အကြံကို သိနိုင်ခြင်း၊ ပုဗ္ဗေနိဝါသ၊ ရှေးရှေးဘ၀ အဆက်ဆက်၊ ကမ္ဘာအဆက်ဆက်ကို
သိနိုင်ခြင်း၊ အနာဂတံသ၊ နောင်ဖြစ်လတ္တံ့သော ဘ၀များစွာကို သိနိုင်ခြင်း၊ ဟူသော ငါးပါးသော
လောကီအသိဉာဏ်နှင့် လောကုတ္တရာ အသိဉာဏ်ဖြစ်သော အာသ၀က္ခယအသိဉာဏ်တို့နှင့်တကွ
သဗ္ဗညုတဉာဏ်ကို ရပြီးမြတ်စွာဘုရားသည် လွန်ခဲ့သောနှစ်ပေါင်း ၂၅၀၀ ကျော်က ဟောခဲ့သည်
ကို မဇ္ဈိမနိကာယ် ဘယဘေရ၀သုတ်စသည်တို့၌ တွေ့နိုင်ပါသည်။ ထိုသုတ်၌ -
သော အနေက၀ိဟိတံ ပုဗ္ဗေနိဝါသံ၊ အနုဿရာမိ၊ သေယျထိဒံ၊
ဧကမ်္ပိဇာတိံ ဒွေပိဇာတိယော တိေဿာပိဇာတိယော၊
စတေဿာပိဇာတိယော၊ ပဉ္စပိဇာတိယော၊ ဒဿပိ ဇာတိယော၊
ဝိသမ်္ပိ ဇာတိယော၊ တိံသံမ်္ပိဇာတိယော၊ စတ္တာလီသမ်္ပိဇာတိယော၊
ပညာသမ်္ပိ ဇာတိယော၊ ဇာတိသတမ်္ပိ၊ ဇာတိသဟဿမိ်္ပ၊ ဇာတိသတသဟဿမ်္ပိ၊ အနုဿရာမိ။
သောအဟံ၊ ထိုငါသည်။ အနေက၀ိဟိတံ၊ များလှစွာသော၊ ပုဗ္ဗေနိဝါသံ၊ ရှေး၌ဖြစ်ဘူးသော
ခန္ဓာအစဉ်ကို၊ အနုဿရာမိ၊ အောက်မေ့နိုင်၏။ ဣဒံ၊ ဤဘ၀တို့ဟူသည်။ သေယျထာ၊
အဘယ်တို့နည်း၊ ဧကမ်္ပိဇာတိံ၊ တဘ၀တို့ကိုလည်းကောင်း၊ ဒွေပိဇာတိယော၊ နှစ်ဘ၀တို့ကို
လည်းကောင်း၊ တိေဿာပိဇာတိယော၊ ဘ၀သုံးဘ၀တို့ကိုလည်းကောင်း၊ ဒဿပိဇာတိယော၊
ဆယ်ဘ၀တို့ကိုလည်းကောင်း၊ ၀ီသမ်္ပိဇာတိယော၊ ဘ၀နှစ်ဆယ်တို့ကိုလည်းကောင်း
တိံသမ်္ပိဇာတိယော၊ ဘ၀သုံးဆယ်တို့ကိုလည်းကောင်း၊ စတ္ထာလီသမ်္ပိဇာတိယော၊
ဘ၀လေးဆယ်တို့ကိုလည်းကောင်း၊ ပညာသမ်္ပိဇာတိယော၊ ဘ၀ငါးဆယ်တို့ကိုလည်းကောင်း
ဇာတိသတမ်္ပိ၊ ဘ၀တစ်ရာတို့ကိုလည်းကောင်း၊ ဇာတိသဟဿမ်္ပိ၊ ဘ၀တစ်ထောင်တို့ကို
လည်းကောင်း၊ ဇတိသတသဟဿမ်္ပိ၊ ဘ၀တစ်သိန်းတို့ကိုလည်းကောင်း၊ အနုဿရာမိ၊
အောက်မေ့နိုင်၏။
တဖန် ထိုမဇ္ဈိမနိကာယ်တွင်ပင် မြတ်စွာဘုရားက၊
သေဒိဗ္ဗေန စက္ခုနာ ၀ိသုဒ္ဓေန အတိက်္ကန္တိမာနုသကေန
သတ္တေပဿာဓိ စ၀မာနေ ဥပပဇ္ဇမာနေ ဟီနေ ပဏိတေ
သုဝဏ္ဏေဒုဗ္ဗဏ္ဏေ သုဂတေ ဒုဂ္ဂတေ ယထာ ကမ္မုပဂေ သတ္တေပဇာနာမိ
သေအဟံ ထိုငါသည်။ ၀ိသုဒ္ဓေန အထူးသဖြင့် စင်ကြယ်သော၊ အတိက်္ကန္တ
မာနုသကေန လူတို့၏ မျက်စိအမြင်ထက် လွန်ကဲသော ဒိဗ္ဗေနစက္ခုနာ နတ်မျက်စိဖြင့်၊
စ၀မာနေ စုတိဆဲဖြစ်ကုန်သော၊ ဥပပဇ္ဇာမာနေ ပဋိသန္ဓေနေဆဲဖြစ်ကုန်သော၊ ဟိနေ
ယုတ်ကုန်သော၊ ပဏိတေ မြတ်ကုန်သော၊ သုဝဏ္ဏေ အဆင်းလှကုန်သော၊ ဒုဗ္ဗဏ္ဏေ
အဆင်းမလှကုန်သော၊ သုဂတေ ကောင်းသောလားရာရှိကုန်သော၊ ဒုဂ္ဂတေ မကောင်းသော
လားရာရှိကုန်သော၊ သတ္တေ သတ္တ၀ါတို့ကို၊ မြင်၏။ ယထာကမ္မုပဂေ ကံအား
လျော်စွာ ဖြစ်ကုန်သော၊ သတ္တေသတ္တ၀ါတို့ကို၊ ပဇာနာမိ သိ၏။ စသည်ဖြင့် ဆက်လက်၍
ဟောတော်မူထားပါသည်။
အခြားမြောက်များလှစွာသော ဒေသနာတော်တို့တွင်လည်း မကောင်းသော
အကုသိုလ်တို့ကို ကျူးလွန်သောသတ္တ၀ါများသည် မကောင်းသော အပါယ်လေးဘုံတွင်
ပဋိသန္ဓေနေရကြောင်း ကောင်းသောကုသိုလ်အမှုတို့ကို ပြုလုပ်သူများသည် ကောင်းသော
ချမ်သာသုခရှိသော ဘုံတို့၌ ပဋိသန္ဓေနေရသည့်အကြောင်းကို မြတ်စွာဘုရား ကိုယ်တော်
တိုင် အတိအလင်း ဟောထားသည်ကို တွေ့နိုင်ပါသည်။
ဤဇာတ်တော်များသည် အလွန်တရာ စိတ်ဝင်စားစရာကောင်းရုံတွင်မက
ဆိုက်ကော်လော်ဂျီခေါ် စိတ္တဗေဒတွေးအခေါ်ပညာ ရှုထောင့်မှကြည့်လျှင် အလွန်တန်ဖိုး
ရှိလှပေသော မြတ်စွာဘုရားနှင့် သာဝကများ၏ အတ္ထုပ္ပတ္တိဖြစ်တော်ပေါင်းတို့လည်း
ဖြစ်ပေသည်။ ထိုသာဝကကြီးများတွင် အချို့သည် အသိဉာဏ်ကိုရကြ၍ မိမိတို့၏
အတိတ်ဘ၀အချို့ကို ပြန်လည်ဟောပြောနိုင်သည်ကို တွေ့ရပါသည်။
ဤကံတရားနှင့်ပဋိသန္ဓေအကြောင်းကို ယခုလောက်အကျယ်ချဲ့ပြီး တင်ပြသည်
မှာ ဗုဒ္ဓတရားတော်၏ ဗဟိုချက်မဖြစ်သော ပဋိစ္စသမုပ္ပါဒ် ဒေသနာတော်တွင် အလွန်
အရေးပါသည့် ကွင်းဆက်များဖြစ်သော ဤကံတရားနှင့် ပဋိသန္ဓေအကြောင်းကို
ကောင်းကောင်းနားမလည်လျှင် ၃၁ ဘုံဆိုသည့် လောကစကြာဝဠာအကြောင်းကို
နားလည်မည်မဟုတ်ပါ၊ ကိလေသ၀ဋ်၊ ကမ္မ၀ဋ်၊ ၀ိပါက၀ဋ်ဆိုသည့် ၀ဋ်သုံးပါးကို
နားလည်မည်မဟုတ်ပါ။ ကမ္မသကတာ သမ်္ပာဒိဋ္ဌိဉာဏ်သို့ရောက်မည် ရမည်မဟုတ်ပါ၊
သက်္ကာယဒိဋ္ဌိပြုတ်မည်မဟုတ်ပါ၊ ၎င်းသက်္ကာယ ဒိဋ္ဌိပြုတ်ဖို့ အလွန်အရေးကြီးကြောင်း
အထက်ပိုင်းများတွင် ထပ်ကာထပ်ကာပြောခဲ့ပါပြီ၊ တစ်နေရာတွင် ၀ိသုဒ္ဓိမဂ်
အဋ္ဌကထာကို ကိုးကားကာ သက်္ကာယဒိဋ္ဌိမပြတ်လျှင် ဒုက္ခသစ္စာကို သိမည်မဟုတ်။
မဂ်ဖိုလ်နိဗ္ဗာန်တို့ကိုလည်း ရနိုင်ရောက်နိုင်မည် မဟုတ်ဟုလည်း ပြောခဲ့ပါပြီ။ အစပိုင်းတွင်
ပြောခဲ့သည့်အတိုင်း ဤစကားရပ်၏ ရည်ရွယ်ချက်မှာ မြတ်စွာဘုရား၏ မဂ်ဆိုက်
ဖိုလ်ဆိုက် နိဗ္ဗာန်ဆိုက် ပါဠိတော်အစစ်များဖြစ်သည့် ဓမ္မစကြာ သစ္စာလေးပါးတရားတော်
အနတ္တ လက္ခဏာသုတ်၊ မဟာသတိပဋ္ဌာန်နသုတ် အစရှိသည့် အဓိက ဒေသနာတော်
ကြီးများ၏ ပဏာမသရုပ်ဆောင်ကျမ်းဦး မှတ်ဖွယ် အဖြစ်တင်ပြရန်သာ ဖြစ်ပါသည်။
တင်ပြခဲ့သည့်အတိုင်း ကံဟုခေါ်သည့် ကာယကံမှု ၀စီကံမှု မနောကံမှု
စသည့်ကမ္မဘ၀ ပဋိသန္ဓေအကြောင်းတို့ကို ဗုဒ္ဓ၏ နာမရူပခန္ဓာ ကိုယ်ကျင့် အဘိဓမ္မာ
ဣဒိ်္ဓ၀ိဓ ဒိဗ္ဗစက္ခု ဒိဗ္ဗသောတ စေတောပရိယ ပုဗ္ဗေနိဝါသာ နုဿတိစသည့် လောကီ
အသိဉာဏ်များကို လည်းကောင်း သိပ္ပံပညာစိတ္တဗေဒ သုတေသန၏ နောက်ဆုံးတွေ့ရှိ
သည်ဆိုသော ပါရာဆိုက် ကော်လော်ဂျီ အီးအက်စ်ပီ တယ်လီပါသီ တယ်လီကနက်စစ်
စသည့် အသိထူး အမြင်ထူး အကြားထူး တန်ခိုးပြာဋိဟာအမျိုးမျိုး စိတ်ညှို့ပညာနှင့်
မှော်အတတ် နတ်ဝင်သည် စသည့်စိတ် ၀ိညာဉ်ဆိုင်ရာ ထူးထွေဆန်းပြားသည့် အံ့သြဖွယ်ရာ
ကုစားနည်း၊ ပြုစားနည်း၊ ဖမ်းစားနည်း၊ (၀ါ) မှော်အတတ်၊ ဂါထာမန္တရားအတတ်၊
စသည်များအကြောင်းကိုလည်းကောင်း သတင်းစာ မဂ္ဂဇင်းများ ကမ္ဘာ့သိပ္ပံသုတေသန
ပြန်တမ်းအစီအရင်ခံစာများကိုမှ ကောက်နှုတ်၍ အချို့ကို တင်ပြထားပါသည်။ ၎င်းတို့ကို
စဉ်းစားကြည့်လျှင် သိပ္ပံပညာ၏ စိတ္တဗေဒ သုတေသနအရ နောက်ဆုံးတွေ့ရှိထားသည်ဆို
သော ထူးဆန်းအံ့သြဖွယ်ရာများသည် လွန်ခဲ့သည့်နှစ်ပေါင်း ၁၅၀၀ ကျော်က
ဗုဒ္ဓဖေါ်ထုတ်ထားသော ကံတရားနှင့် ဇာတိပဋိသန္ဓေအခန်းတွင် ပါဝင်သည့် လောကီဈာန်
အဘိညာဉ်များကို အတည်ပြုထောက်ခံလေပြီဟု ဆိုရပါမည်။ ဗုဒ္ဓက ဤလောကီ
ဈာန်အဘိညာဉ်များနှင့် တစ်ပါတည်း ဟောကြားတော်မူခဲ့သော အာသ၀က္ခယ အဘိညာဉ်
ခေါ် လောကုတ္တရာ အဘိညာဉ်မျိုးကိုကား သိပ္ပံပညာက တွေ့ရှိပြီဟု မကြားရသေးပါ။
အချိန်ကြာလျှင်တော့ တွေ့ရှိကောင်း တွေ့ရှိလိမ့်မည်ဟု ယုံကြည်ပါသည်။
ကံ နှင့် ဇာတိပဋိသန္ဓေ ပြဿနာတွင် အကျွမ်းဝင်သည့်
ပဋိစ္စသမုပ္ပါဒ်ဒေသနာတော်နှင့် ယင်းအဖွင့်အကျဉ်းချုပ်
ဤကံတရားနှင့် ဇာတိပဋိသန္ဓေအကြောင်းကို အပြီးအပိုင်နိဂုံးမချုပ်မီ ပဋိစ္စ
သမုပ္ပါဒ်ဆိုသည့် ကြောင်းကျိုး နိယာမဓမ္မကို အနည်းငယ်ထက်လောင်း ဖြည့်စွက်
လိုပါသေးသည်။ ယင်းကိစ္စအား အထက်ပိုင်းများတွင် ဟိုတစသည်တစအမြွှက်မျှတင်ပြခဲ့သည်။
သည်လောက်နှင့် ပြည့်စုံလုံလောက်မည် မထင်ပါ။ သိရှိကြသည့်အတိုင်း ဤပဋိစ္စသမုပ္ပါဒ်
ဒေသနာသည်ကား အနတ္တဒေသနာကဲ့သို့ပင် ဗုဒ္ဓဓမ္မကို ပိုင်ပိုင်နိုင်နိုင် နားလည်လိုသူတို့
အတွက် မလေ့လာလျှင် မဖြစ်သည့် ဒေသနာဖြစ်ပါသည်။
ယင်းဒေသနာတော်သည်ကား အခြားအခြားသော ပြဿရပ်များအပြင် ဇာတိ
ပဋိသန္ဓေနှင့် ဒုက္ခတို့ဖြစ်ပေါ်လာပုံကို ပညတ်အားဖြင့် ပုဂိ်္ဂလ်၊ သတ္တ၀ါ၊ လူ၊ နတ်၊
တိရစ္ဆာန်ဆိုသည့် သင်္ခါရဓမ္မအစဉ်တို့သည် အတိတ်အကြောင်းများကြောင့် ဖြစ်
ကြောင်းကို အထူးရှင်းပြထားပါသည်။
ဒုက္ခတရားတို့၏ ဖြစ်ပေါ်ခြင်း အကြောင်းတရားများကို စွန့်ပယ်လျှင်
၎င်းဒုက္ခတရားအားလုံး ချုပ်ငြိမ်းမည်ဟု ရှင်းပြထားပါသည်။
ဤကမ္ဘာလောကကြီးသည် ကနဦးအစရုပ်မှ တစ်ဆင့်တစ်ဆင့် တိုးတက်ကြီးပွား
ထွန်းကားလာသည်ဟုလည်း ပဋိစ္စသမုပ္ပါဒ် ဒေသနာတော်တွင် ဟောထားခြင်းမရှိပါ။ (၀ါ)
သတ္တ၀ါအစဆိုသည်ကို မဟောပါ။
ပဋိစ္စသမုပ္ပါဒ်တည်းဟူသော အကြောင်းအကျိုးဆက် စက်ဝိုင်းတွင် အင်္ဂါ
၁၂ ပါးရှိ၏၊ ဒုက္ခဆိုသည့် ၀ိပါက၀ဋ် ဇာတိ ပဋိသန္ဓေဖြစ်ပေါ်လာပုံ တစ်ဘ၀မှ
တစ်ဘ၀သို့ ကူးပြောင်းပုံ တစ်ခဏမှ တစ်ခဏအာရုံသို့ ဆက်၍သွားပုံ အလုံးစုံသည်
အောက်ပါနည်းအတိုင်း ဖြစ်ပါသည်။
အ၀ိဇ္ဇာ ပစ္စယာ သင်္ခါရာ သစ္စာအမှန်တရားကို မသိခြင်းကြောင့် ပြောင်းလဲ
ဖေါက်ပြန်တတ်သောစိတ်၊ ဝေဒနာသညာမှကင်းသော စေတသိက် ၅၀ ဟူသော
သင်္ခါရသည် ဖြစ်၏။
သင်္ခါရ ပစ္စယာ ၀ိညာဏ်။ သင်္ခါရကြောင့် ၀ိညာဉ်ဟုဆိုအပ်သော စိတ်တစ်ခု
ရုပ်ကိုးဆယ် (စိတ် ၈၉) ဖြစ်ပေါ်လာ၏။
ဝိညာဏ ပစ္စယာ နာမ ရူပံ။ ၀ိညာဏ်ကြောင့် ဝေဒနာသညာပါသော စေတသိက်
၅၂ တည်းဟူသော နာမ်နှင့် ၂၈ ပါးသောရုပ်သည် ဖြစ်ပေါ်၏။
နာမရူပ ပစ္စယာ သဠာယတနံ။ နာမ်ရုပ်ကြောင့် ခံစားအပ် ခံစားတတ်သော
သဠာ ယတန ခြောက်ပါး ဖြစ်ပေါ်လာ၏။
သဠာယတနပစ္စယာ ဖေဿာ သဠာယတနကြောင့် အာရုံကို တွေ့ထိမှု့ ဖဿသည်
ဖြစ်ပေါ်လာ၏။
ဖဿပစ္စယာ ဝေဒနာ ဖဿကြောင့် အာရုံကို ခံစားမှုဝေဒနာဖြစ်ပေါ်၏။
ဝေဒနာပစ္စယာတဏှာ ဝေဒနာကြောင့် တပ်မက်ခြင်း လောဘတဏှာသည်
ဖြစ်ပေါ်၏။
တဏှာပစ္စယာ ဥပါဒါနံ တဏှာကြောင့် အရင့်စားဥပါဒါန်ဖြစ်ပေါ်၏။
ဥပါဒါနပစ္စယာ ဘ၀ဝေါ ဥပါဒါန်ကြောင့် ဘ၀သည်ဖြစ်ပေါ်၏။
ဘ၀ပစ္စယာဇာတိ ဘ၀ကြောင့် ပဋိသန္ဓေနေရခြင်း ရုပ်၏ဇာတိ နာမ်၏ဇာတိ
သည် ဖြစ်ပေါ်၏။
ဇာတိပစ္စယာ ဇာတိကြောင့် ဇရာ၊ အိုခြင်း၊ မရဏ၊ သေခြင်း၊ သောက၊ စိုးရိမ်ပူဆွေးခြင်း
ပရိဒေ၀၊ ငိုကြွေးခြင်း၊ ဒုက္ခ ကိုယ်ဆင်းရဲခြင်း၊ ဒေါမနဿ စိတ်ဆင်းရဲခြင်း ဥပါယာသ ပြင်းစွာ
ပင်ပန်းခြင်းတို့ ဖြစ်ပေါ်၏။
ဤနည်းအားဖြင့် ပထမအင်္ဂါနှစ်ပါးကိုအတိတ်မှပြုခဲ့သော အတိတ်အကြောင်း
များ၊ ၀ိညာဏမှ ဘ၀အထိ နောက် အင်္ဂါရှစ်ပါးကို မျက်မှောက် ပစ္စုပ္ပန်၊ ဇာတိ၊ ဇရာ၊
မရဏနှင့် ၎င်းတို့၏ အကျိုးဆက်တို့ကို အနာဂတ်တွင်သက်ရောက်၏ဟု အကြောင်း
တစ်ခုတည်းကို သုံးစုခွဲ၍ ကြည့်ရန်လို၏။ အလုံးစုံသော ဤပဋိစ္စသမုပ္ပါဒ် တရားသည်
ခဏတိုင်းတွင် အစဉ်မပြတ် ဖြစ်နေခြင်းကိုမှတ်အပ်၏။
အနာဂါတ်ကာလတွင် အစဉ်အတိုင်းဖြစ်ပျက်မည့်ဇာတိနှင့် ဇရာ၊ မရဏတို့သည်
ယခင် အတိတ်ကလည်း ဖြစ်ခဲ့၏။ ဖြစ်ဆဲပစ္စုပ္ပန်ဖြစ်သော အတိတ်အဓွန်တွင်လည်း ဖြစ်ပျက်
နေ၏။ အ၀ိဇ်္စာနှင့် သင်္ခါရတို့မှာ ထိုနည်းအတိုင်းပင်။ တစ်နည်းအားဖြင့်ဆိုသော်
ပဋိစ္စသမုပ္ပါဒ်သည် အဓွန့် (ကာလ)သုံးပါးခွဲခြား၍ အကြောင်းအကျိုးဖြစ်ပေါ်နေ
သည်ကိုပြဆို၏။ ထိုအကြောင်းတရားတို့သည် မျက်မှောက်ပစ္စက္ခဘ၀တွင်ပင်
တစ်ခဏတိုင်း တစ်ခဏတိုင်း ဖြစ်ပျက်နေသည်ကို ပြဆိုပေသည်။ ထိုသဘောတရားကို
နားလည်စေရန် သက်ဆိုင်ရာ ပါဠိအခေါ်အဝေါ်များ၏ အဓိပ္ပာယ်ကို အသေအချာ
သတ္တုချ၍ ကြည့်ရန်လို၏။
ဗုဒ္ဓအဘိဓမ္မာအရ ဇာတိပဋိသန္ဓေနှင့် မရဏတည်းဟူသော ဖြစ်ခြင်းပျက်ခြင်း
တို့သည် စိတ္တက္ခဖြစ်လိုက် ပျက်လိုက်နေသည်ကိုလိုက်၍ အဆက်မပြတ် အစဉ်အတိုင်း
ဖြစ်ပေါ် ရွေ့လျောစီးဆင်းနေသော ရေအလျဉ်ကဲ့သို့ ဖြစ်၏။
ဤတွင်အတိတ် ပစ္စုပ္ပန် အနာဂတ်ကာလဘ၀များကို ပိုင်းခြားအပ်သော
ကံ၏သဘောတရားကို နားလည်နိုင်စေရန် အကြောင်းတစ်ခုတည်းကို သုံးဌာန ခွဲထား
ချက်ကို အခြေခံရပေသည်။ သို့ဖြင့် အတိတ် ကမ္မဘ၀ အတိတ်အကြောင်းအကျိုး
ဆက်ဟုခေါ်သော အ၀ိဇ္ဇာနှင့် သင်္ခါရ အင်္ဂါနှစ်ပါးကို တွေ့ရ၏။ ဤအကျိုးဆက်သည်
ရှေးအတိတ်ကာလက အ၀ိဇ္ဇာအစွမ်းဖြင့်ပြုခဲ့သဖြင့် ယခုမျက်မှောက် ပစ္စုပ္ပန်တွင်
လည်းကောင်း နောင်အနာဂတ်များတွင်လည်းကောင်း၊ အကျိုးဆက်ဖြစ်ပေါ်ရမည့်
အားထုတ်မှုအစုအပေါင်းဖြစ်၏။ ထိုအားထုတ်မှုအကြောင်းဆက်တို့သည် သီးပွင့်၍
အကျိုးပေးသည်ရှိသော် ပစ္စုပ္ပန်ဝိပါကဘ၀၊ ပစ္စုပ္ပန်အကျိုးဆက်ဟု ခေါ်၏။ ထိုအကျိုး
ဆက်တို့သည် ၀ိညာဏမှ ဝေဒနာအထိ အလယ် ငါးအင်္ဂါတို့ကို ပျိုးထောင်ပေး၏။
အဓိပ္ပာယ်မှာ ပစ္စုပ္ပန်အဓွန့်တွင်ပါဝင်သော ၀ိညာဉ်၊ နာမ်ရုပ်၊ သဠာယတန၊ ဖဿ၊
ဝေဒနာတို့ ပေါ်ပေါက်ခြင်း အကြင်အကြင်ကဲ့သို့ ဖြစ်ခြင်းတို့သည် အတိတ်က
ယင်းကဲ့သို့ဖြစ်အောင် စေတနာဖြင့် လုံ့လပြုခဲ့ခြင်းကြောင့် ဖြစ်ပါသည်။ အကယ်၍ အတိတ်
စေတနာတို့သည် ကောင်းမွန်ခဲ့ပါမူ၊ ထိုမှဖြစ်ပေါ်သော အင်္ဂါတို့သည်လည်း
ကောင်းရပေမည်။ ဆိုးခဲ့ပါမူ အကျိုးဆက်တို့သည်လည်း ဆိုးမည်သာဖြစ်ပေမည်။ ထို့ကြောင့်
သတ္တ၀ါတို့တွင် ကိုယ်ရောစိတ်ပါ ပကတိကပင်ကွဲပြားခြားနားကြ၏။ အချို့က ကျန်းမာ
၏။ အချို့က အနာရောဂါထူပြော၏။ အချို့က ချမ်းသာကြွယ်ဝ၏။ အချို့က ဆင်းရဲ
မွဲတေ၏။ ယင်းကဲ့သို့ ပစ္စုပ္ပန်အခြင်းအရာတို့ကို အတိတ်အကြောင်းက ပြဋ္ဌာန်းသည်ဟု
ဆိုသော်လည်း တထစ်ချမလွဲဧကန်ဖြစ်ရမည်ဟု မဆိုပါ။ တဏှာမှ ဘ၀အထိ အလယ်
အဓွန့်တွင်ကျန်ရှိသော အင်္ဂါတို့မှာပြုပြင်ပေးနိုင်သော အကြောင်းအရာများသာဖြစ်၏။
ထို့ကြောင့် ၎င်းသုံးအင်္ဂါကို ပစ္စုပ္ပန်အကျိုးဆက်ဖြစ်သော ပစ္စုပ္ပန် ကမ္မဘ၀ အပိုင်း
တွင်ပြထား၏။ ပထမပိုင်းမှ အတိတ်ကမ္မဘ၀နှင့် သဏ္ဍာန်တူ၏။ စေတနာလုံ့လ
(ကမ္မ)ဖြင့် အကြောင်းကျိုးဆက်တို့ကို တစ်မျိုးတစ်ဖုံပြောင်းလဲအောင်လည်း ပြုနိုင်၏။
ပဌမပိုင်း၌ သတ္တ၀ါတို့၏ အာရုံကို တွေဝေစေသော အ၀ိဇ္ဇာ စတင်သကဲ့သို့ ဤအပိုင်း
တွင် တပ်မက်ခြင်းဟူသော တဏှာစတင်သည်ကိုတွေ့ရ၏။ သဘောသဘာဝချင်း
တိုက်ဆိုင်သော ထိုအင်္ဂါနှစ်ပါးသည် မိမိတို့သက်ဆိုင်ရာတွင် ရှေးဆုံးမူလအစမှာရှိ
ကြ၏။ အဆိုပါအဓွန့်နှစ်ခုမှာလည်း စေတနာလုံ့လတို့၏ ကျက်စားရာဖြစ်သဖြင့်
ယင်းတဏှာနှင့် အ၀ိဇ္ဇာနှစ်ပါးကို အမြစ်ကပါ သုတ်သင်နိုင်၏။ တဏှာလောဘကို
သုတ်သင်လိုက်လျှင် အ၀ိဇ္ဇာသည်လည်း အလိုအလျောက် သုတ်သင်ပြီးသားဖြစ်နိုင်၏။
အနာဂတ်သို့မဟုတ် တတိယ အဓွန့်တွင်ပြသော ဇာတိ၊ ဇရာ၊ မရဏအစရှိ
သည်တို့သည် အနာဂတ်ဝိပါကဘ၀တွင်ပြုသဖြင့် ဖြစ်မည့်အကျိုးများဖြစ်၏။ ဤအနာဂတ်
ဝိပါက်သည် ဒုတိယအဓွန့် ပစ္စုပ္ပန်ဝိပါက်နှင့် တူပြန်သဖြင့် ပဋိစ္စသမုပ္ပါဒ်တစ်ခုလုံးတွင်
အတိတ်ပစ္စုပ္ပန်ကမ္မဘ၀ဟူ၍ နှစ်မျိုး၊ ပစ္စုပ္ပန်အနာဂတ်ဝိပါကဘ၀ ဟူ၍ နှစ်မျိုးသာရှိပေသည်။
အနာဂတ်ဝိပါကဘ၀သည် ပစ္စက္ခစေတနာလုံ့လတို့က ရည်မှန်းသော အနာဂတ်
အခြေအနေပန်းတိုင်ကိုဆို၏။ ဤပန်းတိုင်သည် လောကလို့ခေါ်သည့် ၃၁- ဘုံအနက်
တစ်ဘုံဘုံဖြစ်နိုင်၏။ ဇီဝခေါ် အသက်လိပ်ပြာသည် မရှိသဖြင့် လူ၏လိပ်ပြာသည်
လည်းကောင်း၊ ဂုဏ်အခြင်းအရာသည်လည်းကောင်း အခြားလူနတ်တိရစ္ဆာန်၏
ကိုယ်တွင်းသို့ ပြောင်းဝင်သွားသည်ဟု မဆိုနိုင်ချေ။ ပုပုရွရွမြင်ရသမျှသတ္တ၀ါတို့သည်
ကံ၏ သရုပ်ဖေါ်မှုများသာဖြစ်ကြ၏။ တခြားမဟုတ်ပေ။ ထို့ကြောင့် လူတစ်ယောက်
သည် လောဘ၊ ဒေါသ၊ မောဟ အစွမ်းဖြင့်ပြုသော မကောင်းမှု(ကံ) များကြောင့်
တိရစ္ဆာန်ဘ၀တွင် ပဋိသန္ဓေယူနိုင်ပေသည်။ ဤနေရာတွင် ဘ၀ကူးပြောင်းသွားသည်(၀ါ)
လူသေပြီးတိရစ္ဆာန်ဘ၀သို့ရောက်သွားသည်ကို ဆိုသော အယူအဆတွေးအခေါ်နှင့်
လုံးလုံးကွဲပြားခြားနားသည်ကို သတိပြုဖို့ လိုပါသည်။ လူတစ်ယောက်သည် တိရစ္ဆာန်သော်
လည်းကောင်း နတ်သော်လည်းကောင်း ဖြစ်သွားသည်ဟု ဆိုခြင်းသည် ယေဘုယျအားဖြင့်
ပြောဆိုခြင်းသာဖြစ်၏။ စင်စစ်မှာ အသက်ကြီးပြင်းလာသော လူတစ်ယောက်တွင်
ငယ်စဉ်ကလေးကပင် ပြုပြင်စီရင်နေသော အကြောင်းအကျိုးတရားတို့သည် ရှိသကဲ့သို့
ရှေးယခင်ဘ၀နှင့် တစ်ဆက်တည်းဖြစ်သော အကြောင်းအကျိုးတို့ ကျေးဇူးပြုသည့် အသစ်
ရုပ်နာမ်နှစ်ပါးစုံ ဖြစ်ပေါ်လာခြင်းဖြစ်၏။ ယေဘူယျအားဖြင့် အသက်ကြီးပြင်းလာသော
လူတစ်ယောက်သည် ကလေးဘ၀က အမည်ကိုပင် ခံယူလျက်ရှိသော်လည်း စီးဆင်း
နေသော မြစ်ရေအလျင်ကဲ့သို့၊ တစ်ချိန်နှင့်တစ်ချိန်တွင် မည်သို့မျှတူသည် မရှိချေ။
သို့စင်လျက် ပုံသဏ္ဍန်တစ်ခုကို အမြဲမပြတ်လိုက်၍ ဖြစ်ပေါ်နေသဖြင့် ပုံသဏ္ဍာန်တစ်ခု အမြဲ
မပြတ်ပေါ်နေသော မြစ်ရေအလျင်ကဲ့သို့၊ ဘ၀စိတ်ခေါ် ဘ၀ရေစီးကြောင်း သာလျှင်ဖြစ်၏။
ထို့ကြောင့် ခန္ဓာငါးပါးဟုဆိုအပ်သော သတ္တ၀ါတစ်ဦးသည် စင်စစ်အားဖြင့်ကမ္မ
နှင့် ၀ိပါက်တရားတို့ကို သရုပ်ဖေါ်ပြခြင်းသာဖြစ်၏။ ပဋိစ္စသမုပ္ပါဒ်ကို အင်္ဂါတစ်ခုစီအစဉ်
လိုက်သရုပ်မဖေါ်ဘဲ တစ်ပေါင်းတည်း တစ်ခုတည်းကဲ့သို့ စဉ်းစားကြည့်လျှင် အ၀ိဇ္ဇာခေါ်
စေတသိက်က စတင်ဖြစ်ပေါ်၏။ သတ္တ၀ါတို့၏ ဖြစ်စဉ်ကို ဘ၀ဟုပြ၏။ လူမှတစ်ပါး
အခြားသော သတ္တ၀ါအမျိုးအနွယ်တို့၏ မူလအကြောင်းအရင်းကိုပါ ရှင်းလင်းဖေါ်ပြ၏။
ပထမအင်္ဂါနှစ်ပါးဖြစ်သော အ၀ိဇ္ဇာနှင့် သင်္ခါရတို့သည် အကျိုးပေးအံ့သော
အတိတ်က ဖြစ်သည့် အတိတ်ကမ္မဘ၀အဖြစ် ပေါင်းစပ်ထားသည့် ရှေးကပြုခဲ့သော
အကြောင်းတရားတို့ဖြစ်၏။ သင်္ခါရမှ ငါဟူ၍ သိခြင်းတည်းဟူသော အသိဉာဏ်
ဝိညာဏဖြစ်ပေါ်လာ၏။ ဤငါဟူ၍သိသောစိတ်စေ့ဆော်မှုတို့သည် ရုပ်ဝတ္ထုနှင့်
ပစ္စည်းနှီးနှောဆက်စပ်လိုက်သောအခါ ဥပါဒါန်၏အာရုံငါးပါးဖြစ်သော လောကီစိတ်၌
ယှဉ်သည့် ရုပ်အဋ္ဌ၀ီသ၊ သညာ မှတ်သားခြင်း၊ ဝေဒနာခံစားခြင်း၊ သင်္ခါရ
စေတသိက်ငါးဆယ်၊ ၀ိညာဏသိခြင်းတို့ဖြင့် ဖွဲ့အပ်သော နာမ်-ရုပ်ဖြစ်ပေါ်လာ၏။
သင်္ခါရမှ ၀ိညာဏဖြစ်ပေါ်လာခြင်းသည် ဘ၀သစ်တစ်ခုစခြင်းတည်းဟူသော ပဋိသန္ဓေအသစ်
တည်ခြင်းနှင့် အမိဝမ်းမှ ထွက်ပေါ်လာခြင်းကိုပြ၏။ ဤအသစ်ဖြစ်သော ရုပ်-နာမ်
အစုအဝေးတွင် အာရုံများကို ခံစားအပ်သော အာယတန ခြောက်ပါး (သဠာယတန)
ပါရှိ၏။ ယင်းခြောက်ပါးတို့ဖြင့် မိမိ၏ ပတ်ဝန်းကျင်တို့ကို တွေ့ဆုံနှီးနှောရာ ဖဿ
သည်ဖြစ်၏။ ဖဿမှ တစ်ဖန် ခံစားမှုဝေဒနာသည် ဖြစ်ပေါ်ပြန်၏။
ဝိညာဉ် နာမ်-ရုပ်၊ သဠာယတန၊ ဖဿ၊ ဝေဒနာအစုအဝေးသည် အတိတ်ကံ၏
အကျိုးအဖြစ်၊ မျက်မှောက်အကောင်အထည် အထင်အရှားဖြစ်ပေါ်နေသော ပစ္စုပ္ပန်
ဝိပါက်ဘ၀ဟုခေါ်၏။ ဤဘ၀သစ်အခြင်းအရာတို့ကို ရှေးကပြုခဲ့သော ကောင်းမှုဆိုးမှု
တို့က ပြုပြင်စီရင်၏။ တစ်နည်းအားဖြင့် ကိုယ်ခန္ဓာအထည်ဒြပ်ပုံသဏ္ဍာန်နှင့် စိတ်အမူအရာ
တို့ကို ရှေးကပြုခဲ့သောစေတနာက (အပြုအမူ) တို့ကကြိုတင်ပြဋ္ဌာန်း၏။ သို့သော်
အနာဂတ်တွင် မည်သို့မည်ပုံဖြစ်မည်မှာ ပစ္စက္ခအပြုအမူ(၀ါ) စေတနာကံတွင်တည်၏။
အာရုံခံစားမှုမှ အမြင်အကြား၊ အနံ့၊ အရသာ၊ အတွေ့၊ အသိတို့ကိုတပ်မက်ခြင်းတဏှာ
ထိုတဏှာမှ တစ်ဖန် စွဲလမ်းခြင်းဥပါဒါန်၊ ထိုမှတစ်ဖန်ဘ၀ကို စွဲလမ်းမှု၊ အာရုံတို့ကို
စွဲလမ်းမှုတို့ကို ဖြစ်စေပြန်၏။ ဥပါဒါန်၏ အကျိုးဆက်မှာ ဘ၀ဖြစ်၏။ ဘ၀ဆိုသည်မှာ
အာရုံတွင်မထင်ဘဲ အကြောင်းအကျိုးသဘောဖြင့် အစဉ်အပြတ်မရပ်မနားမီးလျှံ
ရေအလျဉ်ကဲ့သို့ အကြောင်းခြင်းရာ လက္ခဏာတို့၏ တစ်ဆက်တည်းဖြစ်နေသည်ကိုဆို၏။
ဤတဏှာ ဥပါဒါန်နှင့် ဘ၀သုံးရပ်တို့သည် မျက်မှောက်ပစ္စက္ခတွင်ဖြစ်ပေါ်သော
စေတနာလုံ့လ(ကံ) များဖြစ်ကာ အတိတ်ကမ္မဘ၀နှင့် အလားတူသော ပစ္စုပ္ပန်ကမ္မဘ၀
တွင် ပါဝင်၏။
ဤသို့အားဖြင့် ၀ိညာဏမှ ဘ၀အထိအင်္ဂါငါးပါးဖြစ်သော မျက်မှောက်ဘ၀ကို
အတိတ်ကံကြောင့်ဖြစ်ပေါ်သော အကျိုးတရားများနှင့် ထိုအကျိုးတရားများ၏
လှုံ့ဆော်မှုဖြင့် အသစ်ဖန်တီးသောအကြောင်းများဟူ၍ ခွဲခြား၏။ သဘောမှာ၊ သ၀ိညာဏက
သတ္တ၀ါတစ်ဦး၏ လက်ရှိတွေ့ကြုံဆုံဆည်းနေသော အကြောင်းအရာတို့သည် အကြောင်း
ကြောင့် အကျိုးအဖြစ် ပြဋ္ဌာန်းထား၏။ သို့သော် ထိုအကြောင်းခြင်းရာတို့ပေါ်တွင် သူ၏
သဘောထားသည် ဥပမာအားဖြင့် မည်သို့မည်ပုံပြုမူသည်၊ အ၀ိဇ္ဇာလွှမ်းမိုးသဖြင့်
မကောင်းမှုပြုမူသည် သို့မဟုတ် အ၀ိဇ္ဇာကို ပယ်၍ ကောင်းရာပြုမူသည်ဆိုခြင်းတို့မှာ
သူ၏ သဘောအတိုင်းလွတ်လပ်စွာပြုနိုင်၏။ ယင်းသို့ပြုမူခြင်းဖြင့်လည်း မိမိ၏
အနာဂတ်ကောင်းကျိုးချမ်းသာကိုသော်လည်းကောင်း၊ ဆင်းရဲဒုက္ခကိုသော်လည်းကောင်း၊
ဖန်တီးနိုင်လေသည်။ ဆင်းရဲချို့တဲ့ခြင်း၊ သို့မဟုတ် ကြွယ်ဝချမ်းသာခြင်း၊ ကျန်းမာခြင်း
သို့မဟုတ် ဖျားနာခြင်း၊ ဉာဏ်ထက်ခြင်း သို့မဟုတ် ဉာဏ်ထိုင်းခြင်းစသော အသစ်ဘ၀
အရည်အချင်းတို့သည် ရှေးဘ၀စေတနာလုံ့လတို့က ကြိုတင်ပြဋ္ဌာန်းလိုက်ခြင်းဖြစ်၏။
သို့သော် ယင်းကဲ့သို့ဖြစ်သည့်အပေါ်တွင် မည်သို့သဘော ထားရမည်ကိုကား မပြဋ္ဌာန်း
လိုက်ပေ။ ထို့ကြောင့် မျက်မှောက်ဆင်းရဲနွမ်းပါးနေခြင်းကို နောက်ဘ၀တွင်ချမ်းသာ
ကြွယ်ဝအောင် ပြုပြင်နိုင်၏။ (မျက်မှောက်ဘ၀တွင်ပင် အတိတ်ကံ၏ ကောင်းကျိုးကို
ခံစားခွင့်ရရှိနိုင်အောင် ကိုယ်နှုတ်နှလုံး ကောင်းစွာ ဆောက်တည်ခြင်းဖြင့်လည်း ရနိုင်ပေ
၏။) ရောဂါနှိပ်စက်သောသူမှာ သူတစ်ပါး၏ ကျန်းမာချမ်းသာမှုကို ဆောင်ရွက်ကာ
ပြောင်းလဲပြုပြင်နိုင်၏။ လုံ့လ၀ိရိယကို အားထုတ်လျှင် ဉာဏ်ထိုင်းနေသူသည်
နောင်ကာလတွင်ဉာဏ်ထက်မြက်လာနိုင်၏။ ဤနည်းအားဖြင့် ကံ၏သဘောတရားသည်
အကြောင်းအကျိုး ပြဋ္ဌာန်းပုံသဘောကို စနစ်တကျ တသွေမတိမ်းလိုက်လျက်ရှိ၏။
အင်္ဂါ ၁၂- ပါးအနက် နောက်ဆုံးအင်္ဂါ ၂ ပါးမှာ ဇာတိပဋိသန္ဓေနေခြင်းနှင့်
ဇရာမရဏ၊ အိုခြင်း၊ သေခြင်းကိုဖြစ်၏။ ပထမအင်္ဂါနှစ်ရပ်တို့သည် အတိတ်ဘ၀ကို
ပြသကဲ့သို့ နောက်ဆုံး အင်္ဂါ ၂ ရပ်တို့သည်အနာဂတ်ကာလကို အကျဉ်းဖေါ်ပြ၏။
အနာဂတ်လက္ခဏာဖြစ်သော ဇာတိနှင့် ဇရာမရဏတို့သည် အားလုံးသောသတ္တ၀ါတို့တွင်
အစရှိလျှင် အဆုံးရှိမည်ဖြစ်၍ ပဋိသန္ဓေတစ်ဖန်နေသော သတ္တ၀ါအားလုံးနှင့် သက်ဆိုင်သော
ကြောင့် ရှေးကစေတနာကံ လုံ့လ၏အကျိုးဆက် မျက်မှောက်ကံ၏ အကျိုးပေးဖြစ်မည့်
အနာဂတ်ဖြစ်စဉ်ဟူသော အနာဂတ်ဝိပါက်ဘ၀ဟု ခေါ်ဆိုရ၏။
ဤသို့ဖြင့် အကြောင်းအကျိုးဖြစ်စဉ်တို့သည် အတိတ်ပစ္စုပ္ပန်အနာဂတ်
အဓွန့်သုံးပါးလုံးတွင် တစ်ဆက်တည်း အကျုံးဝင်၏။ ဖြစ်ပုံဖြစ်နည်းဟူသော အလွှာလေး
ရပ်ခွဲခြားထား၏။ နှစ်ရပ်မှာပြုနည်း(ကမ္မ) နှင့်ကျန်နှစ်ရပ်မှာ အကျိုးဖြစ်ခြင်း (၀ိပါက)
ဖြစ်၏။ အတိတ် (အ၀ိဇ္ဇာနှင့် သင်္ခါရ) နှင့် အနာဂတ်(ဇာတိဇရာမရဏ)တို့မှာ အကျဉ်းမျှ
သာဖြစ်သည်ကို သိရပေမည်။ ၎င်းတို့တွင် ၀ိညာဏမှ ဘ၀အထိ အခြားအခြင်းအရာ
များလည်း ပါဝင်သေး၏။ ဤဖြစ်စဉ်သည် စက်ဝန်းသဖွယ်လှည့်လည်ကာ ၎င်းအတွင်း
တွင် အားလုံးသော အင်္ဂါရပ်တို့သည် အကြောင်းအားလျော်စွာ ပါဝင်ကြ၏။ အချို့မှာ
ဧကန်မုချပါရ၏။ ဤသို့ဖြင့် အ၀ိဇ္ဇာသည် သင်္ခါရကဲ့သို့ မဂ်ဘ၀စက်တွင် အစဉ်တစ်စိုက်
ပါဝင်၏။ အကြောင်းအကျိုးနှစ်ပါး စုံမပြတ်ဖြစ်ပွားနေသော (၀ါ) ဖြစ်ဆဲအခိုက်အတန့်
တွင် (ဇာတိ) ဖြစ်ပေါ်နေခြင်းနှင့် (ဇရာမရဏ) ယိုယွင်းပျက်စီးခြင်းတို့သည် မရပ်မနား
ဖြစ်ပေါ်နေသဖြင့် ဇာတိနှင့် ဇရာမရဏတို့သည်လည်း အဓွန့်တိုင်းပါဝင်၏။ အာရုံတွင်
ထင်သည်ဖြစ်စေ မထင်သည်ဖြစ်စေ အမြဲလုံ့လ ပြုနေသည်ဟူသော ဗုဒ္ဓအဘိဓမ္မာအရ
တသွင်သွင်ဖြင့် ဆင်ခြင်စဉ်းစား၍မရနိုင်အောင် စိတ်နှင့် ရုပ်ဝတ္ထုတို့၏ ဥပါဒ် ဋ္ဌီ ဘင်
သဘော လျင်စွာဖြစ်ပေါ်ယိုယွင်းပျက်စီးနေခြင်းဖြစ်၏။
ထို့ကြောင့်လူ၏ အကျင့်စာရိတ္တဂုဏ်အရည်အခြင်း စသည်တို့သည်
ရုပ်ဝတ္ထု (၀ါ) ကာလလရေကြည်စသည့် ရုပ်ဝတ္ထုအကြောင်းတို့ကြောင့်သာ ဖြစ်ပေါ်လာရ
ခြင်းလည်းမဟုတ်။ အခြားပတ်ဝန်းကျင်အကြောင်းအရာများကသာ စီရင်ဖန်တီးပေးရသည်
လည်းမဟုတ်။ အတိတ်ကပြုခဲ့သော မိမိ၏ ကာယကံမှု ၀စီကံမှု၊ မနောကံမှုဆိုသည့်
သင်္ခါရဓမ္မဇောစိတ် စေတနာကံအဟုန်တို့ကြောင့်သာဖြစ်၏။ ဤသဘောထား အယူအဆ
ဖြင့်လည်း လူတို့၏ အချင်းချင်း တစ်ဦးနှင့်တစ်ဦး အထူးထူးအပြားပြားခြားနားရပုံ
အကြောင်းကို ရှင်းလင်းပေးနိုင်ပေ၏။ ဤနည်းသည် သာမန်မိဘများမှ ထူးချွန်သော
သားသမီးများကို ပေါက်ဖွားခြင်း ရိုးသားဖြောင့်မတ်၍ လုံ့လရှိသော လူတစ်ယောက်သည်
မရိုးသား အကုသိုလ်ဒုစရိုက်ဖြင့် အသက်မွေးသောမိသားစုတွင် ပါရှိလာခြင်း သို့မဟုတ်
အလွန်သိမ်နုပ်သော အဆင့်အတန်းမှ နောက်ပိုင်းတွင် ကြီးပွားထွန်းကားကျော်ကြား
လာသောလူ အစတွင် ကြီးပွားချမ်းသာပါလျက် အဆုံးတွင် ပျက်စီးရသောလူ
စသည့် ပြဿနာရပ်တို့ကို ရှင်းလင်းစေမည်ဖြစ်ပါသည်။
ဤကိစ္စနှင့်ပတ်သတ်၍ ဗုဒ္ဓဓမ္မသည် မျိုးရိုးဗီဇကို လစ်လျူမပြုပါ။ အကယ်၍
လူတစ်ယောက်သည် စုတိစိတ်ကျခါနီး၌ အာရုံအသေအချာ တစ်စုံတစ်ခုသည် အလွန်
ထက်သန်နေလျှင် သဏ္ဍာန်အားဖြင့်လည်းကောင်း၊ စိတ်ဓါတ်အားဖြင့်လည်းကောင်း
အခြင်းအရာ လက္ခဏာတူမျှကြ၍ ထိုအာရုံကို ပျိုးထောင်စည်ပင်ခွင့်ရမည့် မိသားစုတွင်
ပဋိသန္ဓေနေကြောင်း ခိုင်မာလုံလောက်သောသက်သေခံ အထောက်အထားများရှိပါသည်။
သိပ္ပံပညာရပ်တစ်ခုခုကိုသော်လည်းကောင်း၊ ၀ိဇ္ဇာပညာရပ်တစ်ခုခုကိုသော်လည်းကောင်း
ဝါသနာအထုံဖြစ်လာသည့်တိုင်အောင် လေ့လာဆည်းပူးခဲ့သောလူတစ်ယောက်သည်
ထိုဝါသနာအထုံမျိုးရှိသော မိသားစုတွင် ပဋိသန္ဓေနေတတ်၏။ ကလေးကပင် ပန်တျာ
(ဂီတ) သဘင်ပညာကို တတ်မြောက်၍ ကျော်စောထင်ရှားလာသူသည် (ဂီတသဘင်)
ပန်တျာပညာကို တတ်မြောက်သောမိသားစုမှ မွေးဖွားလာသည်ကိုတွေ့ရ၏။ (ဂီတ)
ပန်တျာသဘင်နယ်တွင် ဤကိစ္စမျိုး ပိုမိုများပြား၏။ ၀ါသနာထုံလျှင် (ဂီတ) ပန်တျာ
သဘင် ၀ါသနာသည် အခြားသော သိပ္ပံပညာဝါသနာတို့ထက်အားကောင်း၏။
ဝါသနာအထုံဆိုသည်မှာ သက်ဆိုင်ရာသင်္ခါရဓါတ်တွေ တစ်ခဏမှတစ်ခဏသို့၊ တစ်
စက်္ကန့်မှတစ်စက်္ကန့်သို့၊ တစ်မိနစ်မှတစ်မိနစ်သို့၊ တစ်နာရီမှတစ်နာရီသို့၊ တစ်ရက်မှ
တစ်ရက်သို့၊ တစ်လမှတစ်လသို့၊ တစ်နှစ်မှ တစ်နှစ်သို့၊ တစ်ဘ၀မှ တစ်ဘ၀သို့၊
အာသေ၀နပစ္စယသတ္တိဖြင့်တိုးပွားရင့်သန်လာခြင်းဖြစ်၏။
နာမ်နှင့် ရုပ်အချင်းချင်းကျေးဇူးပြုပုံနှင့် မျိုးရိုးဗီဇကြောင်းကျိုးဆက်ဖြင့်
ပဋိသန္ဓေနေခြင်းတို့၏ ဆက်စပ်ပုံတို့ကို ပိုမိုထင်ရှားစေမည့် (၀ါ) နှစ်ပေါင်း ၂၅၀၀
ကျော်က ဗုဒ္ဓတွေ့ရှိထားသော အမှန်တရားတို့သည် ကမ္ဘာ့သိပ္ပံ စိတ္တဗေဒပါရဂူများ
အတွေးအခေါ်ရှင်ကြီးများ စသည်တို့နှင့်တကွ သာမန်လူသားအများစုပါလက်ခံလာနိုင်ရန်
ပိုမိုထင်ရှားလာစေမည့် သုတေသနစုံစမ်းရေးများကို ယခုအခါ လောကဓါတ်သိပ္ပံပညာရှင်
ကြီးများက အင်တိုက်အားတိုက် ဆောင်ရွက်နေကြပြီဖြစ်ကြောင်း သိရှိရပါသည်။
ဗုဒ္ဓတရားတော်အရ အထူးသဖြင့် ပဋိစ္စသမုပ္ပါဒ်အရ အဆိုပါ မညီမျှမှုများသည်
မိဘမျိုးရိုးဗီဇပတ်ဝန်းကျင်အခြေအနေ ဓမ္မတာသဘောတရားနှင့် ပဲ့ပြင်ပျိုးထောင်မှုတို့
ကြောင့်သာဖြစ်သည်မဟုတ် အတိတ်ပစ္စုပ္ပန်ကံကြောင့်လည်း ဖြစ်ပေါ်ပါသည်။
မဇ္ဈိမနိကာယ်လာ စူဠကမ္မ၀ိဘင်္ဂသုတ်တွင် လူသားအချင်းချင်း မညီမျှမှုများ
အကြောင်းနှင့်ပတ်သတ်၍ အမှန်တရားကို သုတေသနပြုနေသူလူငယ်တစ်ဦးက မြတ်စွာ
ဘုရားရှင်အား အရှင်ဘုရား အချို့သောလူသားတို့သည် အပ္ပါယုက အသက်တို၏။
အချို့မှာ ဒီဃာယုက အသက်ရှည်၏။ အချို့မှာ အပ္ပာဗာဏ ရောဂါနည်းပါး၏။ အချို့မှာ
ဗ၀ါဗာဓရောဂါထူပြော၏။ အချို့မှာ ဒုဗဏ္ဏ အဆင်းမလှ အချို့မှာ သုဗ္ဗဏ္ဏ အဆင်းလှ၏။
အချို့မှာ အပ္ပသေက္ခာ သြဇာအာဏာမရှိ၊ အချို့မှာ မဟာသေက္ခာ သြဇာအာဏာရှိ၏။
အချို့မှာ အပ္ပဘောဂ- ဆင်းရဲနွမ်းပါး၏။ အချို့မှာ မဟာဘောဂ ချမ်းသာကြွယ်ဝ၏။
အချို့မှာ နီစကုလ အောက်တန်းစားဖြစ်၍ အချို့မှာ ဥစ္စကုလ အထက်တန်းစားများဖြစ်
ကြ၏။ အချို့မှာ ဒုပ္ပပညာ ပညာမဲ့၏။ အချို့မှာ ပည၀န္တ ပညာရှိ၏ဟု လျှောက်ထားရာ
ဘုရားသခင်က အောက်ပါအတိုင်း အကျဉ်းအားဖြင့် ဖြေတော်မူပါသည်။
ကမ္မဿကာ ဘိက္ခဝေ သတ္တာကမ္မဒါယာဒါ ကမ္မယောနိ
ကမ္မဗန္ဓု ကမ္မပဋိဿရဏာ ယံကမ္မံကရောန္တိ၊
ကလျာဏံဝါ ပါပကံဝါ တဿဒါယာဒါ ဘ၀န္တိ။
ဘိက္ခဝေ ရဟန်းတို့၊ သတ္တာ သတ္တ၀ါတို့သည်၊ ကမ္မဿကာ ကံသာလျှင်
ကိုယ်ပိုင်ဥစ္စာရှိကုန်၏။ ကမ္မဒါယာဒါ ကံသာလျှင် အမွေအနှစ်ရှိကုန်၏။ ကမ္မယောနိ
ကံသာလျှင် အကြောင်းရင်း မူလရှိကုန်၏။ ကမ္မဗန္ဓု ကံသာလျှင် အဆွေ
ခင်ပွန်းရှိကုန်၏။ ကမ္မပဋိဿရဏာ ကံသာလျှင်ကိုးကွယ်ရာရှိကုန်၏။ ကလျာဏံဝါ
ကောင်းသည်မူလည်းဖြစ်စေ။ ပါပကံ ၀ါမကောင်းသည်မူလည်းဖြစ်စေ၊ ယံကမ္မံ
အကြင် ကံကို၊ ကရောန္တိ၊ ပြုကြကုန်၏။ တဿ ကမ္မဿ ထိုကံ၏၊ ဒါယာဒါ အမွေစား
အမွေခံတို့သည် ဘ၀န္တိ ၊ ဖြစ်ကုန်၏။
အမှန်အားဖြင့် ကျွန်ုပ်တို့သည် မွေးကတည်းက မိဘမျိုးရိုးဗီဇလက္ခဏာများ
ပါလာသည်မှန်ပါ၏။ အလားတူပင် အချို့သောကျွမ်းကျင်မှု အရည်အချင်းစွမ်းအင်နှင့်
ဝါသနာ စသည်တို့လည်းပါလာသေး၏။ လောကဓါတ်သိပ္ပံပညာသည်ပင် ယနေ့ထိ
၎င်းတို့၏ သဘာဝယုတ္တိ သာမညယုတ္တိစသည်တို့အကြောင်းကို အဆုံးအဖြတ်မပေးနိုင်
သေးပါ။ သို့သော်လည်း ပုဂိ်္ဂလ်သတ္တ၀ါအနေဖြင့် ပေါက်ဖွားကြီးပြင်းလာစေရန်
မျိုးစေ့အဖြစ် စပန်း အိုးဗန်းခေါ် ကာလလရေကြည်ကို ချပေးသည့် မိဘနှစ်ပါးကိုမူကား
ကျေးဇူးတင်ရပါမည်။ ၎င်းမိဘများထံမှ မျိုးစေ့သည် ရှင်သန်ကြီးထွားလာနိုင်ခြင်းမှာ
သက်ဆိုင်ရာသတ္တ၀ါ၏ ကံအဟုန်အရှိန်ပင်ဖြစ်ပါသည်။ ယင်းကံ၏အဟုန်သည်ပင်
ဘ၀သစ်ပဋိသန္ဓေ၏အကြောင်းအရင်း ဖြစ်ပါသည်။ အတိတ်ကပြုခဲ့သော ကံအရှိန်
ကံဓါတ်အားတို့သည် မိဘနှစ်ပါးထံမှ ရရှိသော မျိုးရိုးဗီဇ မျိုးစေ့ကာလလရေကြည်ထက်
သတ္တ၀ါ၏ ရုပ်နာမ်ခန္ဓာအာယတနတို့ကို တည်ဆောက်ရာတွင် များစွာတန်ခိုးအာနိသင်
ကြီးမားပါသည်။
ဥပမာ ဗုဒ္ဓဘုရားရှင်သည် အခြားသောသာမန်လူများကဲ့သို့ပင် မိဘနှစ်ပါးထံမှ
မျိုးရိုးဗီဇ မျိုးစေ့အဖြစ် ကာလလရေကြည်ကို ဆက်ခံရရှိခဲ့ပါ၏။ သို့သော်လည်း ၎င်း၏
အလွန့်အလွန်မြင့်မြတ် ကြီးကျယ်သည့်ဘေးလောင်းတော် ဘိုးလောင်းတော်မှအစ အဆက်ဆက်
သော ဆွေတော်ခြောက် သောင်းမျိုးတော်ပေါင်းတို့ စိတ်ဓါတ်အရာတွင်လည်းကောင်း၊
အသိပညာအရာတွင်လည်းကောင်း၊ကိုယ်အင်္ဂါအဆင်းလက္ခဏာတို့တွင်လည်းကောင်း
နှိုင်းယှဉ်နိုင်သည့် ဆွေတော်မျိုးတော်တစ်ဦးတစ်လေမျှ ပေါ်ထွန်းခြင်းမရှိပါ။
ဗုဒ္ဓကိုယ်တိုင်က မိမိသည် အရိယာဗုဒ္ဓနွယ်ဝင်ဖြစ်ကြောင်း မင်းမျိုးမင်းနွယ်
နှင့် မဆိုင်ကြောင်း မိန့်တော်မူခဲ့ပါသည်။ ဗုဒ္ဓသည်ကား အတုလံအတုမရှိသည့်
ပုဂိ်္ဂုလ်ထူး ပုဂိ်္ဂုလ်မြတ်အမှန်စင်စစ်ဖြစ်ပါပေ၏။ (ပါရမီ ဒဗ္ဗသမ္ဘာရ ကမ္မ ၀ိပါက)
ထူးကဲမြင့်မြတ်သည့် ကံအဟုန်ပင်ဟု ဆိုရပါမည်။
ဒီဃနိကာယ်လာ လက္ခဏသုတ်တွင် မြတ်စွာဘုရားသည် ယောက်ျားမြတ်၏
လက္ခဏာတော် ၃၂ ပါးကို မိမိ၏ အတိတ်ကောင်းမှုကံကြောင့် ရရှိကြောင်း အကျယ်တ၀င့်
ဟောတော်မူပါသည်။ ထို့ကြောင့် အတိတ်ကံအဟုန်သည် မိဘနှစ်ပါးထံမှ ရသော
မျိုးရိုးဗီဇမျိုးစေ့ကို လွှမ်းမိုးကာ ခန္ဓာငါးပါးကို ပြုပြင်စီရင်ပျိုးထောင်ပေးပါသည်။
ထို့ကြောင့် မြတ်စွာဘုရားက ကံသာလျှင် မိမိ၏အမွေဖြစ်သည်ဟု ဟောတော်မူခြင်း
ဖြစ်ပါသည်။ ကျွန်ုပ်တို့၏ ကိုယ်စိတ်နှလုံးဟုဆိုအပ်သော ရုပ်ပိုင်းဆိုင်ရာ၊ နာမ်ပိုင်းဆိုင်ရာ
အရည်အသွေးအသိလိမ္မာ ဉာဏ်အရာတွင်လည်းကောင်း၊ ကျွမ်းကျင်မှုတွင်လည်းကောင်း၊
စိတ်နေသဘောထားတွင်လည်းကောင်း မညီမျှမှုများ ကွာခြားချက်များ အသီးသီးရှိ
ကြရာ ယင်းမညီမျှမှု ကွာခြားမှုများသည် အများအားဖြင့် အတိတ်နှင့် ယခုမျက်မှောက်
ပစ္စုပ္ပန်ကာလတို့၌ ပြုလုပ်သော ကံအမှုနှင့် လိုက်စားခဲ့သော အလေ့အထများကြောင့်
ဖြစ်သည်ဟု ဆိုရပါမည်။
ယင်းမညီမျှမှု ကွာခြားမှုများသည် ဗုဒ္ဓတရားတော်အရ ကံသာလျှင်အကြောင်း
ရင်းခံသော်လည်း အခြားအကြောင်းများလည်း အသီးသီး အသကအသက ရှိကြပါသေးသည်။
ကံတစ်ခုတည်းသာ အကြောင်းမဟုတ်ပါ။ ကံသည် ဤကိစ္စတွင် အလွန်အရေးပါသော်
လည်း ဗုဒ္ဓအဘိဓမ္မာတရားတော်လာ ဟေတုအစရှိသည့်အကြောင်းတရားနှစ်ဆယ့်လေးပစ္စည်း
ရှိသည့်အနက် ပစ္စည်းတစ်ပါးသာ ဖြစ်ပါသည်။
ကောင်းသောသုခဝေဒနာ၊ မကောင်းသောဒုက္ခဝေဒနာ၊ ကောင်းမကောင်း
မဟုတ်သော ဥပေက္ခာဝေဒနာ၊ စသည်တို့အားလုံးသည် အတိတ်ကပြုခဲ့သောကံကြောင့်
သာဟု ယူသောအမှား ပုဗ္ဗေကတဟေတုဒိဋ္ဌိ ကို ပယ်သောအားဖြင့် မြတ်စွာဘုရားက-
တေနာဟာ ယသ်္မန္တော ပါဏာတိပါတိနော ဘ၀ိဿန္တိ ပုဗ္ဗေကဟေတု
အဒိန္နာ ဒါယီနော ဘ၀ိဿန္တိ ပုဗ္ဗေကတဟေတု
အဗြဟ်္မစာရိနော ဘ၀ိဿန္တိ ပုဗ္ဗေကတဟေတု
မုသာဝါဒိနော ဘ၀ိဿန္တိ ပုဗ္ဗေကတဟေတု၊
ပိသုဏ၀ါစီနော ဘ၀ိဿန္တိ ပုဗ္ဗေကတဟေတု
အဘိဇ္ဈာလုမနော ဘ၀ိဿန္တိ ပုဗ္ဗေကတဟေတု၊
ဗျာပန္နစိတ္တာဘ၀ိဿန္တိ ပုဗ္ဗေကတဟေတု၊
မိစ္ဆာဒိဋ္ဌိကာ ဘ၀ိဿန္တိ ပုဗ္ဗေကတဟေတု။
ရဟန်းတို့ ဤသို့ဆိုလျှင် လူသတ္တ၀ါတို့သည် ၎င်းတို့၏အတိတ်ကံကြောင့်
လူသတ်သမားဖြစ်ကုန်လိမ့်မည်၊ သူခိုးသူဝှက်ဖြစ်ကုန်လိမ့်မည်။ လူလိမ်လူညာ ဖြစ်ကုန်
လိမ့်မည်၊ မုဒိမ်းကျူးလွန်ကုန်လိမ့်မည်။ ဂုံးချောသမားဖြစ်ကုန်လိမ့်မည်။ ကြမ်းတမ်း
သောစကားကို ဆိုကုန်လိမ့်မည်။ သိမ်ဖျင်းသောစကားကို ဆိုကုန်လိမ့်မည်။ လောဘရမ္မက်
ကြီးကုန်လိမ့်မည်။ မနာလိုဝန်တိုစိတ်စိတ်ရှိကုန်လိမ့်မည်။ မှားသောအယူရှိကုန်လိမ့်မည်ဟု
ဟောတော်မူသည်နှင့်အညီ အတိတ်အကြောင်းတစ်ခုတည်းနှင့်သာ ဒုစရိုက်ဆယ်ပါးကို
ကျူးလွန်သူများ ဖြစ်ကုန်ကြလိမ့်မည်။
ဤပါဠိတော်အရ သတ္တ၀ါလို့ဆိုသည့် ရုပ်ခန္ဓာ နာမ်ခန္ဓာအခြင်းအရာအခြေအနေ
အားလုံးသည် ကံကြောင့်သာဖြစ်သည်ဟုယူသောဝါဒကို ပယ်ဖျက်လိုက်ခြင်းဖြစ်ပါသည်။
ယခုမျက်မှောက်ဘ၀သည် အတိတ်ကံကြောင့်သာ ဖြစ်သည်ဟုဆိုလျှင် ယင်းကံတရား
သည် ကိန်းသေသတ်မှတ်ထားသည့် နိယတမိစ္ဆာဒိဋ္ဌိမျိုး သို့မဟုတ်၊ ကြိုတင်သတ်မှတ်ထားသည်
ဆိုသော ပုဗ္ဗေကတဟေတုဒိဋ္ဌိမျိုး စသည်တို့နှင့် ဘာမျှခြားနားမည်မဟုတ်ပါ။ လူ့အခွင့်
အရေးဆိုသည်မှာ အဓိပ္ပါယ်မရှိဖြစ်သွားပါလိမ့်မည်။
လူ့ဘ၀ဆိုသည်လည်း စက်ယန္တရားနှင့် ဘာမျှခြားနားတော့မည်မဟုတ်ပါ။
ကျွန်ုပ်တို့၏ ကံကြမ္မာနှင့် အနာဂတ်ကို ဆုပ်ကိုင်ထားသည်ဆိုသည့် ထာဝရတန်ခိုးရှင်က
သာ ကျွန်ုပ်တို့အား ဖန်ဆင်းသည်ဖြစ်စေ၊ ကံကြောင့်သာ ကျွန်ုပ်တို့သည် လက်ရှိ
အခြေအနေသို့ လူသတ္တ၀ါအဖြစ် ပေါက်ဖွားရောက်ရှိလာသည်ဖြစ်စေ ကျွန်ုပ်တို့အတွက်
မထူးခြားလှပါ။ ထူးခြားသည်မှာကတော့ ကံနှင့် ထာဝရ စကားနှစ်လုံးသာ ခြားနားပါသည်။
၎င်းတို့၏ လုပ်ငန်းမှာ အတူတူပင်ဖြစ်ပါသည်။
ကမ္မဿ ကာရကော နတ္ထိ၊ ၀ိပါကဿစ ဝေဒကော။
သုဒ္ဓဓမ္မာ ပ၀တ္တိန္တိ၊ ဧ၀ံ တံ သမ္မဒဿနံ။
ကမ္မဿ၊ ကုသိုလ်ကံ အကုသိုလ်ကံ ထိုနှစ်ကံကို။ ကာရကော ပြုလုပ်တတ်သော
သတ္တ၀ါသည်၊ နတ္ထိမရှိ။ ၀ိပါကာသ ကုသိုလ် အကုသိုလ်ကံ၏ အကျိုးတရားကို။
ဝေဒကောစ ခံစားစံစားတတ်သော သတ္တ၀ါသည်။ နတ္ထိ မရှိ။ သုဒ္ဓဓမ္မာ ပုဂ္ဂိုလ်သတ္တ၀ါနှင့်
မရောမယှက် ဖြစ်ပျက်အမှန် ရုပ်နာမ်ဓမ္မသင်္ခါရ ၀ဋ်တရားသာလျှင် ပ၀တ္တန္တိ
ဖြစ်ကုန်၏။ ဧ၀ံ ဤသို့။ ဧတံဒဿနံ ဤသို့မြင်ခြင်းသာလျှင်။ သမ္မဒဿနံ မဖေါက်မပြန်
အဟုတ်အမှန်အတိုင်း မြင်သည်မည်၏ဟု ဟောထားသည်ကို စဉ်းစားကြည့်ဖို့လိုပါသည်။
ဗုဒ္ဓ၏ကံတရားသည်ကား အမှန်စင်စစ်နိယာမကိန်းသေ သတ်မှတ်ထားသည့်
တရားမျိုးမဟုတ်ပါ။ ဤနေရာတွင် လောကနိယာမတရားငါးပါးအကြောင်းကို
အကျဉ်းအားဖြင့် ဖေါ်ပြလိုပါသည်။
(၁) ဥတုနိယာမဆိုသည်မှာ ဥတု၏စွမ်းအားဖြင့် သာလျှင် ထာဝရဖြစ်ပေါ်သော
အပူအအေး၊ မိုးလေ၀သ စသည်တို့ဖြစ်ပါသည်။
(၂) ဗီဇနိယာမဆိုသည်မှာ ဥတုအထူးဟုဆိုအပ်သောမျိုးစေ့အဆံအရင်းအမြစ်
အကိုင်း အခက်ပိုးမွှားကလေးများ၏ အစွမ်းအားဖြင့်သာလျှင် ပြီးစီးခြင်းကို ဆိုလိုပါသည်။
ဥပမာ စပါးမျိုးစေ့မှ စပါးပင်ပေါက်ခြင်း၊ ကြံပင်သို့မဟုတ် ပျားရည်နှင့် အခြားသစ်သီးဝလံ
တို့မှ သကြားစသည့် အချိုအရသာဖြစ်ပေါ်ခြင်း။
(၃) ကမ္မနိယာမဆိုသည်မှာ စေတနာကံ၏ အစွမ်းအားဖြင့်သာလျှင် မြဲသော
သဘောအားဖြင့် ပြီးစီးခြင်း။ ဥပမာ မကောင်းသောအကုသိုလ်ကံတို့၏ အလိုမရှိအပ်
မနှစ်သက်အပ်သော အနိဋ္ဌ အကျိုးပေးခြင်း၊ ကာမကုသိုလ်ကံတို့၏ ကောင်းသော
ကုသိုလ် ၀ိပါက် အကျိုးပေးခြင်း။
(၄) ဓမ္မနိယာမဆိုသည်မှာ သဘောအားဖြင့်သာလျှင် မြဲသောအားဖြင့်ပြီးစီးခြင်း၊
ဥပမာဤလောက၌ မည်သည့်အရာမဆို အကြောင်းအားလျော်စွာ အကျိုးဖြစ်ပေါ်မှုအလုံးစုံ
သည် ဓမ္မနိယာမမည်၏။ ဥပမာ ဘုရားအလောင်းသည် ပဋိသန္ဓေတည်နေသောအခါ
မွန်မြတ်ဆန်းကြယ်သောအလင်းရောင် အလင်းကြီးပေါ်လာ၏။ ဤတစ်သောင်းသော
လောကဓါတ်သည်လည်း တုန်လှုပ်၏။ ဤသို့ဖြစ်ခြင်းသည် လောကစဉ်လာ ဓမ္မတာ
သဘောရိုးကြီးပေတည်း။ မည်သူတစ်ဦးမျှ ပုဂိ်္ဂုလ်အစွမ်းအားဖြင့် ပြုပြင်၍မရသော
ဖျက်စီး၍မရသောအရာကို ဓမ္မတာဟုဆို၏။ ဖြစ်ခွင့်ရှိလျှင်အမြဲဖြစ်ရ၏။ ပျက်ခွင့်
ရှိလျှင် အမြဲပျက်ရ၏။
(၅) စိတ်၏စွမ်းအားဖြင့်သာလျှင် ပြီးစီးလေသောကြောင့်စိတ္တနိယမမည်၏။
စိတ္တနိယာမ၏ အစွမ်းအကြောင့်သာလျှင် သတ္တ၀ါတို့၏ ခဏမစဲအမြဲဖြစ်နေသော စုတိစိတ်အစဉ်
တို့သည် (၀ါ) ပဋိသန္ဓေစိတ် ဘ၀င်စိတ် ၀ီထိစိတ် ဇောစိတ် စုတိစိတ်စသည်တို့သည်
ကိစ္စအစဉ် ဌာနအစဉ် အတိုင်းသာ ညီညွတ်စွာဖြစ်ပေါ်ပျောက်ပျက်နေကုန်၏။
ဥပမာ စုတိစိတ်၏နောက်၌ ပဋိသန္ဓေစိတ်အမြဲဖြစ်၏။ပဋိသန္ဓေစိတ်နောက်၌ ဘ၀င်၊
ဘ၀င်နောက်၌ အာဝဇ္ဇန်း စသည်တို့သာဖြစ်ကုန်၏။
ဒိဗ္ဗစက္ခု၊ ဒိဗ္ဗသောတ၊ စေတောပရိယ၊ ဣဒိ်္ဓ၀ိဓ အစရှိသည့် လောကီအဘိညာဉ်
စိတ်များနှင့် တန်ခိုးဣဒိ်္ဓပါဒ်များသည် မကြာသေးမှီကမှ တွေ့ရှိသော တဲလီပါသီ၊
တဲလီကနဲစစ်၊ ကလဲယာဗောယင့်စ်၊ ကလဲယာအော့ကဒိယင့်စ်၊ ပါရာဆိုက်ကော်လော်ဂျီ
(ပရစိတ္တဗေဒ)၊ အီးအက်စ်ပီ (ပရ၀ိညာဉ်) တို့နှင့်အလားတူပါသည်။ ၎င်းတို့လည်း
စိတ္တနိယာမတရားတွင် သက်ဝင်ပါသည်။
စိတ်ဓါတ် စိတ်သဘာဝတိုင်း ရုပ်ဓါတ်ရုပ်သဘာဝတိုင်းကို အထက်ပါနိယာမ
တရား ငါးပါးတို့အားဖြင့် ရှင်းပြနိုင်ပါသည်။ ကံတရားသည်လည်း နိယမတရားတစ်ခုအဖြစ်
ပါဝင်နေသည်ကို တွေ့ရပါမည်။
ယင်းနိယာမတရားတို့အနက် ဥတုနိယာမနှင့် ကမ္မနိယာမတို့သည် လူသားတို့၏
အတတ်ပညာအစွမ်းအားဖြင့်လည်းကောင်း၊ စိတ်တန်ခိုး၏ အစွမ်းအားဖြင့်လည်းကောင်း
အတော်အတန် ထိန်းသိမ်းနိုင်ကောင်းနိုင်သော်လည်း အတော်ယန္တယားဆန်လှပါသည်။
ဥပမာ မီးသည်သာမန်အားဖြင့် ပူလောင်စေတတ်ပါသည်။ လွန်ကဲသော
အအေးဓါတ်သည် ထုံကျင်စေတတ်ပါသည်။ သို့သော်လည်း လူသားသည် မီးပုံပေါ်တွင်
အခေါက်ခေါက် အခါခါလျှောက်သော်လည်း မည်သို့မျှ ဘေးဥပါက်မရှိပါ၊ အလားတူစွာ
ဟိမန္တာတောင်ရှိ ရေခဲတောင်ပေါ်တွင် ကိုယ်လုံးတီး ကမ္မဋ္ဌာန်းထိုင်ပါသည်။
ပန်းဥယာဉ်စိုက်ပျိုးသူအချို့တို့သည် ထူးဆန်းအံ့သြဖွယ်ရာပန်းများ အသီးအစေ့
များကို စိုက်ပျိုးပြုစုကြပါသည်။ ယောဂီအချို့သည်လည်း ပေါ့ပါးစွာကောင်းကင်တွင်
ပျံသန်းနိုင်ကြပါသည်။ မြေလျှိုးနိုင်ကြပါသည်။
စိတ်ပိုင်းဆိုင်ရာအတတ်ပညာသည်လည်း စက်ယန္တယားဆန်ပါသည်။ ဗုဒ္ဓ၏
နည်း စိတ်ပညာသည်ကား သမ္မာဒိဋ္ဌိ အမြင်မှန်ဖြူစင်သော စေတနာစသည်တို့ဖြင့်
စိတ်ကို ထိန်းသိမ်းဖို့ ဖြစ်ပါသည်။
ကံတရားသည်ကား သူ့သဘောသူဆောင်သည့် တရားဟုဆိုရပါမည်။ ကံအား
သည် အလွန်ပြင်းထန်နေပါလျှင် လူသည် ကံဓါတ်အကျိုးပေးမှုကို ဘာမျှမတားဆီး
နိုင်ပါ။ ဤကိစ္စမျိုးတွင်လည်း သမ္မာဒိဋ္ဌိအမြင်မှန်နှင့် သန့်ရှင်းသောစေတနာတို့က
အနာဂတ် ကောင်းစားရေးအတွက် များစွာအကူအညီပေးပါသည်။၊ ကောင်းသော ကုသိုလ်
ကံကို ခိုင်မြဲစွာ စွဲကိုင်ခြင်းဖြင့် အကုသိုလ်မကောင်းကံ၏အကျိုးကို ပယ်ဖျက်နိုင်ပါသည်။
ကံတရားသည်ကား အလွန်ဆန်းကျယ်လှပါသည်။ ဗုဒ္ဓဘုရားရှင်သာလျှင်
အပြည့်အ၀ နားလည်အောင်ဟောကြားတော်မူနိုင်ပါသည်။
ကံတရားနှင့် ကံ၏အကျိုးဝိပါက်(ပဋိသန္ဓေ) တရားတို့သာလျှင် အောက်ပါ
ပြဿနာရပ်များ၏ အဖြေမှန်ကို ပေးနိုင်မည်ဖြစ်ပါသည်။ ။
(၁) ဆင်းရဲဒုက္ခပြဿနာ အတိတ်ကံကြမ္မာနှင့် လူသားအချင်းချင်း မညီမျှမှုများ။
(၂) ကမ္ဘာအရပ်ရပ်တွင် မကြာခဏပေါ်ပေါက်တတ်သော အရွယ်နှင့်မလိုက်
အောင် အံ့သြဖွယ်ရာအသိထူး လူရည်ချွန် အသိပညာရှင်ကလေးများ။
(၃) အဘယ့်ကြောင့်တမိတဖတည်း တအူတုံဆင်း (၀ါ) တစ်ခုတည်းသော
ပတ်ဝန်းကျင်မှ ပေါက်ဖွားသော အမွှာညီနောင် အမွှာညီအစ်မများသည် စိတ်နေသဘော
ထားတွင်လည်းကောင်း၊ ကိုယ်ကျင့်စာရိတ္တတွင်လည်းကောင်း၊ အသိဉာဏ်တွင်
လည်းကောင်း ကွဲပြားခြားနားကြပါသနည်း။
(၄) မိဘရိုးရာဗီဇမျိုးစေ့အရ မိသားစုတစ်စုအတွင်းတွင် ညီရင်းအစ်ကို
မောင်ရင်းနှမတို့သည် တူညီရမညဖြစ်ပါလျက် အဘယ့်ကြောင့် ကွဲပြားခြားနားခြင်းရှိ
ကြပါသနည်း။
(၅) အတိတ်ဘ၀အစွဲအလန်းကြောင့် အချို့လူများ၏ ထူးချွန်သောအရည်
အချင်းများ။
(၆) အဘယ့်ကြောင့် မိဘနှင့်သားသမီးများ စာရိတ္တအရာတွင်လည်းကောင်း၊
ဉာဏ်ပညာအရာတွင်လည်းကောင်း ခြားနားချက်ရှိပါသနည်း။
(၇) မွေးခါစကလေးငယ်များတွင် အလိုအလျောက်ဖြစ်ပေါ်သော လောဘ၊ ဒေါသ၊
မောဟများ။
(၈) အဘယ့်ကြောင့် မြင်မြင်ချင်း ကြားကြားချင်း ချစ်ရသနည်း မုန်းရသနည်း။
(၉) အဘယ့်ကြောင့် မိခင်ဖခင်တို့သည် လူတော်လူကောင်းဖြစ်ပါလျက် သားသမီး
တို့သည် သူယုတ်မာဖြစ်နေကြသနည်း။
(၁၀) အဘယ့်ကြောင့် ဤမျက်မှောက်ဘ၀တွင်ပင် လူဆိုးတစ်ယောက်သည်
လူသူတော် တစ်ယောက်ချက်ချင်ဖြစ်သွားနိုင်ပါသနည်း။ လူသူတော်တစ်ယောက်သည်
လူဆိုးတစ်ယောက်ဖြစ်သွားနိုင်ပါသနည်း။ မိန်းမသည် ယောက်ျားဖြစ်သွား၍ ယောက်ျား
သည် မိန်းမဖြစ်သွားနိုင်ပါသနည်း။
(၁၁) အဘယ့်ကြောင့် အရွယ်မရောက်မီ သေကြပါသနည်း၊ အဘယ့်
ကြောင့် အချို့သည် ရုတ်တရက်မွဲရာမှချမ်းသာခြင်း ချမ်းသာရာမှ မွဲသွားခြင်းဖြစ်ကြပါသနည်း။
(၁၂) အောက်ထစ်ဆုံးအားဖြင့် လောကဓါတ်သိပ္ပံပညာသည် သက်မဲ့မှသက်ရှိအဖြစ်
ပြောင်းလဲနိုင်သည်အထိ တိုးတက်အောင်မြင်ပါသော်လည်း ဗုဒ္ဓ၏ကံအကြောင်းတရားနှင့်
ဝိပါက (ပဋိသန္ဓေ) အကျိုးတရားဆိုသည့် လောကနိယာမကြီးအတွက် ထူးဆန်းလိမ့်မည်
မဟုတ်ပါ။ အထက်ပိုင်းတွင် တင်ပြထားသည့် ပဋိသန္ဓေပြဿနာအတွေ့အကြုံနှင့်
အယူဝါဒ ဆိုသော စာတန်းစာမျက်နှာ (၂၆၇) တွင် ကွယ်လွန်သူ ဗုဒ္ဓအဘိဓမ္မယဆရာ
ကြီး ဖရန်စစ်စတိုရီ၏ မှတ်ချက် မြန်မာပြန်မှာ အောက်ပါအတိုင်းဖြစ်ပါသည်။
““ကံအဟုန်သည် သတ္တ၀ါ၏ သဘာဝနိယာမ ပဋိသန္ဓေကျိုးကို ပေးရာတွင်
ပဓါနဖြစ်သကဲ့သို့ ခေတ်သစ်သိပ္ပံနည်းအရ လူသတ္တ၀ါအစရှိသည့် သက်ရှိသားကောင်
များကို ဓါတ်ဖေါက်ရာတွင် (၀ါ) မေထုန်မဲ့သားဖေါက်ရာတွင်လည်း ပဋိသန္ဓေ
မျိုးစေ့ကို ပေးစွမ်းနိုင်မည်သာဖြစ်ပါသည်။ လူအစရှိသည့် သက်ရှိသတ္တ၀ါများကို
ဓါတ်အားဖြင့်သာ သိပ္ပံပညာကမွေးဖွားပေးနိုင်သည့် တစ်နေ့တွင် သတ္တ၀ါကို ဘုရားသခင်
ဖန်ဆင်းသည်ဆိုသော အယူဝါလည်း ကျဆုံးသွားမည်ဖြစ်သော်လည်း ဗုဒ္ဓ၏လောက
ဘ၀ပြဿနာဆိုင်ရာတရားသည် ကွယ်ပျောက်သွားမည်မဟုတ်ပါ။””
စာရေးသူကိုယ်တိုင်လည်း လောကဓါတ်သိပ္ပံပညာသည် လူသားအပါအ၀င်
သက်ရှိ သတ္တ၀ါတို့အား ဘယ်တော့မှ မသေသည်အထိ အောင်မြင်သည်ဆိုဦးတော့
ဗုဒ္ဓ၏အနိစ္စ အမြဲမရှိအစရှိသည့် တိလက္ခဏာကြီးသုံးပါးသည်ကား ကွယ်ပျောက်
သွားမည် မဟုတ်ဟု ယုံကြည်ပါသည်။ ကျိုးကြောင်းလောကနိယာမခေါ် ကံနှင့်
ဇာတိပဋိသန္ဓေတရား (၀ါ) အနတ္တဓမ္မသည် ရှင်သန်လျက်သာရှိမည်ဖြစ်ပါသည်။
အထက်ပိုင်းတွင် ဇာတိပဋိသန္ဓေအကြောင်းကို ဗုဒ္ဓနည်းအရ အတော်ကလေး
စုံလင်စွာ ဆွေးနွေးလာခဲ့ရာ ခေတ်ပေါ်လောကဓါတ် အနောက်တိုင်းဆေးသိပ္ပံရှုထောင့်မှ
လည်း အနည်းငယ်ဖေါ်ပြထားသည်ကို တွေ့ရပါသည်။ ယခုဆက်၍ စာရေးသူစုဆောင်း
ထားသော ဇာတိပဋိသန္ဓေနှင့် လောကဓါတ်ဆေးသိပ္ပံဆိုင်ရာ မှတ်စုအချို့ကို တင်ပြ
လိုပါသည်။
No comments:
Post a Comment